Morgunblaðið - 14.08.2009, Qupperneq 1

FÖSTUDAGUR 14. ÁGÚST 2009
bílar
Chevrolet Volt er afar rennilegur rafbíll sem höfðar
líka til þeirra sem hafa bensín í blóðinu 2
Eftir Ágúst Ásgeirsson
agas@mbl.is
PEUGEOT og Citroën hafa birt upplýs-
ingar um nýja „smárisa“ (supermini) sem
losa munu innan við 100 g/km gróðurhúsa-
lofts. Um er að ræða Peugeot 207 sem feng-
ið hefur andlitslyftingu og svo nýja útgáfu
af C3-bílnum frá Citroën.
Báðir bjóðast með nýrri 90 hestafla 1,6
lítra dísilvél sem losar aðeins 99 g/km
koltvíildis og brúkar aðeins 3,1 lítra elds-
neytis á 100 km í blönduðum akstri. Núver-
andi mótor af þessari stærð losar 117 g/km
og eyðir 3,7 lítrum á 100 km. Árið 2011
kemur svo enn ný kynslóð mótora til sög-
unnar, með annarrar kynslóðar start-stopp
tækni, er lækka ætti útblásturinn í 90 g/km.
Bættir aksturseiginleikar
Nýi Peugeotinn er kominn á markað en
C3-bíllinn er væntanlegur í vetur. Hann
kemur fyrst fyrir almenningssjónir á bíla-
sýningunni í Frankfurt í haust, en þar verð-
ur annar nýr Citroën-smábíll sýndur, DS-
bíllinn nýi. Hinn nýi C3 er áberandi frá-
brugðinn fyrri kynslóðinni í útliti,
stílfegurri og sportlegri. Hægt verður með-
al annars að fá hann með framrúðu sem
nær aftur eftir þakinu. Meðal annarra val-
kosta er blátannarbúnaður og iPod-aðlögun.
Af hálfu Citroën er því haldið fram, að
stórt skref hafi verið stigið til að bæta
aksturseiginleika C3-bílsins. Sporvíddin er
meiri en í forveranum, hann er 9 cm lengri
eða 3,94 metrar. Breiddin er 4 cm meiri en
hæðin sú sama, eða 1,51 m. Bílstjórasætið
og sæti framsætisfarþega hafa verið hækk-
uð til að bæta útsýni. Fótarými er 8 cm
meira fram í og 2 cm lengra aftur í.
Dregið hefur verið úr hávaða frá bílnum
og mjög hljótt sé í farþegarýminu miðað við
forverann. Þar séu og þægindi meiri, enda
hafi hvort tveggja verið meðal forgangs-
atriða við hönnunina, segir framleiðslustjór-
inn, Vincent Besson.
Kröfur um gæði aukast
Nýi smárisinn er Citroën mikilvægur í
viðleitni þess að treysta tök sín á smábíla-
markaði. Svonefndur B-flokkur hefur verið
hratt vaxandi og nemur um þriðjungi allrar
bílasölu í Evrópu. Citroën segist ætla sér á
annan tug prósenta hlutdeildar í þeim
markaði með hinum nýja C3. Af fyrstu kyn-
slóðinni hafa selst tvær milljónir eintaka til
þessa. Citroën gerir sér vonir um að nýi
C3-bíllinn laði að sér kaupendur sem ella
horfðu til Ford Fiesta, VW Polo og Renault
Clio, svo dæmi séu nefnd.
Að sögn Besson er ekki litið á bíla af
stærðargráðu C3 sem fjölskyldubíl númer
tvö. Því hafi kröfur um gæði aukist og fólk
vilji meiri valkosti varðandi aukabúnað,
ásamt sparneytni. Við þessum óskum sé
brugðist með nýja C3-bílnum.
Íhlutasmiðir voru beðnir um að freista
þess að draga úr partaþyngd. Árangurinn
er meðal annars sá að skelin í nýja bílnum
er 50 kílóum léttari en í forveranum. Undir-
vagninn var endurhannaður og er um margt
sá sami og í 207-bíl Peugeot. Uppsetning
afturfjaðrar er alveg ný til að bæta aksturs-
þægindi, draga úr vaggi og minnka bílhá-
vaða.
Nýi C3-bíllinn er sá fyrsti sem PSA-
fyrirtækið framleiðir án þess að smíða
dæmigerða frumgerð. Hann var þróaður
miklu lengra í tölvum en áður þekkist og
forsmíði þeirra hófst því mun seinna í þró-
unarferlinu en áður þekkist.
Fyrstu reynslubílarnir voru smíðaðir á
framleiðslulínunni og segir Citroën þessa
aðferð hafa sparað mikla peninga og gefið
aukinn tíma til reynsluaksturs. Reynslu-
þórar Citroën munu hafa lagt að baki á
þriðju milljón kílómetra áður en bíllinn fer í
fjöldaframleiðslu.
Citroën boðar nýjan smárisa
Breyttur bíll Nýja kynslóð C3 er mjög breytt. Hægt verður að fá framrúðu sem nær upp á þak eins og hér má sjá.
Betra pláss í nýjum bíl Sætin hafa verið
hækkuð fram í C3-bílnum og fótarými aukið.
Miklar kröfur Kaupendur smábíla gera aukn-
ar kröfur um fínheit og valbúnað.