Saga - 2000, Blaðsíða 7

Formáli
í tilefni hálfrar aldar afmælis Sögu ákvað ritstjórn hennar að gefa
út efnisskrá beggja tímarita Sögufélags, Sögu og Nýrrar sögu, frá
því að þau hófu göngu sína. Skráin er að stofni til lokaverkefni
höfundar til BA-prófs í bókasafns- og upplýsingafræði við Há-
skóla íslands árið 1996 er nefndist „Hver skrifar söguna? Skrá
um efni Sögu 1983-1995, Nýrrar sögu 1987-1995 og Sagna
1980-1995." Til er eldri efnisskrá sem Sögufélag fól Steingrími
Jónssyni sagnfræðingi að taka saman árið 1982 og birtist hún aft-
ast í Sögu það ár og einnig sem sérhefti undir heitinu Efnisskrá
1.-20. bindis 1949-1982. Henni var skipt í ritgerðaskrá, ritdóma-
skrá, ásamt nafna- og efnisorðaskrá.
Eins og tekið er fram í formála Einars Arnórssonar að 1. hefti 1.
bindis Sögu hóf ritið ekki göngu sína fyrr en árið 1950, þótt á kápu
og titilsíðu þess standi ártalið 1949. Nánari grein er gerð fyrir út-
komu tímaritsins í formála Steingríms Jónssonar að efnisskránni
frá 1982.
Sú skrá sem nú birtist nær yfir Sögu frá 1. bindi 1949-53 til 37.
bindis 1999 og einnig yfir Nýja sögu frá 1. árgangi 1987 til 11. ár-
gangs 1999. Skráin er um margt frábrugðin þeirri fyrri. Efni tíma-
ritanna er nú flokkað annars vegar eftir tegund efnis og hins veg-
ar eftir viðfangsefni greina. í fyrri hluta efnisskrárinnar er efni
Sögu tegundaskipt í eftirfarandi flokka: greinar, andmæli og at-
hugasemdir, eftirmæli, ritaukaskrár um sagnfræði og ættfræði,
andmæli við doktorsvarnir, ýmislegt og ritdóma. Efni Nýrrar sögu
er einnig skipt eftir tegundum efnis í tvo flokka: greinar og viðtöl.
Oðru efni svo sem ritstjórnarpistlum og formálum er sleppt.
Færslum er þannig háttað að fyrst er höfundur skráður, síðan
titill greinar, þá greinaflokkur innan sviga ef um slíkt er að ræða
og loks er tilfærður staður greinarinnar. Þýðandi og sá sem búið
hefur grein til prentunar eru tilgreindir innan hornklofa til að að-