Norðurland - 13.07.1978, Blaðsíða 6
NORÐURIAND
Fimmtudaginn 13. júlí 1978
MÁLGAGN SÓSÍALISTA
f NORÐURLANDSKJÖR-
DÆMI EYSTRA
GERIST
.ÁSKRIFENDUR
- Síminn er 2-18-75 -
AUGLÝSIÐ I'
NORÐURLANDI
- Síminn er 2-18-75 -
Akureyri:
Verkalýðsfélögin flytja í nýtt
húsnæði
Lífeyrissjóður-
inn Sameining
keypti húsið í
Skipagötu 12
Á fimmtudaginn var fluttu
Verkalýðsfélagið Eining, Sjó-
mannafélag Eyjafjarðar og Líf-
eyrissjóðurinn Sameining úr
gamla Verkalýðshúsinu við
Strandgötu í ný húsakynni í
Skipagötu 12 en lífeyrissjóður-
inn festi kaup á þvi húsi sem er
fjögurra hæða steinhús.
Kaupin voru gerð á sl. hausti
og var kaupverðið 33 miljónir
sem greiðast á einu ári. Gert er
ráð fyrir því að Eining geti
gengið inn í kaupin og gerst
meðeigandi Sameiningar og má
búast við að það gerist von
bráðar. Síðan í haust hefur farið
fram gagnger endurbót á húsinu
og er ekki séð fyrir endann á
kostnaði við hana en sennilega
verður hann ekki minni en
húsverðið.
Nýja Verkalýðshúsið er eins
og áður segir fjórar hæðir. Á
neðstu hæðinni eru skrifstofur
Sameiningar en á 2. hæð eru
Eining og Sjómannafélagið til
húsa. Á 3. hæðinni leigja ýmsir
aðilar, svo sem stéttarfélög
múrara og verkstjóra, Ferða-
félag Akureyrar, snyrtisérfræð-
ingur ofl. Á 4. hæðinni er íbúð
sem nú er leigð út en ekki hefur
verið tekin ákvörðun um fram-
tíð hennar. Eru m.a. uppi hug-
myndir um að rífa skilveggi
innan úr henni og gera þar
fundarsal. Einnig kemur til
greina að hafa þar íbúð fyrir
húsvörð.
Ýmsir aðilar komu við sögu
innréttinganna. Haukur Har-
aldsson hannaði þær, Kjörviður
hf. sá um allt tréverk, Gunnar
Óskarsson um múrverk, Ljós-
gjafinn hf. um raflagnir, Stefán
Starfsfólk verkalýðsfélaganna, talið frá hægri: Sævar Frímannsson, Ólína Jónsdóttir, Þorsteinn Jónatans-
son, Clfhildur Rögnvaldsdóttir, Margrét Einarsdóttir, Jón Helgason, formaður Einingar og Guðjón Jóns-
son formaður Sjómannafélagsins.
Jónsson um málningu, Loki hf.
um pípulagnir og Trésmiðjan
Þór um innihurðir.
Höfuðstólinn 720 miljónir
í hófi sem haldið var í tilefni
flutningsins sagði Jón Helga-
son að starfsemi verkalýðsfé-
laganna hefði vaxið mjög ört að
undanförnu og hefðu þau orðið
allt of lengi að búa við allt of
þröngt húsnæði. Þetta ætti þó
sérstaklega við um lífeyrissjóð-
inn. Hefði verið brýn nauðsyn á
að koma starfseminni í betra
húsnæði þar sem hægt væri að
veita betri þjónustu. Auk þess
hefði það verið mikill ábyrgðar-
hluti að geyma öll þau verð-
mæti sem felast í lífeyrissjóðn-
um í gamla húsinu.
Höfuðstóll Sameiningar var
um síðustu áramót 720 miljón-
ir króna. Á síðasta ári námu
iðgjöld til hans 206 miljónum en
aðrar tekjur voru vaxtatekjur
65 miljónir króna og vísitölu-
álag 48 miljónir króna. Á síð-
asta ári voru greiddar úr sjóðn-
um 90 miljónir króna, þar af
námu beinar lífeyrisgreiðslur 50
miljónum. Aðild að sjóðnum
eiga allir félagar Einingar, fé-
lagsmenn Iðnsveinafélagsins
Dranga og Akureyrardeild
Sjúkraliðafélags íslands að
hluta.
Skrifstofuhald í hálfa öld
Þorsteinn Jónatansson starfs-
maður verkalýðsfélaganna sem
nú vinnur að skráningu á sögu
verkalýðsbaráttunnar á Akur-
eyri greindi frá nokkrum atrið-
um úr starfsemi verkalýðsfélag-
anna. Hann sagði að þau hefðu
hafið skrifstofuhald árið 1930,
þá í einu herbergi í Strandgötu
7, en þar var einnig fundarsalur.
Þar voru þá til húsa félög verka-
manna og verkakvenna. Þau
höfðu þó ekki fastan starfs-
mann fyrr en árið 1946 þegar
maður var ráðinn í hlutastarf á
skrifstofunni.
Verkalýðshúsið var sama-
staður allra verkalýðsfélaganna
á Akureyri fram eftir sjötta ára-
tugnum en þá var starfsemi
þeirra orðin svo umfamgsmikil
og margþætt að ekki varð hjá
því komist að mörg þeirra færu
að huga að eigin húsnæði. Eftir
urðu í Strandgötunni félög
ófaglærðs verkafólks og sjó-
manna.
Þar kom að þetta fornfræga
hús var einnig orðið of lítið fyrir
starfsemi félaganna tveggja og
lífeyrissjóðsins og því varð úr að
þau flyttu saman í nýtt húsnæði.
Þorsteinn sagði að lokum að
Verkalýðshúsið við Strandgötu
hefði verið höfuðstöðvar verka-
lýðsfélaganna og róttækra
stjórnmálahreyfinga á Akureyri
um tæplega hálfrar aldar skeið
og væri það von sín að það yrði
varðveitt. Mun það og vera
ætlun verkalýðsfélaganna að
láta húsið ekki af hendi heldur
leigja það út um sinn.
Sameinast
Laxár-
og Lands-
virkjun?
Á fundi bæjarráðs 22. júní sl.
var lagt fram bréf frá fram-
kvæmdastjóra Laxárvirkjun-
ar. í bréfinu birtist svohljóð-
andi ályktun sem stjórn Laxár
virkjunar hefur samþykkt:
,,Stjórn Laxárvirkjun-
ar samþykkir að leita heimild-
ar eigenda virkjunarinnar til
athugunar á skipulagsmálum
raforkuiðnaðarins í landinu
með tilliti til framtíðarstöðu
Laxárvirkjunar. í því sam-
bandi heimilist stjórninni að
taka upp viðræður við stjórn
Landsvirkjunar um hugsan-
lega sameiningu fyrirtækjanna
eða samstarf í öðru formi.“
Þá var þess einnig farið á leit
að fulltrúum Akureyrarbæjar
í stjórn Laxárvirkjunar verði
heimilað að hefja slíkar við-
ræður við Landsvirkjun.
Bæjarráð og síðan bæjar-
stjórn voru fylgjandi þessari
málaleitan og var fulltrúum
bæjarins í virkjunarstjórn-
inni veitt umbeðin heimild.
Ef úr sameiningu yrði væri
það enn eitt skrefið í átt til þess
að gera landið allt að einu
orkuveitusvæði sem lyti sam-
eiginlegri stjórn en það er eitt
af baráttumálum Alþýðu-
bandalagsins í orkumálum.
10 milj. í
Hlíðarfjall
Á fundi í íþróttaráði 15. júní
sl. var þess farið á leit að fjár
yrði aflað til kaupa á nýjum
snjótroðara fyrir Skíðahótelið
í Hlíðarfjalli. Var lagt til að
keyptur yrði troðari með
ýtutönn sem kostar uþb. 32
miljónir þegar hann er kominn
í gagnið.
Einnig var lögð fram kostn-
aðaráætlun fyrir fyrirhugaðar
framkvæmdir í Hlíðarfjalli á
þessu ári og hljóðaði hún upp
á rúmlega 15.6 miljónirkróna.
Voru fjárfrekustu liðir hennar
snyrtiaðstaða við Strýtu, 10
milj., og undirstöður við tog-
braut, 4.5 miljónir.
Á fundi bæjarstjórnar á
þriðjudaginn var samþykkt að
heimila framkvæmdir fyrir 10
miljónir króna í ár og skal þess
íjár aflað með lántökum.
Einnig var veitt heimild til að
panta snjótroðara enda komi
ekki til greiðslu á honum fyrr
en á næsta ári.
Við umræður um fram-
kvæmdir í Hlíðarfjalli ítrekaði
Helgi Guðmundsson þá kröfu
sína að aðstaða fyrir börn yrði
stórbætt en eins og nú er
komið hafa þau hvergi að-
stöðu til að snæða nestið sitt.
Vildi Helgi að úr þessu verði
bætt hið fyrsta, hvort sem væri
inni í hótelinu sjálfu eða með
nýbyggingu.
Ný nefnd
skipuð
Nefndaskipulag bæjarstjórna
tekur yfirleitt ekki örum breyt-
ingum. Ein breyting varð þó
hjá Akureyrarbæ nú í vikunni
er bæjarstjórn samþykkti að
kjörin verði fimm manna
nefnd til að íjalla um skipan
náms á framhaldsskóla- og
háskólastigi í bænum.
í erindisbréfi nefndarinnar
segir að nefndin skuli sérstak-
lega fjalla um eftirfarandi svið:
1) Námsleiðir á framhalds-
skólastigi.
2) Samstarf skóla og hugs-
anlega sameiningu þeirra.
3) Starfrækslu sérskóla og
rekstur.
Ennfremur segir í erindis-
bréfinu:
„Nefndin skal einkum hafa í
huga aukna verkmenntun í
þágu atvinnuvega bæjarins og
nágrannasveitarfélaga og
fjórðungsins alls. Skal leitað
álits og samstarfs samtaka
atvinnuveganna og samvinnu
við nágrannabyggðirnar um
skipan náms á framhaldsskóla
stigi, eftir því sem frekast er
unnt. Þá skal nefndin einnig
huga að endurmenntun j
og fullorðinsfræðslu, þar á
meðal að rekstri námsflokka
og öldungadeildar. Við starf
nefndarinnar skal auk þess
taka tillit til menntunar og
fræðslu á vegum launþega-
samtaka, starfshópa og félaga
samtaka í bænum. Nefndin
skal skila greinargerð og
fyrstu tillögum til bæjar-
stjórnar fyrir 1. janúar 1979.
Með nefndarskipan þessari
fellur niður umboð svo-
nefndrar „framhaldsskóla-
nefndar"
Bcejarfréttir . . . Bcejarfréttir . . . Bcejarfréttir . . . Bcejarfréttir. . .
Bcejarfréttir
Hœkkar
raforku
verðið?
Á fundi rafveitustjórnar
þann 6. þm. var sam þykkt
að sækja um hækkun á
raforkuverði til þess að
mæta hækkun á heildsölu-
verði frá Laxárvirkjun.
Síðasta verðhækkun á
raforku frá Rafveitu Akur-
eyrar kom í nóvember sl.
Þann 1. mars sl. hækkaði
Laxárvirkjun gjaldskrá
sína um 5% án þess að
rafveitan hafl mætt því með
hækkuðu útsöluverði. Nú
liggur fyrir beiðni frá Laxár
virkjun um 25% hækkun á
heildsöluverði frá 1. ágúst
nk. Hækkanir á heildsölu-
verði helmingast í útsölu-
verði.
Rafveitustjórn vill nú fá
að mæta þessum hækk-
unum auk þess sem hún vill
fá 5% hækkun til viðbótar
vegna hækkandi rekstrar-
og framkvæmdakostnaðar.
Ef hækkun sú sem Laxár-
virkjun hefur sótt um
verður samþykkt óbreytt
þýðir það 20-21% hækkun
á útsöluverði raforku hér í
bæ.
Staðiðvið
skiptdag
Á fundi skipulagsnefnd-
ar þann 7. þessa mán. var
fjallað um beiðni Esso-
nestanna sf. um að áfram
verði heimiluð innkeyrsla á
athafnasvæði þeirra frá
Tryggvabraut. Esso-nestin
höfðu undanþágu frá skipu
lagsákvæðum sem mæla
svo fyrir að aðkeyrslan
skuli vera frá Furuvöllum.
Samningur um þá undan-
þágu var hins vegar útrunn-
inn.
Skipulagsnefnd gat ekki
fallist á þessa beiðni. Eins
og áður segir á aðkeyrslan
að fyrirtækjunum sunnan
Tryggvabrautar að vera frá
Furuvöllum samkvæmt
skipulagi. Er það vilji
skipulagsnefndar að staðið
verði við þetta ákvæði
skipulagsins og samþykkti
hún á sama fundi að
Tryggvabraut verði skipt
með eyjum í samræmi við
tillögur tæknideildar.
Á sama fundi var lagt til
að bæjarstjóra yrði falið að
leita samninga við Sana hf.
um að fá afnot af hluta
lóðarinnar í Norðurgötu 57
þar sem Sana stendur undir
bílastæði. Einnig var lagt til
að bæjarstjóra yrði falið að
leita samninga við Slipp-
stöðina hf. um að fá sneið
af lóð fyrirtækisins vegna
breytinga á gatnamótum
Tryggvabrautar og Hjalt-
eyrargötu.