Disneyblaðið - 25.09.2011, Blaðsíða 6
DISNEY-BLAÐIÐ 6
Öskubuska er á leið að dansleik.
Vinir hennar, fuglarnir og mýsnar, hjálpa henni að búa sig.
Getur þú aðstoðað hana líka með því að lita myndina?
Eru moldvörpur blindar?
Ef þú skoðaðir moldvörpu gætirðu
haldið að hún hefði alls engin augu
af því að þau eru örsmá og falin undir
feldi. Moldvörpur lifa mestalla ævina
í niðamyrkri og hafa því ekki mikil not
fyrir augu en þær eru ekki blindar.
Þær geta greint milli birtu og myrkurs
en heyrnin og snertiskynið eru mun
næmari og gagnast þeim miklu betur í
biksvartri veröld þeirra.
Hvað getur moldvarpa grafið löng göng á dag?
Moldvarpan eyðir næstum allri ævinni neðanjarðar og því er ekki að
undra að í náttúrunni á hún sér engan jafnoka í að grafa göng. Þetta
litla, fælna dýr er í sannleika sagt frábær grafari og getur búið til 20
metra löng göng á einum degi. Það samsvarar því að námumaður
græfi einn og óstuddur 300 metra löng göng á einum degi!