Austurland - 27.09.1979, Blaðsíða 4
lUSTURLAND
Neskaupstað, 27. september 1979.
Anglýslð 1 Ansturlandl
Símar 7571 og 7454
Gerist áskriíendur
Sparisjóður Norðfjarðar —
sparisjóður heimamanna.
SPARISJÓÐUR NORÐFJARÐAR
Vinabœjaheimsókn
til Neskaupstaðar
Dagana 19.—20. júlí sl. dvaldi
í Neskaupstað tæplega 50 manna
hópur frá vinabæjunum Jyvaskyla
og Eskilstuna.
Heimsóknin var í tilefni 50 ára
afmælis Neskaupstaðar og skipu-
lögð af Norrænu félögunum í
þessum bæjum.
Með í förinni voru Pentti Sahi
formaður borgarráðs og Risto
Reivi ferðamálastjóri frá Jyvas-
kylá og Jan Erik Anderson, borg-
arstjórnarfulltrúi og kona hans
Barbro Anderson frá Eskilstuna.
Einnig voru í hópnum Stads-
piperna frá Eskilstuna, mjög
áhugaverð og skemmtileg hljóm-
sveit sem lék gamla tónlist á gömul
hljóðfæri í viðeigandi búningum.
Hljómsveitin kom fram á tón-
leikum ásamt Sigríði Ellu Magnús-
dóttur söngkonu sem lét ekki sitt
eftir liggja og þetta varð ógleym-
anleg skemmtun og undirtektir
eftir því.
Eins og yfirleitt í sumar hefði
veðrið getað verið betra en þrátt
fyrir það virtust gestimir ánægðir
með dvölina og allar móttökur.
í hófi sem haldið var síðasta
kvöld hópsins í Neskaupstað voru
bænum færðar góðar gjafir þar á
meðal fallegt og táknrænt vegg-
teppi ofið af listakonu frá
Jyvaskylá, Annikki Karvinen og
fagur sænskur kristalsvasi.
Rúsínan í pylsuendanum var þó
táknræn afhending sorpbíls sem
þeir í Eskilstuna hafa gefið Nes-
kaupstað. Því miður var bíllinn
ekki kominn til landsins, hafði
seinkað vegna farmannaverkfalls,
enda varla hægt að afhenda hann
í Egilsbúð hvort sem var. En
uppáskrifað skjal fengu Norðfirð-
ingar til staðfestingar eigninni og
Jan Erik afhenti Loga bæjarstjóra
lítinn leikfangabíl við mikinn
fögnuð viðstaddra.
— Ó. Þ.
Finnarnir Risto Reivi t .v. og Pentti Sahi með teppið góða,
gjöf Jyvaskylá til Neskaupstaðar. — Ljósm. Sören Lindell
Lœgra vöruverð og
aukin vörugœði
ein jákvœðasta
kjarabót sem völ er á
Seyðfirðingar undirbúa sítofnun deildar.
Þriðjudaginn 18. septembcr var
haldinn fundur á Seyðisfirði mcð
tvcimur af forystumönnum Neyt-
cndasamtakanna og var fyrirhug-
að að stofna félagsdeild.
Á fundinn komu 16 manns.
Ákveðið var að fresta formlegri
stofnun deildarinnar um y2 mán-
uð og nota tímann til að kynna
málið betur. Kosin var 3ja manna
undirbúningsnefnd. Vert er að
minna fólk á orð formanns sam-
takanna Reynis Ármannssonar í
slðasta Neytendablaði: „Kjarabar-
átta er orð sem við heyrum oft.
Margir skilja það orð á þann
veg, að það þýði kauphækkun en
svo þarf þó ekki endilega að vera.
Lífskjörin markast ekki af krónu-
fjöldanum í umslaginu einum sam-
an. Það hefur verðbólguþróun
síðustu ára kennt okkur. Lægra
vöruverð og aukin vörugæði er ein
jákvæðasta kjarabótin sem unnt er
að fá í dag“.
Seyðfirskir neytendur ættu að
minnast, að þessi orð er hægt að
gera að veruleika með því að
sameinast í slíku félagi.
— J. J.
Og góð tengsl tókust . . . Stefán Þorleifsson kveður hér góða
vinkonu. — Ljósm. Sören Lindell.
Lars Göran Birgerson t. v. og Karl Erik Johanson úr Stadspip-
erna sýna þeim Sigriði Ellu Magnúsdóttur og Loga Kristjáns-
syni hin forvitnilegu hljóðfœri af fornum gerðum sum gerð
af hljómsveitarmönnunum sjálfum. — Ljósm. Olle Ix>rin.
Mikið byggt
á Reyðarfirði
AUmiklar byggingaframkvæmd-
ir eru á Reyðarfirði um þcssar
mundir.
Aðalbyggingarverkefni sveitar-
félagsins sjálfs er smíði íþrótta-
húss og sundlaugar, sem reiknað
er með að verði tilbúið seinni
hluta vetrar. Einnig er unnið að
byggingu áhaldahúss og slökkvi-
stöðvar auk endurbóta á holræs-
um.
Á vegum bæjarins eru nú í
byggingu 1. áfangi leiguíbúða sem
í eru 4 íbúðir og verða þær afhent-
ar í næsta mánuði.
Þá er gert ráð fyrir að byrjað
verði fljótlega á 2. og 3. áfanga
leiguíbúðanna en alls eiga þær að
verða 12.
Það er byggingarfélagið Ösp á
Reyðarfirði sem sér um þessa
framkvæmd.
Nálægt 20 íbúðarhús eru í
smíðum allt einbýlishús og nýtt
hverfi er nú að rísa innan við
kauptúnið.
Mikið er einnig um byggingu
atvinnuhúsnæðis: Húsnæði fyrir
raftækjaverkstæði er komið langt
á veg, Gunnar Hjaltason er að
gera upp gamalt hús, þar sem
hann gerir ráð fyrir að hafa brauð-
gerð og mun það vera í fyrsta
skipti sem brauðgerð starfar á
Reyðarfirði. Bakari mun þegar
ráðinn til hennar. Tvö trésmíða-
verkstæði eru í smíðum og Kaup-
félagið er að byggja við kjörbúð
sína. Vegagerðin hefur verið að
stækka áhaldahús sitt og er að
byrja á verkstæðisbyggingu.
Nýlega hófust nokkrar fram-
kvæmdir við höfnina á Reyðar-
firði. Fyrir nokkrum árum var
reistur þar hafnargarður og nú á
að steypa þekju ofan á hann.
Allar þessar framkvæmdir eru
unnar af iðnaðarmönnum frá
Reyðarfirði, þó hefur eitthvað
orðið að fá af aðkomumönnum.
Húsnæðisvandræði eru á Reyð-
arfirði eins og víða annars staðar,
þó hefur tekist að koma t .d. öll-
um aðkomukennurum í húsnæði
f haust.
— ÁJV1./Ó.Þ.
Hjörleifur
Lúðvík og
Baldur með
framsögu
Eins og áður hefur verið
vikið að hér í blaðinu verður
fundur kjördæmisráðs AB á
Austurlandi haldinn í Nes-
kaupstað um næstu helgi.
Á fundinn koma allir þing-
menn flokksins í kjördæminu
og erindreki Alþýðubandalags-
ins Baldur Óskarsson.
Auk venjulegra fundarstarfa
mun Hjörleifur Guttormsson,
iðnaðarráðherra flytja fram-
sögu um orku- og iðnaðar-
uppbyggingu á Austurlandi.
Lúðvík Jósepsson ræðir um
það sem hæst ber í íslenskum
stjórnmálum um þessar mund-
ir.
Baldur Óskarsson spjallar
um flokksstarfið og um stöðu
verkalýðsmála.
Fundurinn hefst klukkan 14
á laugardag og lýkur vænt-
anlega síðdegis á sunnudag.
Haust-
stemming
í félagslífi
Hauststemming er að kom-
ast í félagslífið á Reyðarfirði
og starfsemi félaganna að
byrja.
Bridgefélagið hélt fyrsta
spilakvöldið þann 25. sept. en
það starfar í samvinnu við
Eskfirðinga og er spilað einu
sinni í viku, á þriðjudögum.
„Brunaliðið" heimsótti Reyð-
firðinga um síðustu helgi og
skemmti £ Félagslundi á laug-
ardagskvöld, fyrir þá eldri og
sunnudagseftirmiðdag fyrir þá
yngri við mikinn fögnuð.
— Á.M./Ó.Þ.
Samstarf við
neytendur
Blaðið hefur fregnað að
deild Neytendasamtakanna
sem stofnuð var £ Neskaupstað
vaxi mjög ört ásmegin og að
hún hugsi strax til hreyfings.
Um 60 manns hefur þegar
látið skrá sig félaga.
„Austurland" mun hafa
samstarf við deildina og gera
ráð fyrir neytendahorni einu
sinni £ mánuði. Að sjálfsögðu
eiga aðrar deildir samtakanna á
Austfjörðum jafn greiðan að-
gang að þvf horni. Skemmti-
legt og gott væri lfka að þær
hefðu með sér samstarf L d.
um kannanir á verðlagi o .fl.