Birtingur - 01.07.1956, Page 3

SIGFÚS DAÐASON:
Ljóð
í djúpum vetrarins undir fornlegum feldum
drukkum við úti öll jól yfir fákænni von
nöturlegi betlari náhvíti trúður
í djúpi hávetrar —
hverrar umbunar hélztu þig ennþá verðan?
Þríefldi hugsuður þumbaralegi sverðgleypir
með þyrnikrýndan dvergshaus vorkunnsamur og
margvís:
bitur tönn framtiðarinnar tímans sljóa tönn
við þaninn streng lífsvonar þinnar leika.
Tötrum búinn Iíkami langminnugur aufúsu
oflátrar blckkingar angurlausrar hvílu
mæddur af blóðrás bugaður í járnum
og blíðuhótin storkna í launung og þótta.
Eða von eða minning margrar skuggelskrar
borgar sleit hold þitt beinin nísti
land þitt
vitjað og litið í náð
og minningu og von
(um sannleik þessa hafs sífelldan og ramman).
1