Eining - 01.11.1943, Side 6

6
E I N I N G
Bindindisheimilið
Skjaldborg
4 Akureyri
I haust gafst mér færi á að skoða bind-
indisheimilið Skjaldborg á Akureyri,
sem allt var nýmálað hátt og lágt. fág-
að og endurnýjað til nýrra átaka í
menningarstarfi Akureyringa. Þeim er
alltaf trúandi til forustu í mennmgar-
málum. Þægilegt og uppörvandi var að
lítast um í húsinu og virða fyrir sér um-
gengnina og fráganginn á öllu.
Áður var þetta hús eign Ungmenna-
félags Akureyrar og Góðtemplarastúkn-
anna þar, en nú hafa stúkurnar eignast
húsið alveg. Er í ráði að nota það ein-
göngu til starfsemi þeirra og annarra
fundarhalda og samkvæmislífs, sem far-
ið getur fram með menningarsniði og
útilokar drykkjuskap og allan þann ó-
sóma, er jafnan fylgir honum. Kveður
nú víða svo rammt að sliku, að góðir
menn finna knýjandi þörf á einhverjum
úrbótum. 1 seinni tíð úir og grúir af
hneykslismálum, meiðingum, slysum, ó-
fögnuði á mannfundum og í samkvæm-
um, allt niður í skírnar- og fermingar-
veizlur, í hófum höfðingja jafnt og kaffi-
samsætum lágstéttanna. Mikill rudda-
skapur er þessu oft samfara og allt
það, er óprýtt getur þjóð, er siðmennt-
uð vill heita.
Sérhverju átaki gegn þessum ófögn-
uði ber því að fagna. Reglufélagar á Ak-
ureyri hafa kostað tugum þúsunda
króna til aðgerðar og endurnýjunar á
húsinu og verður allur rekstur þess
framvegis í þeirra höndum, og húsið
ekki lánað eins og undanfarið til alls
konar skemmtana. Þá hafa eigendur
eignarinnar lagt töluvert verk í að fegra
umhverfi hússins, hrekkuna fyrir ofan,
en því verki er enn ekki lokið.
14. okt. s. 1. buðu Góðtemplarar á Ak-
ureyri blaðamönnum og ráðamönnum
hæjarins til kaffidrykkju í húsinu og
þeim gefinn kostur á að skoða húsið.
Hafa Akureyrarblöðin skrifað um þetta
og lokið lofsorði á þetta framtak Regl-
unnar á Akureyri. Vetrarstarfið er nú
hafið í endurnýjuðum og góðum húsa-
kynnum, með nýjum og lofsverðum á-
setningi. Vel er af stað farið og mönn-
um þeim, er að þessu standa, er treyst-
andi til að halda vel í horfi.
Eitt af Akureyrarblöðunum skrifar á
þessa leið: „Ein af höfuðplágum á öllum
skemmtisamkorhum og í samsætum er
vindlingareykjarsvælan, sem oft líkist
þokusvælu í samkvæmissölunum. Það
vakti því óskert athygli mína og gleði,
þegar eg á skemmtikvöldi templara s. 1.
laugardag varð þess var, að enginn
reykti vindling meðan setið var undir
borðum. Það var því ólíkt loftið í sal
templara þetta kvöld, þó að þar væri
margmennt, en í öðrum samkvæmissöl-
um i bænum. Heiður sé templurum fyrir
þetta“.
Þörfin hrópar jafnan á bjargráð. Nú
er léttúð mikil í landi voru, óregla og
losaraháttur. Vonandi rísa upp víða
á landinu miklir og góðir kraftar gegn
ómenningunni og til frama alls þess, er
eflir heill þjóðarinnar.
Pétur Sigurðsson.
Islendingar hafa jafnan haft gaman
að kveðskap og eiga enn bágt með að
stilla sig, ef eitthvert efni leggst til vísu.
Einn kaupandi Einingar sendir henni
þessa hiýlegu vísu:
Einingin er ætíð góð,
Eining friðar hjarta.
Ef eining ríkti æ hjá þjóð,
enginn þyrfti að kvarta.
J. Þ.
Mikill ósigur.
„Vera má að trúin á mátt og göfgi
mannsandans hafi ekki mikið gengi nú
um stundir. Injuría temporum er mikil
og ofurmagn hennar kann að hafa svipt
margan manninn þessari trú. En sá, sem
henni hefur tapað, hefur tapað heims-
styrjöld sinni. Hann er kominn í trölla-
hendur.“
Ólafur Lárusson, prófessor. — Samtiðin.
3000 sftúkufundir
Þriðjudagskvöldið 19. okt. s. 1. hafði
stúkan Verðandi, nr. 9, þrjú þúsundasta
fund sinn. Var það mjög fjölmennur og
viðhafnarmikill fundur. Þegar eg leit yf-
ir mannþröngina í þéttsetnum fundar-
salnum, varð mér að hugsa: hér er enn
ein sönnun þess, hve miklum þrótti
menningarstarfsemi Reglunnar er gædd.
Á tímum þeim, sem nú eru, illa fallnir
til félagslegra iðkana og samheldni,
verður slíkur árangur, sem stúkurnar
ná oft með fundarhöldum sínum, að
teljast mjög eftirtektarverður og mikil-
vægur. Er andstæðingum bindindis-
manna óhætt að sparka og ófrægja
starfsemi þeirra nú eins og áður. Það
er engin hætta á, að góður málstaður
daprist við slíka aðför.
Fund þsnnan sátu um 200 félagar,
framkvæmdanefnd Stórstúkunnar, um-
dæmistemplar, þingtemplar og fleiri for-
ustumenn Reglunnar. Inntaka fór fram
og gengu 12 nýir félagar í stúkuna. Hátt
á sjötta þúsund manna hafa skrifað
undir bindindisheit í stúkunni frá því
er hún tók til starfa. Minnst áttatíu
þúsundum króna hefur verið varið til
útbreiðslustarfsemi, en auk þess lögðu
eitt sinn örfáir félagar fram sex þús-
und krónur til starfsemi Stórstúkunnar.
En það starf, sem mestu varðar, verður
ekki metið í krónufjölda.
Stúkunni bárust mörg heiilaskeyti og
gjafir. Veglegust var gjöf, er hjónin, frú
Þorvaldína Ólafsdóttir og Guðmundur
Gunnlaugsson gáfu — þúsund krónur.
Skal það vera stofnfé minningarsjóðs
Ólafíu Jóhannsdóttur, sem flestum
fremur sýndi frábæra fórnfýsi og þjóns-
lund í þágu bindindismálsins og krist-
indóms.
Stórtemplar ávarpaði stúkuna sér-
staklega og svo aðrir yfirmenn Regl-
unnar. Hin ágætasta skemmtun fór
fram á fundinum. Voru það þörn úr
„Sólskinsdeildinni," sem skemmtu með
söng og strengjaleik. Þeim fórst það
prýðilega.
Næsta kvöld efndi stúkan til myndar-
legrar veizlu. Sátu hana fjöldamargir
reglufélagar og sérstakir gestir stúk-
unnar. Aðalræðurnar fluttu þar herra
biskupinn Sigurgeir Sigurðsson, Bjarni
Benediktsson borgarstjóri og vígslu-
biskup séra Bjarni Jónsson. Allmikið
var sungið undir borðum, ræðum stillt í
hóf, ekkert reykt, en vel veitt af hress-
ingu og næringu þeirri, er engra vit
skerðir. Að síðustu var stíginn dans.
Eining óskar stúkunni Verðandi góðs
gengis á næsta áfanganum.
Stjórnkœnska
„Snilli stjórnmálamannsins er í því
fólgin, að glöggva sig á því, hvað Guð al-
máttugur ætlar að taka sér fyrir hend-
ur næstu 50 árin. — Gladstone.