Eining - 01.03.1964, Blaðsíða 3

EINING
3
//PSwv
\í 0C-t 1/
SUMARMÁL
Ritstjórn blaðsiðunnar:
Guðmundur I’crarinsson
og Einar Hanncsson.
^JJccttuÍc
ev
ncmenc la ó ci m L uccm i
Rektor menntaskólans í Næstved í
Danmörku þótti fyllsta ástæða til á for-
eldrafundi að skýra frá slæmri hegðun
nemenda skólans. Hann gat þess, að
hann vissi til að hópar nemenda kæmu
oft saman til fagnaðar á heimilum ein-
hvers nemenda. Um það væri allt gott
að segja. Á hinn bóginn kvaðst rektor
vita til að slík gestaboð væru á heim-
ilum í fjarveru foreldra og undir slík-
um kringumstæðum hefði þar átt sér
stað neyzla áfengis og annar ósómi.
Kvaðst rektor vilja aðvara foreldra í
þessu efni. — Þessi ummæli rektorsins
í Næstved vöktu mikla athygli og urðu
blaðaskrif um málið.
Ekki er útilokað, að einnig hér á
landi sé þetta vandamál. Er nauðsyn-
legt að sporna á allan hátt gegn slíkum
ósóma. Ættu foreldrar að vera vel á
verði í þessu efni og leita samvinnu við
skólamenn um ráðstafanir, sem tryggi
að slíkt komi ekki fyrir. Vitað er að
margir íslenzkir skólamenn eru áhuga-
samir um að ekki sé neytt áfengis á
skemmtunum skólanna og á samkomum,
sem efnt er til á þeirra vegum, og koma í
veg fyrir neyzlu áfengis meðal skóla-
fólks yfirleitt. Þurfa allir að styðja þá
viðleitni af fremsta megni.
* >f *
FrLbarsveitir Evrópu
Nýlega, birtist þessi fróðlega grein í Frétta-
bréfi Æskulýðssambands íslands eftir rit-
stjóra þess Hörð Sigurgestsson. Ritstjórinn
hefur góðfúslega leyft okkur að endurprenta
greinina og erum við honum þakklátir fyrir.
Fyrir um það bil tveimur árum hófu Banda-
ríkjamenn þá athyglisverðu starfsemi að senda
til þróunarlandanna sveitir ungs fólks. friðar-
sveitir, til þess að vinna í þróunarlöndunum
a* margs konar fræðslu og framfaramálum
Með starfsemi þessara friðarsveita er ætlunin
að hafa áhrif í þá átt að flýta framþróuninni
í þessum löndum.
Þetta fordæmi hefur gefið það góða raun,
að fimm Evrópulönd vinna nú að áætlunum
um að koma á samsvarandi friðarsveitum og
senda ungt fólk með góða menntun og tækni-
þekkingu til ýmissa þróunarlanda. Þessi lönd
eru: Noregur, Danmörk, Svíþjóð, Vestur-
Þýzkaland og Holland.
Norðmenn hafa gert áætlanir um þessi mál,
og nær hún yfir 2—3 ár. Hafa þeir í hyggju
að .senda fyrs'c í stað 20 menn. Þeir, sem
valdir verða til þessara starfa munu fá tveggja
mánaða sérstaka þjálfun í Noregi, og í kjöl
farið mun koma mánaðar undirbúningur í
landinu, þar sem þeir munu vinna. — Þátt-
takendur verða vandlega valdir með sérstöku
tilliti til tungumálakunnáttu og starfsþekk-
ingar, til þess að eingöngu verði það hæft
fólk, sem leggja mun sitt af mörkum til tækni-
þekkingar og alþjóðlegrar samvinnu þessara
landa.
Standa vonir til að árangurinn af þessari
tilraun gefi góðar vonir og fljótlega verði
hægt að auka þessa starfsemi. Lasse Aasland,
sem er gjaldkeri stjórnar WAY, hefur verið
skipaður framkvæmdastjóri norsku friðarsveit-
anna.
1 Danmörku hefur fyrsti hópurinn af ungu
fólki þegar byrjað þjálfun sína til að takast
á hendur störf fyrir Dönsku friðarsveitirnar.
Voru til þess valdir 30 úr hópi 400 umsækj-
enda og munu þeir fá ýmislega þjálfun, áður
en þeir halda til Austur-Afríku. I Afríku
munu þeir veita margs konar tæknilega að-
stoð, vinna að byggingarstörfum, kennslu,
þjálfun í landbúnaði og að heilbrigðisþjón-
ustu.
Meðalaldurinn í þessum fyrsta hópi er 28
ár. Sérhver sjálfboðaliði mun fá greidda lág-
marksupphæð dagpeninga meðan á starfstíma-
bili hans stendur, sem mun vera um tvö ár.
Sérstök nefnd í Danmörku, sem beitir sér
fyrir aðstoð við þróunarlöndin, hefur útvegað
fjármagn til friðarsveitanna.
Þær friðarsveitir, sem hér hafa verið nefnd-
ar, starfa beint eða óbeint á vegum hins
opinbera. 1 Bretlandi hefur hins vegar verið
starfrækt sjálfstæð stofnun, Voluntary Ser-
vice Overseas. Hóf hún þegar á árinu 1958
að senda ungt fólk, sem lokið hafði stúdents-
prófi en ekki hafið háskólanám, til eins árs
dvalar í einhverju þróunarlandanna. Munu
að staðaldri dvelja um 300 manns í 50 löndum
á vegum stofnunarinnar. Flestir þátttakend-
ur eru á aldrinum 18 ára til tvítugs. 1
seinni tíð hefur auk stúdentanna einnig verið
sendur fjöldi fólks með ýmiss konar aðra
menntun. Helztu störfin, sem unnið er að,
eru kennslu og fræðslustörf, en einnig er
mikil áherzla lögð á samband þátttakendanna
við jafnaldra sína í viðkomandi löndum.
Vart verða stofnaðar íslenzkar friðarsveitir
í náinni framtíð. Hins vegar virðist það ekki
fjarri lagi að leita samvinnu hinna Norður-
landanna á þessu sviði til þess að gefa ungu
fólki frá íslandi kost á að taka þátt í þessu
uppbyggingar- og þróunarstarfi, sem báðum
mun verða til gagns þegar fram í sækir.
-x >f *
Ráðstef na Æ S f
Æskulýðssamband Islands efndi til ráð-
stefnu snemma í febrúar s.l. um félagsstarf
ungs fólks, gagnsemi þess og vandamál.
Flutt voru tvö framsöguerindi og að þeim
loknum var þátttakendum skipt niður í þrjá
umræðuhópa, sem unnu að ályktun, sem síð-
an var lögð fyrir ráðstefnuna.
Eitt umræðuefnið var: Hve víðtæk er áfeng-
is- og tóbaksneyzla ungmenna. og hver eru ráð
við henni? Var sá umræðuhópur fjölmennast-
ur, sem fjallaði um þetta viðfangsefni. Kom
fram mikill áhugi og einlægur vilji til að
leysa vandann. Verður nánar komið að til-
lögum hópsins í næsta blaði.
Þessi ráðstefna ÆSl þótti takast mjög vel.
— Varafoi-m. ÆSl, Helga Kristinsdóttir,
stjórnaði ráðstefnunni, en framsöguerindi
fluttu séra Sigurður Haukur Guðjónsson og
Ragnar Kjartansson, framkvæmdastjóri.
* >f *
Gesiakvöld
ÍUT efndi til tveggja svokallaðra GESTA-
KVÖLDA í Gt-húsinu í febrúarmánuði. Þar
voru m. a. flutt erindi um bindindismál. Boðið
var ungu fólki til kvöldanna, m. a. skólafólki
í samvinnu við Samband bindindisfélaga í
skólum. — Tókust bæði kvöldin mjög vel.
Myndin sýnir séra Árelíus Níelsson og einn af forustumönnum æskunnar i Afríku, er þeir
rxðast við á þingi Heimssambands æskunnar WAY í Árósum sumarið 1962. E. t. v. hafa
þeir verið að ræða gildi friðarsveitanna við uppbygginguna í þróunarlöndunum eða hliðstæða
starfsemi á vegum alþjóðlegra samtaka og stofnana.
SÉRA ÁRELlUS NlELSSON VAR ENDURKJÖRINN FORMAÐUR BANDALAGS
ÆSKULÝÐSFÉLAGA Á ÞINGI ÞESS, SEM HALDIÐ VAR í SEINASTA MÁNUÐI.