Eining - 01.03.1964, Side 4
4
EINING
Aðalstjórn og forstöðukona Skálatúns, talið frá vinstri: Ingibjörg Stefánsdóttir, Gísli Krist-
jánsson, Gréta Bachmann, forstöðukona, Páll Kolbeins og Guðrún Sigurðardóttir. Á myndina
vantar Jón Sigurðsson, borgarlækni.
Barnaheimilið Skálatún 10 ára
Stjórn heimilisins bauð blaðamönn-
um og fréttamanni frá ríkisútvarpinu
að heimsækja Skálatún í tilefni 10 ára
afmælisins. Þetta var 29. janúar s.l.
Þegar á staðinn kom, beið okkar rausn-
arlega búið kaffiborð og undir borðum
kynnti stjórn heimilsins okkur hag þess
og starfsemi.
Upphafsmaður og beztur liðsmaður
heimilisins fram á allra síðustu ár, var
.Tón Gunnlaugsson, stjórnarráðsmaður.
Árið 1952 hvatti hann góðtemplara til
þess að kaupa staðinn og stofna þar
heimili handa vangefnum börnum. 1953
fóru kaupin fram og fyrsti vistmaður-
inn kom að Skálatúni 30. janúar 1954.
Að þrem mánuðum liðnum voru börn-
in orðin 20, gat þó ekki heitið að hús-
rúm væri fyrir svo mörg.
I fyrstu stjórn heimilisins voru þessi:
Jón Gunnlaugsson, Páll Kolbeins, Þor-
steinn Þorsteinsson, Guðrún Sigurðar-
dóttir, María Albertsdóttir. Páll og
Guðrún eru enn í stjórninni. Snemma
á árinu 1960 gerði Skálatún og Styrkt-
arfélag vangefinna samning um sam-
eiginlegan rekstur barnaheimilisins.
Fór þá fram nýtt stjórnarkjör. Kosin
frá Styrktarfélagi vangefinna, Jón Sig-
urðsson, borgarlæknir, frú Ingibjörg
Stefánsdóttir og Gísli Kristjánsson, rit-
stjóri, tilnefndur af landlækni. Af hálfu
templara Páll Kolbeins og frú Guðrún
Sigurðardóttir. Jón Gunnlaugsson baðst
undan endurkjöri.
Forstöðukona heimilisins er Greta
Bachmann.
Alhnyndarlegt bú er einnig að Skála-
túni, Viggó Valdimarsson er þar ráðs-
maður. Búskapur þessi er ekki lítils-
virði fyrir heimilið og börnunum oft
mikill ánægjuauki.
Við skoðuðum vistarverur barnaheim-
ilisins. Öll umgengni er þar prýðileg
og búið vel að hinum ungu vistmönn-
um, sem minna hafa þegið í vöggugjöf
en allur almenningur. Þeim er kennt
allt, sem þau geta lært, sérstaklega
handavinna og er furða hvað þau geta
í þeim efnum. Miskunnarverk er það
vissulega sem þarna er unnið, og myndi
ekki hver sem er fást til þeirra starfa.
Er við litum inn í eitt herbergið, sat
þar stór hópur barnanna í hring, öll
með ýmis konar sérkennileg áhöld, sem
var þeim hljóðfæri, og undir stjórn
kennara léku þau svo og sungu fyrir
gestina, kát og brosandi.
Ekki dylst það, að starfslið heimil-
isins á skilið fleiri og meiri viðurkenn-
ingarorð, en hér verða viðhöfð. Þarna
hefur verið að verki mikil fórnfýsi bæði
kvenna og karla. Mörgum stundum ver-
ið fórnað og peningum einnig. Með
framlagi úr Styrktarsjóði vangefinna
og lánsfé, hefur verið unnt að auka tölu-
vert húsakost síðustu þrjú árin, reisa
hús handa starfsfólkinu og endurbæta
heimilið að miklum mun, svo að nú eru
þar rúm fyrir 30 börn. Búið er að sam-
þykkja teikningar nýrra húsa, sem reist
skulu á staðnum í náinni framtíð.
Undir umsjón áður nefndrar stjórn-
ar er Barnaheimilið Skálatún algerlega
sjálfseignarstofnun. Alls hafa 60—70
börn notið aðhlynningar þessarar líkn-
arstofnunar. Við sem utanhjá stöndum,
dáumst að hinu góða verki, sem þarna
er unnið og biðjum heimili þessara
drottins minnstu allrar blessunar.
MA í Noregi
færist í aukana
I blaðaviðtali, sem Folket átti laust
fyrir áramótin við Steinar Hauge, for-
stjóra MA — bindindisfélags öku-
manna í Noregi — getur forstjórinn
þess að þrjú þúsund nýir félagar hafi
innritast í samtökin á árinu, sem þá
var að enda. Alls eru félagarnir nú
orðnir 24 þúsund.
Þetta er athafnasamur félagsskapur
í landinu. Hann lætur umferðarmálin
mjög til sín taka, og veitir ekki af, því
að nútímaæðið veldur hrollvekjandi
umferðarslysum í öllum menningar-
löndum. MA í Noregi stundar óspart
sinn „góðakstur". S.l. ár komu þeir á
mjög athyglisverðri góðaksturskeppni,
sem gilti fyrir allt landið og voru kepp-
endur aðallega konur. Á undan þessari
aðalkeppni, hafði verið keppt á fjöl-
mörgum stöðum, 80 heimahögum, bæj-
um og þorpum, og svo 14 umdæmum.
Þetta er engin smáræðis þátttaka. Þús-
undir, já, tugþúsundir komast þannig
á mjög raunverulegan hátt í samband
við þessa starfsemi, sem eflir batnandi
umferðarmenningu. Steinar Hauge tel-
ur að um 10,000 hafi tekið þátt í keppn-
inni á hinum áðurnefndu 80 stöðum.
Nokkrir forustumenn þessara sam-
taka í Noregi verða meðal gesta okkar
frá Norðurlöndum, sem koma til þing-
setu hins norræna sambands bindindis-
félaga ökumanna. Þingið verður háð í
Reykjavík, sennilega í júlíbyrjun í
sumar, einmitt hér í tilefni 10 ára af-
mælis Bindindisfélags ökumanna á fs-
landi.
Við verðum að fagna gestum okkar
vel og gera þeim heimsóknina ánægju-
lega og minnisstæða. Þeir munu verða
góðir gestir og koma þeirra okkur mjög
gagnleg.
-* *
Gerði allan muninn
Blaðið Dansk Good Templar getur þess, að
æskulýðsklúbbur í Árósum hafi um skeið ver-
ið til húsa með fundi sína í veitingahúsi,
sem veitti vín. Unga fólkið drakk og leiddi
það svo til óspekta og áfloga.
Svo flutti klúbburinn sig með fundi sína
í húsakynni þar sem ekki voru neinar áfengis-
veitingar. Síðan hefur allt verið kyrrt og
rótt á fundunum. Unga fólkið drekkur þar
aðeins mjólkurdrykki og gosdrykki. — Að-
búnaðurinn gerði allan mismuninn.