Almanak Hins íslenska þjóðvinafélags - 01.01.1992, Blaðsíða 101

Árferði
Árið 1990 var um hita og úrkomu nærri meðallagi, en
loftþrýstingur var óvenjulágur. - Mestur hiti, sem mældist
á árinu, var á Vopnafirði 14. júlí, en þá mældust þar 26,1
stig. Mestur kuldi varð í Möðrudal 4. apríl, en þar mældist
27,5 stiga frost. Mest sólarhringsúrkoma var á Vagnsstöð-
um í Suðursveit 25. júlí, 111,2 mm. Á Kvískerjum í Öræf-
um mældist mest ársúrkoma 3.543 mm.
I Reykjavík var meðalhiti ársins 4,4 stig, sem er 0,2 stig-
um undir meðaltali áranna 1931-1960. Sólskinsstundir í
Reykjavík voru 1.140, sem er nærri 150 stundum færri en í
meðalári. Úrkoma í Reykjavík varð 826 mm, sem er 106%
af meðalúrkomu. Mestur hiti í Reykjavík á árinu mældist
27. júlí, 20,4 stig, en kaldast varð 1. marz, en þá mældist
13,3 stiga frost. Ekki hafði mælzt 20 stiga hiti í Reykjavík
síðan 1980.
Á Akureyri var meðalhiti ársins 3,7 stig, sem er 0,3 stig-
um yfir meðaltali áranna 1931-1960. Úrkoma varð 544 mm,
sem er 114% af meðalúrkomu. Mestur hiti á Akureyri á ár-
inu mældist 14. og 28. júlí, 23,5 stig, en kaldast varð 1.
marz, en þá mældist þar 16,4 stiga frost.
I janúar voru óveður nokkuð tíð og aðfaranótt hins 9.
gerði ofsaveður á vestan um suðvesturhluta landsins. Varð
mikið tjón á Eyrarbakka, Stokkseyri og víðar. Þúsundir
fiska köstuðust á land í Vestmannaeyjum. í Breiðuvík á
Snæfellsnesi var talað um mesta hafrót síðan 1925. I lok
mánaðarins voru miklir snjóar á Vestfjörðum. - Meðal-
loftþrýstingur í febrúar var hinn lægsti, sem mælzt hefur í
nokkrum mánuði, síðan mælingar hófust 1922. Hinn 17.
febrúar gerði mikið norðaustanveður undir Eyjafjöllum.
Bflar fuku og skemmdir urðu á húsum. - I lok marz kom
fram, að þá hefðu verið alger jarðbönn í tvo mánuði vegna
snjóa í mörgum sveitum norðanlands. I Bárðardal var tal-
að um mesta snjó síðan 1936. - I apríl var enn mjög mikill
snjór norðanlands, en um 20. gerði hláku. Þá hljóp aur-
skriða á hús á Akureyri og gereyðilagði það. Dagana 25.
(99)