Litli Bergþór - 01.06.2003, Blaðsíða 11
Dýralæknir í 40 ár
Viðtal við Renötu og Gunnlaug 2. hluti.
í síðasta tölublaði Litla-Bergþórs ræddi ég við Renötu Vilhjálmsdóttur, kennara og leiðsögumann í
Brekkugerði í Laugarási og í þessu blaði kemur framhald viðtalsins við þau hjón. Er Gunnlaugur Skúlason
dýralæknir viðmælandinn í þetta sinn.
Það kom fram í viðtalinu við Renötu að oft hefur
verið í nógu að snúast hjá Gunnlaugi, og sjálf þekki
ég sem kúabóndi, að það eru fáir dýralæknar, að
öðrum ólöstuðum, sem lagnari eru við að reisa kýr úr
doða eða ná út föstum kálfum. Og er þá sama hvort
hringt er að nóttu eða degi - á jóladag eða öðrum helg-
um dögum, - alltaf er Gunnlaugur kominn að vörmu
spori með spaugsyrði á vör og lætur hendur standa
fram úr ermum. Eru ekki að sjá á honum nein
ellimörk við þau handtök, þrátt fyrir tugina sjö. Og til
að heyra um hans hlið á dýralæknastarfinu, í fjörtíu ár
í uppsveitum Ámessýslu, er blaðamaður aftur kominn
í heimsókn til þeirra hjóna í Brekkugerði.
Gunnlaugur og Renata.
í stofunni liggur grár og hvítur köttur makindalega í
einu sófahominu og sperrir eyru þegar við komum
inn.
Þessi köttur er frá henni Stínu á Hlemmiskeiði segir
Gunnlaugur og ef hann heldur heilsu em allar líkur á
að hann lifi mig, og þá verður hann munaðarlaus! -
Kötturinn lætur þessi orð húsbónda síns ekki valda sér
áhyggjum en lötrar burt með því yfirlæti, sem köttum
einum er lagið. -
En ekki erum við Gunnlaugur fyrr búin að koma
okkur vel fyrir í notalegri stofunni, en rafmagnið fer
af. Það er þó ekki látið á sig fá, heldur dregur Renata
fram fjölda kertastjaka og fyrr en varir er húsið ljósum
prýtt og við Gunnlaugur höldum áfram spjalli okkar
við kertaljós. - Hann segist að vísu ekki hafa frá neinu
Gunnlaugur og fotfaðirinn Skúli fógeti. Sama nefið!
að segja, hann hafi alltaf búið í Tungunum að frátöld-
um námsárunum og aldrei átt lögheimili annarsstaðar.
En blaðamaður tekur þá hógværð ekki góða og gilda
og leggur til atlögu.
L-B: Nú er ég nýbúin að rekja ættir þínar í viðtali
við Svein bróður þinn í Bræðratungu,(L-B. 22. árg. 3.
tlbl 2001) svo ég ætla ekki að rekja það nánar. En
getur þú ekki sagt mér eitthvað frá uppvexti þínum í
Bræðratungu?
Gunnlaugur: Ég man nú lítið frá uppvextinum,
enda fátt merkilegt sem skeði. Heyrðu, veist þú hvað
þetta er? - spyr Gunnlaugur og dregur fram tvo hluti.
Annarsvegar stóran hvítan kuðung, sem þó virðist
vera úr beini og er níðþungur og hinsvegar létta brúna
kúlu, ca. 5 cm í þvermál. Blaðamaður lýsir
vanþekkingu sinni í þessum efnum og reynist
„kuðungurinn“ vera kvöm úr hval, ættuð frá afa
Gunnlaugs, Gunnlaugi J.H. Þorsteinssyni, og kúlan er
Litli Bergþór 11