blaðið - 05.09.2005, Blaðsíða 12

12 I BÍLAR
MÁNUDAGUR 5. SEPTEMBER 2005 blaöiö
Þátttökuseðill
Fyrirsögn:
Fullt nafn;
Kennitala
PTFT-lf-^l
Sendist á - Blaðifi, Bæjarlind 14-16, 201 Kópavogur
ihúsið y^skolavefurinn.is

o Afnot af Suzuki Swift í
heiltár.
o Medion Black Dragon
fartölvurfrá BT.
o l-pod frá Apple
búðinni
o 25.000.- kr úttekt í
Office one
oNuddtæki frá Heilsu-
húsinu
oGjafakarfa frá Osta
og Smjörsölunni
oÁrsÁskriftað
Skólavefnum
Klipptu út seðilinn hér að neðan og sendu okkur hann
(Blaðið, Bæjarlind 14-16, 201 Kópavogur) eða sendu okkur tölvupóst
(með nafni kennitölu og símanúmeri) á netfangið skoli.a)vbl.is
Dregið úr innsendum svörum á mánudögum
Ath. Þú mátt taka þátt eins oft og þú vilt, því fleiri innsendir seðlar, þeim mun meiri vinningslíkur
Ollicelsuperstore
{ '
/^i;
—'
Ford Focus, Brimborg
Pottþéttur
fjjölskytdubítt
Henry Ford, bilakóngur, var mað-
urinn sem breytti bílnum í almenn-
ingseign, en fram að því höfðu bilar
annars vegar verið dýr vinnutæki og
hins vegar leikföng hinna efnameiri.
Áratugum síðar hafa Ford verksmiðj-
urnar víða um veröld framleitt alls
kyns bíla, en þó má segja að Ford
hafi haldið sig við leistann sinn og
haft það að leiðarljósi að búa til bila
fyrir almenning, vandaða vöru á við-
ráðanlegu verði. Ford Focus er verð-
ugur arftaki „gamla Fords“ í þeim
skilningi að hann er bíll við alþýðu-
skap, en hann á lítið annað sameigin-
legt með honum, því Focus er síður
en svo fábrotinn í neinum skilningi.
Akstureiginleikar
Ford Focus má fá í ótal gerðum
eftir vélastærð, búnaði, dyrafjölda
og lagi og séu menn að leita að fjöl-
skyldubíl eiga allir að geta fundið
eitthvað við sitt hæfi í Focus-fjöl-
skyldunni. Blaðamaður Blaðsins
fékk fimm dyra hlaðbak til reynslu.
Það er skemmst frá að segja að þetta
er einn liprasti fjölskyldubíll í þess-
um flokki sem undirritaður hefur
reynt. Þetta er enginn sportbíll, en
hann hefur þann kraft sem þarf og
er afar þægilegur í akstri. Ójöfnur
í gatnakerfi höfuðborgarsvæðisins
voru ekki að setja hann út af laginu
og á meðan maður fann fyrir góðri
svörun á lulli í þröngum götum
Þingholtanna var hann ekki síður
þægilegur þegar brunað var suður
Kringlumýrarbrautina.
Vél og drif
Sem fyrr segir er hægt að fá fjöld-
ann allan af útfærslum af Focus, en
ég reyndi meðaltalsbílinn, beinskipt-
an 1,6 lítra bensínbíl. Ég varð ekki
fyrir neinum vonbrigðum með vél-
ina, hún hafði þann kraft sem þurfti
enda þótt bíllinn væri drekkhlaðinn
af farangri og börnum og ágætlega
hljóðlát, jafnvel á miklum snúningi.
Þar spilar líkast til inn í góð smíði
á bílnum, því hann tekur líka sára-
lítið veg- og vindhljóð inn í sig. Þó
þetta sé enginn spyrnubíll var samt
ekkert út á viðbragðið að setja. Hins
vegar var ég ekki alveg jafnviss um
skiptinguna. Ekki svo að skilja að
neitt sé að gírkassanum, en mér
fannst eilítið djúpt á kúplingunni
sem aðallega háði mér þegar tekið
var af stað 11. gír. Þetta er sjálfsagt
aðallega spurning um vana, en ég
hugsa að ég myndi samt taka sjálf-
skiptan bíl ef ég fengi mér Focus.
Útlit
Focus er vel hannaður bíll, en hann
er trúr upprunanum að því leyti að
hann er engan veginn áberandi. Ytri
hönnun er þannig látlaus og skilvirk
frekar en í takt við einhvern hönn-
unarskóla. Það sést að bíllinn er upp-
runninn í Evrópu, en nákvæmari
er sú staðsetning ekki. Aðalmálið
er samt hitt, sem ástæða er til þess
að ítreka, að bíllinn er sérstaklega
vel smíðaður, sem bendir til þess að
hann muni endast vel og eins hins,
að frumhönnunin hafi verið góð.
Rými
Inni í bílnum er frábært rými, nóg
pláss, hvernig sem á er litið. Það er
nógu hátt til lofts til þess að sérvitr-
ingar geta verið með hatt við stýrið
og fótarýmið er gott að framan sem
aftan. Dyrnar eru vel rúmar þannig
að það er auðvelt að stíga inn í hann
eða teygja sig til þess að spenna ung-
ana niður aftur í. I rýminu er að finna
öll helstu þægindi, sem ætlast er til í
nýjum bílum og raunar afar vel úti
látið miðað við verð. Góður frágang-
ur er á öllu og efnisvalið ágætt. Mæla-
borðið og umgjörð ökumanns er í
senn skýr og þægileg, þar sem allt er
innan seilingar. í fýrstu fannst mér
raunar stefnuljósstöngin sitja fullhátt
en það er til þess að hún flækist ekki
fyrir útvarpsstjórnbúnaðinum, sem
er á frekar fyrirferðarmikilli sérstöng
út frá stýrinu. En maður vandist því
á klukkutíma. Útsýni er sérstaklega
gott.
Farangur
Farangursrýmið á að duga flestum til
daglegra þarfa og alveg ágætt miðað
við aðra bíla í þessum stærðarflokki.
Greinarhöfundur gat komið alls kyns
skrýtnum farangri fyrir án nokkurra
tilfæringa.
Öryggi
Focus stenst allar almennar öryggis-
kröfur og er öruggasti bíllinn í sínum
flokki samkvæmt Euro NCAP með
fimm stjörnur. 1 honum eru fjórir líkn-
arbelgir, þriggja punkta belti í öllum
sætum og stálbitar ( öllum farþega-
hurðum. ABS hemlakerfi með EBD
hemlajöfnun, ESP stöðugleikastýring,
TRACS spólvörn og EBA hjálparheml-
un eru staðalbúnaður í öllum gerðum.
Reksturog viðhald
Eyðslan í Focus er fín, rúmir 8,5 lítrar
á hundraðið í bænum, en alveg stórfín
úti á landi eða um 5,5 lítrar. Þó Ford
Focus hafi breyst nokkuð í tímans rás
er ekki ástæða til þess að ætla annað
en að endingin sé a.m.k. jafngóð og í
fyrri gerðum. Sumsé alveg ágæt.
andres. magnusson@vbl. is
Brimborg
Verð: 1.790.000
Hlaðbakur
Eldsneyti: Bensín
Lengd:4,34m
Breidd: 1,99
Hæð: 1,50
Þyngd: 1.100 kg
Dyris
Véiarstærð: i596cc
Hestöfkioo
Kostir: Ekki dýr, ábyggilegur og
notadrjúgur.
Gallar: Kúplingin er ekki allra.
Niðurstaða: Ford Focus er mjög
skynsamlegur fjölskyldubíll til allra
daglegra nota og það er erfitt að
finna á honum galla. Hann er þægi-
legur f akstri, sérstaklega öruggur,
ágætlega útbúinn og verðið gott
miðað við gæði.
Smiójuvegi 30
Simi 587 1400 >
Allt á einum stað
fyrir bílinn þinn...
bilaattan.is

V«r*lun Smvrvw <
Verslun • Smurstöð • Bílaverkstæði • Dekkjaverkstæði