Fréttablaðið - 28.02.2012, Blaðsíða 27
KYNNING − AUGLÝSING Endurskoðun & bókhald28. FEBRÚAR 2012 ÞRIÐJUDAGUR 5
Fyrirtækið Íslenskir endur-skoðendur var stofnað í árs-byrjun 2011 og er í dag orðið
fimmta stærsta endurskoðunar-
fyrir tæki landsins eftir því sem
næst verður komist ef metið er í
fjölda starfandi löggiltra endur-
skoðenda. Tólf endurskoðendur
sem áður störfuðu sem einyrkjar
eða á smáum endurskoðunarfyrir-
tækjum tóku höndum saman um að
sameinast í öflugu fyrirtæki.
Sturla Jónsson framkvæmda-
stjóri segir að höfuðstöðvar séu
að Suðurlandsbraut 18 en starfs-
stöðvar eru einnig í Garðabæ,
Hafnarfirði, Akureyri og á Ísa-
firði. „Fyrirtækið er enn ungt að
árum en hefur vaxið hratt. Upp-
haf lega hugmyndin að stofnun
þessa félags var að sameina endur-
skoðendur sem höfðu starfað einir
eða á litlum stofum. Flestir eru
þetta endur skoðendur með langa
reynslu í faginu. Tilgangurinn var
ekki síst að mæta auknum kröfum
sem gerðar eru til okkar í dag með
tilkomu nýrra laga um endurskoð-
endur sem samþykkt voru árið
2008. Með lögunum voru innleiddir
alþjóðlegir endur skoðunar staðlar
hér á landi sem gera auknar kröfur
til endurskoðunar reikningsskila
en áður hefur tíðkast auk aukinna
krafna um gæðaeftirlit innan fag-
stéttarinnar,“ segir Sturla.
Sameinaðir kraftar
„Með stofnun Íslenskra endur-
skoðenda var mögulegt að bakka
menn upp og styðja við þessar
faglegu kröfur sem hafa verið að
aukast. Við erum meira farnir að
vinna eftir alþjóðlegum stöðlum.
Við lítum svo á að með stofnun
félagsins séum við raunveru-
legur valkostur við endur skoðun
við hlið stóru alþjóðlegu endur-
skoðunarfyrirtækja sem starfa
hér. Slíkir valkostir hafa verið
takmarkaðir, t.d. fyrir minni og
meðal stór fyrirtæki. Nafnið okkar,
Íslenskir endurskoðendur, gefur
fólki hugmynd með hvaða hætti
við staðsetjum okkur á þessum
markaði. Við erum net lítilla og
óháðra endurskoðunarfyrirtækja
sem koma saman undir þessu
nafni og sameinum krafta okkar,“
segir Sturla enn fremur.
Höfuðstöðvar fyrirtækisins eru
á Suðurlandsbraut 18 en Sturla
segir að endurskoðendurnir hafi
ekki allir sameinast undir einu
þaki enn þá. „Frekari sameiningar
eru í farvatninu til að styrkja fyrir-
tækið enn frekar. Viðskiptavinir
snúa sér beint til höfuðstöðvanna
en á heimasíðunni www.isend.is
er hægt að fræðast meira um starf-
semina og þá endur skoðendur
sem starfa undir þessu nafni.“
Endurmenntun
Íslenskir endurskoðendur halda
reglulega námskeið fyrir endur-
skoðendur. Sturla segir að það
hafi verið enn einn tilgangurinn
með stofnun félagsins að spila
stórt hlutverk í endur menntun
endurskoðenda. „Það eru gerðar
miklar kröfur til endurskoðenda
um endur menntun og það hefur
stundum reynst mörgum endur-
skoðendum, t.d. þeim sem starfa
inni á fyrirtækjum, erfitt að upp-
fylla þessar endur menntunar-
kröfur. Þeir hafa ekki haft sama
aðgang að námskeiðshaldi og fag-
legu efni og hinir sem starfa hjá
alþjóðlegum keðjum. Markmið
okkar félags er að veita endur-
menntun fyrir þennan hóp og
standa fyrir opnum nám skeiðum.
Þau námskeið sem við höfum
þegar haldið hafa verið vel sótt og
greinilega er þörfin til staðar. Við
höfum jafnframt gengið fram fyrir
skjöldu í notkun á endurskoðun-
arhugbúnaði sem margir einyrkjar
eru að byrja að nota og höfum við
aðstoðað þá við inn leiðinguna.
Áhersla okkar liggur töluvert í að
sinna þessum hópi endur skoðenda
enda hefur okkur fundist blóðið
renna til skyldunnar að styðja við
þennan hóp stéttarinnar,“ grein-
ir Sturla frá.
Nýir endurskoðendur
Sturla segir að engin mörk séu á
því hversu lítil eða stór fyrirtæki
geti leitað til Íslenskra endur-
skoðenda. „Við sinnum litlum fjár-
málafyrirtækjum, stéttarfélögum,
lífeyrissjóðum, sveitarfélögum
auk annars konar fyrir tækja, lítilla
sem þeirra stærri. Sam einaðir
erum við sterkari heldur en þegar
hver og einn er að starfa í sínu
horni. Meðalaldur er í hærra lagi
en þeir sem sjá fyrir sér starfslok
geta með þessu sam einaða verk-
efni f lutt stofuna sína inn í fé-
lagið. Margir einyrkjar sem huga
að starfslokum finna fyrir því að
enginn er til staðar til að taka við
rekstrinum. Þeir hafa veigrað fyrir
sér að taka að sér nema í endur-
skoðun þannig að nýir endur-
skoðendur koma að langmestu
leyti frá stærstu stofunum. Með Ís-
lenskum endurskoðendum verður
til vettvangur fyrir að taka að sér
nema eða vera viðskiptatækifæri
fyrir yngri endurskoðendur, þessir
yngri geta þá tekið við keflinu af
þeim eldri.“
Þekking og reynsla
Íslenskir endurskoðendur leggja
ríka áherslu á að uppfylla fagleg-
ar kröfur. „Við viljum vera fag legir
í vinnubrögðum. Krafan er mikil
um framþróun og við stöndumst
hana. Þessi góði hópur hefur stórt
tengslanet á bak við sig og menn
eru stórhuga um að fyrirtækið
muni vaxa og dafna þegar fram
í sækir. Við byggjum á góðum
grunni með mikilli þekkingu og
reynslu. Það er mat okkar að Ís-
lenskir endurskoðendur séu raun-
hæfur valkostur til mótvægis við
þessa stóru,“ segir Sturla Jónsson
framkvæmdastjóri.
Íslenskir endurskoðendur
sameina krafta sína
Íslenskir endurskoðendur annast endurskoðun reikningsskila og staðfestingu fjárhagsupplýsinga, jafnt fyrir lítil, meðalstór og stór fyrirtæki. Einnig hefur
félagið hug á að spila stórt hlutverk í endurmenntun endurskoðenda og framþróun fagstéttarinnar hér á landi.
Hluti af þeim endurskoðendum sem starfa hjá Íslenskum endurskoðendum. Nöfn í stafrófsröð eru: Björn Björgvinsson, Guðmundur Óskarsson, Hreggviður Þorsteinsson, Jón Örn Gunnlaugsson, Magnús Benediktsson, Ómar
Kristjánsson, Sturla Jónsson og Sveinbjörn Sveinbjörnsson. MYND/GVA
Sturla Jónsson, framkvæmdastjóri Íslenskra endurskoðenda, í höfuðstöðvum félagsins á
Suðurlandsbraut 18.