Fréttablaðið - 16.04.2012, Blaðsíða 56

16. apríl 2012 MÁNUDAGUR24
sport@frettabladid.is
GYLFI ÞÓR SIGURÐSSON skoraði á laugardaginn glæsilegt mark í 3-0 sigri Swansea á Blackburn en hann átti
einnig stóran þátt í öðru marki. Hann hefur nú skorað sex mörk í ellefu leikjum með Swansea og sagði eftir leikinn að
helst vildi hann vera áfram í herbúðum liðsins. Hann er þó samningsbundinn Hoffenheim í Þýskalandi til 2014.
Rekstrarvörur
- vinna með þér
KÖRFUBOLTI Njarðvík varð á
laugar daginn Íslandsmeistari í
körfubolta kvenna í fyrsta sinn í
sögu félagsins. Liðið varð einnig
bikar meistari fyrr í vetur og var
það fyrsti stóri titill félagsins í
kvennaflokki. Liðið hafði betur
gegn Haukum í úrslitarimmunni,
3-1, og lyfti bikarnum á loft eftir
sigur í fjórða leik liðanna, 76-62.
Lele Hardy var útnefnd verð-
mætasti leikmaður úrslitakeppn-
innar en hún fór fyrir sóknarleik
sinna manna í leiknum. Það var
hins vegar fyrst og fremst öflugur
varnarleikur í seinni hálfleik sem
skóp sigur Njarðvíkurliðsins og þá
kom sterk liðsheild liðsins í ljós.
„Við leggjum mikið upp úr varn-
arleik,“ sagði þjálfarinn Sverrir
Þór Sverrisson eftir leikinn. „Við
erum með sterkar stelpur til að
spila maður á mann og hjálpar-
vörnin er góð. Allar stelpurnar
eiga hrós skilið.“
Hinar bandarísku Hardy og
Shanae Baker-Brice voru í stórum
hlutverkum í liðinu og Sverrir
lofaði framlag þeirra. „Við vorum
það heppin að fá þessa tvo frábæru
leikmenn til liðsins en þess fyrir
utan eru þær líka frábærar mann-
eskjur. Þær blönduðust vel inn í
sterkan hóp leikmanna og okkur
tókst að fara langt á góðum móral
og liðsstemningu.“
Sverrir var nú að klára sitt
annað tímabil með liðinu og játaði
að árangurinn hefði komið sér á
óvart og að hann væri stoltur af
honum. „Jú, auðvitað. Þegar ég
tók við setti ég mér það markmið
að búa til alvöru lið í Njarðvík – lið
með flotta umgjörð sem yrði rekið
með metnaði. Það hafði aldrei áður
tekist í Njarðvík. Starfið hafði oft
lagst niður í kvennaflokki eftir
nokkur ár og vantaði einfaldlega
að hífa þetta upp á næsta plan,“
segir Sverrir.
„En ég var þó alls ekki að hugsa
um neina titla ef ég á að vera alveg
hreinskilinn. Ég sá þegar tíma-
bilið hófst að við værum með ansi
sterkt lið og að ef allt myndi smella
saman gætum við verið með í bar-
áttunni. En ekki óraði mig fyrir
því að við myndum vinna tvöfalt.“
eirikur@frettabladid.is
Tvöföld gleði á sögulegu tímabili
Njarðvík varð um helgina Íslandsmeistari kvenna í körfubolta eftir sigur á Haukum í úrslitarimmunni, 3-1.
Sverrir Þór Sverrisson hefur náð frábærum árangri með liðið sem vann sína fyrstu stóru titla á tímabilinu.
MEISTARAR Íslandsmeistaralið Njarð-
víkur tímabilið 2011-2012 eftir sigurinn
um helgina. FRÉTTABLAÐIÐ/DANÍEL
Ingibjörg Elva Vilbergsdóttir varð um helgina Íslands-
meistari með Njarðvík en hún hafði áður unnið þennan
sama titil með Keflavík. Er hún því fyrsti leikmaðurinn
til að vinna titilinn með þessum grannliðum og erki-
fjendum.
„Ég byrjaði að æfa körfubolta með Njarðvík fjórtán
ára gömul en þurfti að skipta yfir í Keflavík eftir að
starfið var lagt niður á sínum tíma,“ sagði hún eftir leik-
inn á laugardaginn. „Það er auðvitað frábært að koma
aftur í félagið og vinna titilinn. Það jafnast ekkert á við
þá tilfinningu að verða Íslandsmeistari.“
Ingibjörg Elva kom inn í liðið í Njarðvík og segir að það
hafi verið auðvelt að aðlagast liðinu. „Liðsheildin í liðinu er
einstök og hef ég ekki kynnst öðru eins áður. Leikmennirnir
eru afar samstilltir og fyrir vikið er liðið einfaldlega frábært.“
Meistari með bæði Njarðvík og Keflavík
Iceland Express-d. kvenna
LOKAÚRSLIT, 4. LEIKUR
Haukar - Njarðvík 62-76 (38-39)
Haukar: Jence Ann Rhoads 18/6 stoðsendingar,
Tierny Jenkins 13/21 fráköst, Margrét Rósa Hálf-
danardóttir 13/6 fráköst/6 stoðsendingar, María
Lind Sigurðardóttir 10/4 fráköst, Gunnhildur
Gunnarsdóttir 7, Auður Íris Ólafsdóttir 1.
Njarðvík: Lele Hardy 26/21 fráköst, Shanae
Baker-Brice 24/7 fráköst, Salbjörg Sævars-
dóttir 8/6 fráköst, Ólöf Helga Pálsdóttir 7/6
stoðsendingar, Petrúnella Skúladóttir 6, Eyrún Líf
Sigurðardóttir 3, Ingibjörg Elva Vilbergsdóttir 2.
Iceland Express-deild karla
UNDANÚRSLIT, 3. LEIKUR
KR - Þór Þorlákshöfn 86-100 (40-50)
KR: Joshua Brown 34/5 fráköst, Dejan Sencanski
13/7 fráköst, Hreggviður Magnússon 11, Finnur
Atli Magnusson 11/14 fráköst, Jón Orri Kristjáns-
son 6/4 fráköst, Martin Hermannsson 5, Emil Þór
Jóhannsson 4, Robert Lavon Ferguson 2.
Þór: Darrin Govens 29/13 fráköst/9 stoðsend-
ingar, Blagoj Janev 18, Guðmundur Jónsson 16,
Darri Hilmarsson 14/9 fráköst, Joseph Henley
12/6 fráköst, Baldur Þór Ragnarsson 6, Grétar
Ingi Erlendsson 4, Þorsteinn Már Ragnarsson 1.
Þór Þorlákshöfn leiðir í einvíginu, 2-1.
NÆSTU LEIKIR
Grindavík - Stjarnan í kvöld kl. 19.15
Þór Þorl. - KR miðvikudag kl. 19.15
N1-deild kvenna
ÚRSLITAKEPPNI, 1. UMFERÐ
HK - Stjarnan 29-34 (10-16)
Markahæstar hjá HK: Elín Anna Baldursdóttir 9,
Heiðrún B. Helgadóttir 8, Jóna S. Halldórsdóttir 4.
Markahæstar hjá Stjörnunni: Jóna M. Ragnarsd. 7,
Sólveig Lára Kjærnested 6, Hanna G. Stefánsd. 6.
HK vann einvígið, 2-0.
Grótta - ÍBV 20-19 (9-11)
Markahæstar hjá Gróttu: Unnur Ómarsdóttir 7,
Sunna M. Einarsdóttir 6, Elín Helga Jónsdóttir 5.
Markahæstar hjá ÍBV: Grigore Ggorgata 7,
Mariana Trebojovic 5, Þórsteina Sigurbjörnsd. 3
Staðan í einvíginu er jöfn, 1-1. Oddaleikurinn
fer fram í Vestmannaeyjum í kvöld kl. 19.30.
ÚRSLIT
FÓTBOLTI Undanúrslitin fóru fram í
ensku bikarkeppninni um helgina
og liggur nú fyrir að Liverpool og
Chelsea munu eigast við í úrslita-
leiknum á Wembley þann 5. maí
næstkomandi.
Liverpool hafði betur gegn
Everton, 2-1, eftir að hafa lent
undir í fyrri hálfleik. Andy
Carroll reyndist hetja þeirra
rauðklæddu en hann skor-
aði sigurmarkið með
skalla seint í leikn-
um. „Mér fannst þetta
mark 35 milljóna punda
virði,“ sagði varnarjaxl-
inn Jamie Carragher.
Chelsea vann svo 5-1
stórsigur á Tottenham
í hinni undanúrslita-
viðureigninni í gær en
umdeilt mark Juan Mata í upphafi
seinni hálfleiks reyndist vendi-
punkturinn.
Mata skaut þá að marki en varn-
armenn Tottenham náðu að bjarga
á línu. Engu að síður var markið
dæmt gilt af Martin Atkinson,
dómara leiksins. „Ég held í hrein-
skilni sagt að boltinn hafi ekki
farið yfir línuna. En línumað-
urinn dæmdi mark
og við getum ekk-
ert gert í því,“
sagði fyrirliði
Chelsea, John
Terry, eftir leik-
inn. - esá
Undanúrslitin í ensku bikarkeppninni um helgina:
Liverpool og Chelsea
mætast í úrslitunum
KÖRFUBOLTI Þór frá Þorlákshöfn er komið í
algjöra lykilstöðu í einvíginu við KR í undan-
úrslitum Iceland Express-deildar karla en liðið
bar sigur úr býtum, 100-86, í þriðja leik liðanna
sem fram fór í DHL-höllinni í gær. Staðan er
því 2-1 fyrir Þór í einvíginu og þá vantar aðeins
einn sigur til að komast í úrslit. Þórsarar voru
einfaldlega miklu sterkari aðili allan leikinn og
áttu sigurinn fyllilega skilið.
„Þetta leit vel út í kvöld hjá okkur,“ sagði
Darri Hilmarsson, leikmaður Þórs Þorláks-
hafnar, eftir sigurinn í gær.
„Við tókum forystuna strax í byrjun og gáfum
hana aldrei frá okkur. Við erum bara að ná vel
saman núna og menn eru að koma upp á réttum
tíma. Sóknarleikur okkar er að smella saman
núna eins og sést á stigatöflunni, við höfum ekki
skorað svona mikið í allan vetur. Þetta er samt
sem áður ekki búið, við eigum enn eftir að vinna
einn leik.“
„Það er alltaf hægt að snúa svona ein-
vígum sér í hag en það sem við þurfum að hafa
áhyggjur af er að við erum búnir að vera lélegri
aðilinn í þessu einvígi,“ sagði Hrafn Kristjáns-
son, þjálfari KR, eftir leikinn í gær. „Þeir hafa
hreinlega skorað okkur á hólm og við erum ekki
búnir að svara þeirri áskorun. Þetta er samt sem
áður ekki búið og við neitum að gefast upp.“ - sáp
Þór frá Þorlákshöfn tók forystu í undanúrslitaeinvíginu gegn KR í Iceland Express-deild karla:
Við erum að stíga upp á hárréttum tíma
TEKIÐ Á ÞVÍ Emil Þór Jóhannsson, KR, og Guðmundur
Jónsson, Þór, í baráttunni. FRÉTTABLAÐIÐ/VALLI
FÓTBOLTI Margrét Lára Viðars-
dóttir kom inn á sem vara maður
þegar að lið
hennar, Tur-
bine Potsdam,
tapaði fyrir
Lyon, 5-1, í
fyrri leik lið-
anna í undan-
úrslitum Meist-
aradeildar
Evrópu í gær.
Þessi tvö
lið hafa mæst
í úrslitum
keppninnar síðustu tvö árin og
unnið í eitt skipti hvort. - esá
Meistaradeild kvenna:
Potsdam steinlá
í Frakklandi
MARGRÉT LÁRA
VIÐARSDÓTTIR
MARKASKORARAR
Andy Carroll og Luis Suarez
skoruðu mörk Liverpool.