Morgunblaðið - 22.03.2012, Blaðsíða 10

10 finnur.is 22. mars 2012
É
g er eins og alltaf að skrifa nokkur
kvikmyndahandrit en starfa jafnframt
við hina dásamlegu Djöflaeyju á RÚV
þar sem ég er einn fjögurra þátta-
stjórnenda,“ segir Vera Sölvadóttir leikstjóri.
„Þar að auki er ég að vinna að tónlistar-
myndbandi sem ég leikstýri fyrir einstaka
söngkonu og tónlistarmann, vinkonu mína
Jarþrúði Karlsdóttur, sem á eftir að láta að sér
kveða hér á landi í nánustu framtíð.“
Ekki er allt upptalið; Vera lætur líka að sér
kveða á tónlistarsviðinu. „Ég ætla að syngja
inn á norska plötu; verð gestasöngvari ásamt
Jarþrúði vinkonu minni. Við höfum áður sung-
ið inn á safnplötu fyrir sama aðila, Thomas
Robsahm, og nú vill hann fá okkur til að syngja
inn á nýjustu afurð sína. Við tökum því að sjálf-
sögðu fagnandi. Upptökur, útsetning og hljóð-
blöndun fara fram í Noregi en við munum
syngja inn á lögin hér heima. Meðal annarra
gestasöngvara á plötunni má nefna Anneli
Drecker sem meðal annars er þekkt fyrir að
syngja með Röksopp, A-ha og Bel Canto.“
Duglegri að elda í Frakklandi
Vera hefur margt á sinni könnu og segir
eldamennskuna sitja á hakanum í augnablik-
inu. „Ég er mjög ódugleg við að elda þessa
dagana. Þegar ég bjó í Frakklandi var ég miklu
duglegri. Þá fannst mér líka gaman að fara út í
búð eða á markaði að kaupa í matinn. Það er
einhvern veginn ekki alveg sami sjarminn hér
heima að kaupa inn.“
Hún segist helst elda fisk, en líka kjöt og
grænmeti. „Ég er með æði fyrir rótargrænmeti
þessa stundina en það gæti breyst á morgun.
Hér heima er gott að matreiða fisk. Það er erf-
iðara að finna annað hráefni eftir árstíðum en
maður getur verið viss um að fá alltaf góðan
fisk. Svo er íslenskur saltfiskur alveg eðal. Ég
slæ í gegn á sumrin þegar ég elda fyrir túrist-
ana en ég vinn stundum sem leiðsögumaður
með franska ferðamenn og útbý þá saltfisk á
portúgalskan máta.“
Margt undarlegt í gangi
Aðspurð kveðst hún hugsa um hollustuna.
„Ég held að ég borði frekar hollan mat. Ég
forðast allt sem ég veit ekki hvað er. Til dæmis
kjöt sem ég get ekki greint eða skærbláa
drykki! Það er margt mjög undarlegt í gangi í
sambandi við mat og ég tel að maður verði að
fara varlega. Matarvenjur mínar breytast og
taka mið af því hvar ég er stödd í heiminum en
ég held að ég hafi orðið meðvitaðri með ár-
unum. Ég fer langoftast í mína hverfisbúð sem
er Melabúðin. Ef ég er í stórinnkaupum fer ég
kannski í stórmarkaði en það er sjaldan. Það
eru nokkrar fiskbúðir í borginni sem eru frá-
bærar, mér finnst samt að það mætti bæta við
einni í Kvosina. Mér finnst gott að fara út
borða en ég bý í miðbænum og fer því sjaldn-
ast langt. Það eru ansi margir mjög fram-
bærilegir veitingastaðir í bænum. Fiskmark-
aðurinn er frábær, Grillmarkaðurinn
sömuleiðis. Svo hef ég alltaf verið hrifin af
Horninu sem aldrei breytist.“
beggo@mbl.is
Vera Sölvadóttir dagskrárgerðarkona, leikstjóri, og söngkona
Forðast skærbláa drykki
Morgunblaðið/Sigurgeir S.
Vera Sölvadóttir eldar helst fisk og henni finnst vanta fiskbúð í Kvosina.
Vera Sölvadóttir stýrir Djöflaeyjunni, skrifar kvikmynda-
handrit og syngur innan tíðar inn á norska plötu.
Saltfiskur að hætti Portúgala
600-800 g vel útvatnaður
saltfiskur (lundir eða
„loins“)
1 kg kartöflur
10 vel þroskaðir tómatar,
eða 2 dósir niðursoðnir
tómatar
1 græn paprika, skorin í
ræmur
fersk basilíka
1 stór laukur
5-8 hvítlauksrif
12-15 svartar ólífur
ólífuolía
kjúklingasoð
hveiti
salt og pipar
Veltið saltfiskbitunum
upp úr hveiti og snögg-
steikið þá á báðum hliðum
á pönnu í heitri olíu.
Tómatsósa
Skerið laukinn í bita og
steikið við vægan hita þar
til hann er orðinn glær.
Bætið við hvítlauknum og
paprikunni og látið malla
við vægan hita í nokkrar
mínútur. Bætið nú við tóm-
ötum og einum bolla af
kjúklingasoði og látið sjóða
í 15-20 mínútur. Ólífunum
er síðast bætt út í og einni
matskeið af niðurskorinni
basilíku. Skvetta af bal-
samik-ediki skemmir ekki
og loks er piprað vel.
Skerið kartöflurnar í
þunnar skífur og setjið í
ofnfast mót sem búið er að
smyrja með ólífuolíu. Stráið
örlitlu salti og pipar yfir.
Hellið nú tómatsósunni yfir
kartöflurnar og setjið salt-
fiskinn efst, þannig að roðið
snúi upp.
Bakist í ofni við 200 °C í
30-40 mín. Gott að bera
fram með heimalagaðri
aioli-sósu og grófu brauði.
12. þáttur
Fylgstu með í MBL
sjónvarpi alla miðvikudaga.
Grænmetissúpa með linsum
Þessa súpu er einfalt að mauka fyrir litla munna.
Þessa súpu má svo sannarlega frysta í glerkrukku til að nota síðar (ég tek
alltaf úr frysti kvöldið áður en ég ætla að nota súpuna og læt hana þiðna
inni í ísskáp).
Rauðar linsur þarf aðeins að sjóða í 20 mínútur og koma þær í staðinn
fyrir kjöt í máltíð hvað varðar prótein og eru fremur ódýr matur og því
sérlega hentugar í grænmetissúpur á veturna til dæmis!
2. Á meðan laukurinn og kryddið mýkist skuluð þið þvo paprikuna,
kjarnhreinsa hana og skera í munnbita og bæta út í pottinn.
3. Næst skuluð þið þvo sætu kartöfluna og afhýða (til dæmis með
kartöfluflysjara), skera svo í munnbita og setja út í pottinn.
4. Þvoið kúrbítinn og skerið í munnbita og bætið út í pottinn.
5. Skolið linsubaunirnar í sigti og setjið svo í pottinn ásamt vatni,
tómötum, kókosmjólk og grænmetiskrafti.
6. Látið súpuna sjóða við lágan hita í um 20mínútur og ef þið eigið
kombu þara er gott að setja smá ræmu (3 cm) út í en það dregur
úr loftmyndandi áhrifum baunanna og gefur kraft einnig. Ég skola
ræmuna fyrst og set hana svo út í.
1 laukur (og má nota blaðlauk)
1 msk. paprikukrydd
1 lárviðarlauf
2-3 hvítlauksrif
1 rauð paprika
1 sæt kartafla
1 kúrbítur
2 dl rauðar linsur
1 L. vatn
1 dós eða um 400 g niðursoðnir
tómatar (eða lífrænt tómat pass-
ata) eða ferskir tómatar skornir
1 dós eða um 400 g kókosmjólk
3 lífrænir, msg- og gerlausir græn-
metisteningar (eða 3 msk.)
1. Skerið laukinn og hvítlaukinn
smátt og steikið í smá vatni (notið
vatn í staðinn fyrir olíu) í sæmilega
stórum potti ásamt kryddinu við
lágan hita.