Morgunblaðið - 05.10.2012, Blaðsíða 26
26 UMRÆÐAN
MORGUNBLAÐIÐ FÖSTUDAGUR 5. OKTÓBER 2012
Í kjölfar hrunsins og
þess vantrausts sem þá
skapaðist milli almenn-
ings og stofnana sam-
félagsins hefur krafan
um aukið vægi borg-
aranna við ákvarð-
anatöku orðið háværari.
Sú hugmyndafræði felur
í sér kröfu um að stjórn-
málin temji sér aðra
nálgun gagnvart al-
menningi með áherslu á hlutlausa
upplýsingamiðlun til kjósenda í mál-
um sem lúta beinni ákvarðanatöku
þeirra og virðingu fyrir þeirri nið-
urstöðu sem meirihlutinn telur besta
hverju sinni. Bein ákvörðun kjósenda
krefst jafnframt ábyrgðar af þeim
sjálfum og skyldu þeirra til að kynna
sér helstu þætti viðkomandi máls og
áhrif þess.
Í haust munu íbúar Garðabæjar og
Álftaness ákveða hvort sameina eigi
sveitarfélögin. Þrátt fyrir að hér sé
um að ræða íbúakosningu samkvæmt
lagaákvæðum sem komu til löngu fyr-
ir hrun gilda í raun sömu lögmál hér
og í öðrum beinum kosningum um
einstök samfélagsmálefni. Mögulegri
sameiningu sveitarfélaganna fylgja
kostir og gallar eins og öðrum sam-
einingum sveitarfélaga og spurn-
inguna nálgast íbúar sveitarfélag-
anna frá ólíkum sjónarhornum.
Frá sjónarhorni Álftnesinga má
ætla að málið snúist fyrst og fremst
um að lækka óheyrilegar skuldir
sveitarfélagsins. Skuldastaða upp á
7,2 milljarða miðað við árslok 2009
mun lækka niður 3,2 milljarða við
sameininguna. Þessi lækkun er að
hluta til send öllum skattborgurum
landsins en skýrist einnig af um-
skiptum í rekstri sveitarfélagsins og
því að kröfuhafar sveitarfélagsins
lækka skuldir í formi afskrifta. Eft-
irstöðvarnar, 3,2 milljarðar, verða
hluti af skuldum sameinaðs sveitarfé-
lags.
Frá sjónarhorni Garðbæinga felur
sameining þessara
sveitarfélaga í sér yf-
irtöku á talsvert meiri
skuldum en hvíla nú
þegar á íbúum bæj-
arins. Fjárhagsstaða
Garðabæjar er með því
besta sem þekkist með-
al íslenskra sveitarfé-
laga, þökk sé staðfestu
kjörinna fulltrúa við að
viðhalda slíkri stefnu
og ábyrgri stjórn
starfsmanna bæj-
arfélagsins við að fram-
kvæma hana. Ef marka má nið-
urstöðu bæjarstjórnarkosninga í
Garðabæ undanfarin kjörtímabil tel
ég á engan hallað þegar sagt er að um
þessa áherslu ríkir talsvert mikil sátt
í Garðabæ. Þessi áhersla hefur lagt
grunninn að umgjörð sem gerir það
að verkum að t.d. margir aðfluttir
Garðbæingar eins og ég sjálfur eru
afar stoltir af þessu bæjarfélagi.
Við sameiningu sveitarfélaganna
aukast skuldir frá því sem nú er um
liðlega 150.000 kr. á hvern íbúa
Garðabæjar. Það gera liðlega 600.000
kr. á hverja fjögurra manna fjöl-
skyldu. Frá sjónarhorni Garðbæinga
hlýtur því sú lykilspurning að vakna
hver sé raunverulegur ávinningur við
að sameina sveitarfélögin. Hvað kem-
ur í staðinn fyrir þá fórn sem felst í
aukinni skuldaaukningu við samein-
inguna? Hver og einn þarf að svara
þessari spurningu fyrir sig en fyr-
irsvarsmenn sveitarfélaganna þurfa
að draga fram upplýsingar um þetta
lykilatriði fyrir umræðuna.
Í maí 2010 setti Garðabær sér lýð-
ræðisstefnu fyrst íslenskra sveitarfé-
laga. Með henni var vilji sveitarfé-
lagsins til samráðs við íbúa sína og
aukinnar þátttöku þeirra í ákvarð-
anatöku og stefnumótun staðfestur.
Ég hvet íbúa Garðabæjar og Álfta-
ness til að kynna sér sjálfstætt þá
þætti sem mikilvægastir eru við sam-
einingu þessara sveitarfélaga, kosti
og galla hennar svo ákvörðun ykkar,
hver svo sem hún verður, megi verða
sem upplýstust.
Fyrirhugaðar íbúa-
kosningar um sameiningu
Garðabæjar og Álftaness
Eftir Eirík S.
Svavarsson » Sú spurning vaknar
hver sé raunveru-
legur ávinningur við
sameininguna. Hvað
kemur fyrir þá fórn sem
felst í aukinni skulda-
aukningu við samein-
inguna?
Eiríkur S. Svavarsson
Höfundur er hæstaréttarlögmaður.
Erum við ekki flest
stöðugt að reyna að
vera eitthvað? Reyna
að sanna okkur hvert
fyrir öðru og umhverf-
inu?
Veistu að ég þekki
engan sem er bara al-
gjörlega með þetta.
Engan sem er með allt
sitt á hreinu og er ekki
í stöðugu ströggli við
sjálfan sig. Engan sem veit allt, kann
allt og skilur allt.
Ég þekki engan og veit ekki um
neinn sem glímir ekki stöðugt við
sjálfan sig og ímynd sína, hverskyns
tilvistarspurningar, Guð, heilsufar
sitt, fjárhag eða samskipti við sam-
ferðamenn. Og berst þannig daglega
hinni hörðu lífsbaráttu á einhverjum
sviðum.
Að fá að vera maður sjálfur
Það er þess vegna sem mér finnst
svo gott að vita til þess að mega og
geta falið mig kærleikans Guði á vald.
Þeim Guði sem er höfundur og full-
komnari lífsins. Þeim Guði sem er
stærri og meiri en við getum ímyndað
okkur. Þeim Guði sem elskar okkur
eins og við erum.
Það er nefnilega eftir allt saman
ekki undir okkur komið hvað um okk-
ur verður og hvernig allt fer að lokum,
heldur honum sem lífið gefur og hefur
í hendi sinni, hvernig sem allt fer.
Honum sem einn getur viðhaldið lífi
okkar um alla eilífð.
Þegar ég finn mig lítils virði, líður
illa, er umkomulaus, þá
finnst mér ekkert betra
en mega horfa í augun á
Jesú. Eftir því sem ég
horfi lengur og dýpra
finn ég nefnilega að ég
er elskaður af ómót-
stæðilegri ást. Þá finn
ég hve óendanlega dýr-
mætur ég er í augum
Guðs. Elskaður út af líf-
inu, elskaður af sjálfu
lífinu, höfundi þess og
fullkomnara.
Honum sem segir:
Hjarta yðar skelfist ekki. Farðu af
stað í þessum styrkleika þínum, og þú
munt sigra. Ég heiti því að vera með
þér og sleppi hendi minni ekki af þér.
Áformum þínum mun framgengt
verða séu þau mér til dýrðar og sam-
ferðafólki þínu til blessunar. Því að
máttur minn fullkomnast í gegnum
þinn veikleika.
Hluti af eilífri áætlun
Ævinnar gleði er nefnilega eitthvað
svo skelfing skammvinn og hin verald-
lega velgengni völt. Sigrarnir geta
vissulega verið sætir en kransarnir
eru bara eitthvað svo ótrúlega fljótir
að fölna. Hin varanlega gleði er hins
vegar fólgin í því að eiga nafn sitt ritað
með himnesku letri í lífsins bók. Gleðj-
umst þeirri gleði, hún er sigursveigur
sem ekki mun fölna.
Sú gleði veitir nefnilega varanlega
hamingju. Hamingju sem byggð er á
djúpri alvöru. Ég hef nefnilega þá trú
að ævinnar ljúfustu og bestu stundir
séu aðeins sýnishorn af því sem koma
skal. Aðeins forrétturinn að hinni var-
anlegu himnesku veislu sem koma
skal.
Þess vegna finnst mér svo dýrmætt
og gott að mega signa mig kvölds og
morgna og jafnvel um miðjan dag áð-
ur en gengið er til verka. Minna mig
þannig á hver ég er, hverjum ég til-
heyri og hvert ég þrái að stefna. Fela
mig þannig og öll mín verk og mál
gjafara lífsins á vald, í trausti þess að
hann muni vel fyrir sjá.
Hin harða
lífsbarátta
Eftir Sigurbjörn
Þorkelsson
Sigurbjörn Þorkelsson
»Ævinnar gleði er
eitthvað svo skelfing
skammvinn og hin ver-
aldlega velgengni völt.
Sigrarnir sætir en
kransarnir svo ótrúlega
fljótir að fölna.
Höfundur er rithöfundur.
Z-Brautir og gluggatjöld
Faxafeni 14 - 108 Reykjavík - S. 525 8200 - z.is
Veggfóður
í úrvali
Úrval - gæði - þjónusta
Sjá sölustaði á istex.is
Íslenska ullin
er einstök