Morgunblaðið - 24.06.2014, Blaðsíða 4

MORGUNBLAÐIÐ ÞRIÐJUDAGUR 24. JÚNÍ 2014
4 BÍLAR
Ö
ðru hverju koma fram
bílar sem eru á skjön við
samkeppnina en hitta
samt í mark. Mitsubishi
Outlander PHEV er einn þeirra en
PHEV stendur fyrir Plugin Hybrid
Electric Vehicle eða tengiltvinnbíll,
jafn þjált og það hljómar. Með örri
þróun rafgeyma á síðustu árum er
nú mögulegt að nota stærri og öfl-
ugri rafgeyma, en það opnar á
möguleikann að nota utanaðkom-
andi rafmagn sem orkugjafa. Mit-
subishi hefur áttað sig á þessari
staðreynd og kemur nú fram með
bíl með sjaldséðar eyðslutölur og
býður hann á raunhæfu verði. Til
að prófa slíkan bíl þarf góðan tíma
og það var nákvæmlega það sem
sölumenn Heklu gáfu okkur. Var
bíllinn prófaður í tæpa viku við
akstur bæði innanbæjar og úti á
landi sem gaf okkur góðan tíma til
að átta okkur á honum og satt
best að segja óx álit okkar á hon-
um eftir því sem við höfðum hann
lengur.
Eins og venjulegur bíll, og þó?
En hvernig virkar tengiltvinnbíll-
inn í raun og veru? Hann lítur ekk-
ert öðruvísi út en venjulegur jepp-
lingur, ekki einu sinni þegar sest er
upp í hann. Sjálfskiptingin er á sín-
um stað og það eru kannski aðeins
fleiri takkar en maður sér í öðrum
bílum. Þegar ýtt er á start-rofann
verður munurinn samt augljós því
að það eina sem heyrist er lágt
suðið frá rafmótorunum þegar
maður fer hljóðlega af stað. Bíllinn
sér sjálfur um að velja hvort hann
noti rafmagn eða bensín en í bíln-
um eru tveir rafmótorar, einn á
hvorum öxli svo að í raun og veru
er hér um fjórhjóladrifsbíl að ræða
þótt bensínvélin knýi aðeins áfram
framhjólin. Eins getur ökumað-
urinn valið hvernig bíllinn notar afl-
ið og hvort verið sé að hlaða og þá
hvernig. Til dæmis er hægt að láta
bílinn ganga á bensínvélinni til að
spara rafmagnið fyrir aðstæður er
henta betur slíkum akstri, eins og
akstri innanbæjar. Þá hleður hann
rafgeymana á meðan upp í 70%
hleðslu en fulla hleðslu fær hann
frá venjulegri heimtaug. Við próf-
uðum tvisvar að fullhlaða bílinn á
meðan á reynsluakstrinum stóð
og í bæði skiptin tók það aðeins
um fimm tíma að hlaða hann með
venjulegri 10 ampera innstungu.
Eins er hægt að renna bílnum upp
að hraðhleðslustöð sem hleður þá
bílinn 80% hleðslu á innan við
hálftíma.
200 kílóum þyngri
En er eitthvað öðruvísi að aka
Mitsubishi Outlander PHEV en
jepplingi af sambærilegri stærð?
Við vorum reyndar búnir að prófa
hefðbundinn Outlander á síðasta
ári svo að við höfðum góðan sam-
anburð. Fyrir það fyrsta finnst vel
að Mitsubishi Outlander PHEV er
talsvert þyngri en dísilbíllinn og
munar þar 200 kílóum sem raf-
hlöðurnar og rafmótorarnir bæta
við eigin þyngd bílsins. Fyrir vikið
er hann stinnari í fjöðrun til að
ráða við aukna þyngd og finnst
það talsvert í akstri. Aukaþyngdin
er hins vegar mjög neðarlega í
bílnum sem gerir það að verkum
að hann liggur vel þrátt fyrir aukna
þyngd sína. Munar þar líka um að
S-AWC-fjórhjóladrifið frá rafmót-
orunum sér um að dreifa átakinu
eftir því hvernig bílnum er ekið svo
að það hámarkar grip hans í akstri.
Almennt er afldreifingin 60% að
framan og 40% að aftan en einnig
má stilla á 4WD-læsingu sem jafn-
ar aflið á milli ása. Í akstri er bíllinn
líka einstaklega hljóðlátur og
kannski þess vegna verður maður
meira var við veghljóð en áður. Bíll-
inn líður nánast hljóðlaust áfram,
einnig á meiri ferð, og þegar hann
skiptir yfir í bensínmótorinn er
átakið vart finnanlegt og vélin það
þýð að maður áttar sig varla á því
að hann er farinn að keyra á bens-
íninu. Eins og áður sagði er bíllinn
nánast sá sami að innan og hann
er rúmgóður af jepplingi að vera.
Meira að segja farangursrýmið er
rúmgott og aðgengilegt þrátt fyrir
að hluti þess fari nú undir hleðslu-
snúrur og hleðslutengi. Ef eitthvað
er mættu sætin vera mýkri og
þægilegri til að vega upp á móti
stífari akstri bílsins.
Sér á parti eins og er
Erfitt er að bera Outlander
PHEV saman við aðra bíla og í raun
Njáll Gunnlaugsson reynsluekur Mitsubishi Outlander PHEV
Mitsubishi Outlander PHEV Árgerð 2014
• 18 tommuálfelgur
• Eiginþyngdkg: 1.810
• Farangursrými: 463 lítrar
• 0-100km/sek.: 11
•Hámark: 171 km/klst.
• Fjórhjóladrif
•Verð frá: 6.690.000kr.
• 1,9L/100km íbl.akstri
• Umboð:Hekla
•Mengunargildi:
44gCO2/km
•2,0 lítradísilvél
• 200hö338Nm
•Þrepalaussjálfsk.
Plugin Hybrid Electric Vehicle stendur einfaldlega fyrir tengiltvinnbíl
sem er tveir bílar í einum, rafbíll og alvöru bensínbíll.
Endurkoma Mitsubishi?
Kostir: Lítil eyðsla, rúmgóður, hljóðlátur
Gallar: Stinn sæti, stíf fjöðrun
Tengiltvinnbíllinn Mitsub-
ishi Outlander PHEV er
rúmgóður af jepplingi að
vera. Meira að segja far-
angursrýmið er rúmgott
og aðgengilegt þrátt fyrir
að hluti þess fari nú undir
hleðslusnúrur og hleðslu-
tengi.