Málfríður - 15.10.2007, Síða 16

1 MÁLFRÍÐUR
Samdráttur nemenda í þýsku hefur verið áhyggju­
efni þýskukennara um nokkurt skeið og með því að
benda nemendum á fjölbreyttari tilgang og gagn­
semi þýskunáms er ef til vill mögulegt að sporna
við þessari þróun og um leið auka áhuga nemenda
á tungumálinu.
Viðfangsefni rannsóknarinnar
Aðalspurningar rannsóknarinnar voru:
• Hvað er hægt að gera með þýskukunnáttu í
farteskinu?
• Hver er nytsemi þýskukunnáttu á Íslandi?
• Hvað er fólk að gera sem hefur lært þýsku
vel?
• Hvað hvatti fólkið til þess að byrja að læra
þýsku, halda þýskunámi áfram og svo að nýta
þýskukunnáttuna eftir að skólagöngu var
lokið?
Tilgáta rannsóknarinnar var að þýska sem erlent
tungumál á Íslandi væri gagnlegt á mörgum mis­
munandi sviðum atvinnulífsins. Þess vegna ættu
ástæður og hvatning nemenda til þess að læra
þýsku að sama skapi að vera af fjölbreyttum toga.
Viðmælendur
Til þess að sýna fram á sem fjölbreyttasta mögulega
notkun á þýsku sem erlends tungumáls á Íslandi tók
ég ekki viðtöl við einstaklinga úr hinum hefðbundnu
störfum þar sem þýskukunnátta er nauðsynleg eins
og í störfum túlka, þýðenda og þýskukennara. Í
stað þess tók ég ítarleg viðtöl við sex einstaklinga
sem eiga það sameiginlegt að hafa nýtt þýskukunn­
áttu sína í atvinnulífinu um nokkurra ára skeið. Þrír
viðmælendanna koma úr ferðamálaiðnaðinum og
þrír aðrir frá fjölbreyttum geirum viðskiptalífsins.
Með því að fá viðmælendur mína til þess að líta til
baka fékk ég góða innsýn í það á hvaða hátt þýskan
hafði nýst þeim í atvinnulífinu. Eins tók ég viðtöl
við þrjá nemendur úr Háskóla Íslands sem lýstu
væntingum sínum um það hvernig þeir gætu nýtt
þýskukunnáttu sína í starfi í framtíðinni. Á þennan
hátt var hægt að horfa á viðfangsefnið út frá fortíð,
nútíð og framtíð.
Helstu niðurstöður rannsóknarinnar
Einróma álit viðmælenda var að þýska væri mjög
mikilvægt tungumál í íslensku atvinnulífi og byði
upp á marga möguleika á mörgum mismunandi
sviðum atvinnulífsins, hvort sem það væri í ferða­
málaiðnaðinum, fjármálageiranum eða á sviðum
lista. Allir nefndu aukna alþjóðavæðingu sem
ástæðu fyrir vaxandi þörf góðrar tungumálakunn­
áttu á Íslandi. Flestir viðmælendanna nefndu einnig
að í ferðamálageiranum jafnt sem fjármálageir­
anum væri þýskukunnátta algjörlega nauðsynleg og
klárlega samkeppnisforskot í atvinnulífinu. Þessu
til rökstuðnings var t.d. nefnd hin aukna útrás
Íslendinga í fyrirtækjarekstri. Samróma álit viðmæl­
enda um harðnandi samkeppni á vinnumarkaðnum
og auknar kröfur um góða tungumálakunnáttu var
mjög sýnilegt í niðurstöðunum. Við þetta bættu
nokkrir viðmælendur að Íslendingar þyrftu fyrst að
Í rannsókn sinni á áhugahvöt
„Motivation“ til þýskunám­s
skoðaði höfundur sérstaklega
þátt nytsem­i þýskukunnáttu í
íslensku atvinnulífi m­eð það að
m­arkm­iði að gera hagnýtan til-
gang nám­sins sýnilegri nem­end-
um­.
Kristjana Björg
Sveinsdóttir
Kristjana Björg Sveinsdóttir, þýskukennari við Menntaskólann í Reykjavík
Nytsemi þýskukunnáttu í
íslensku atvinnulífi
Rannsókn á nytsemisþætti áhugahvatar