Fréttir - Eyjafréttir - 22.03.1988, Blaðsíða 6

Þriðjudaginn 22. mars 1988 — FRÉTTIR
Helga Jónsdóttir, bæjarfulltrúi skrifar:
Að byggja skóla
í nýafgreiddri fjárhags-
áætlun Vestmannaeyjabæj-
ar er gert ráð fyrir að verja
15 milljónum til uppbygg-
ingár grunnskóla, þ.e.a.s.
ríkið leggur fram 6,1 mill-
jónir en bæjarsjóður 8,9
milljónir. Hvernig á svo að
verja þessum peningum?
1. Hamarskólinn. í nýju
álmuna eiga að fara 5 mill-
jónir til að einangra, koma
inn hita auk annars smálegs.
Tilgangurinn er m.a. eins og
bæjarstjóri komst að orði:
„Að verja húsið
skemmdum."
2. Barnaskólinn. Þar á að
byrja að byggja við. Byggt
verður í norður við næst
yngsta hluta skólans. Áætl-
aður teikni- og tæknikost-
naður í ár er um 2 milljónir
og fyrir 8 milljónir á að
byggja 3ja hæða hús. Það
hús á ekki að gera fokhelt í
ár, heldur einhvern tíma
seinna þegar peningarnir
verða til.
Rétt er að skjóta hér inn í
að í ár verður byrjað að
byggja við framhaldsskól-
ann og að núverandi meiri-
hluti í bæjarstjórn hefur
marglýst því yfir að fram-
kvæmdir við skólabyggingar
ráðist af framlagi ríkissjóðs.
Við sjáum því engan veginn
fyrir endan á því hvenær
þetta kennslurými sem er í
byggingu, og á að fara að
Syggja, kemst í notkun.
Hamarsskóli
Víkjum aftur að Hamars-
skólanum og nýju viðbygg-
ingunni þar. Á efri hæð
verður vinnuaðstaða kenn-
ara, en á neðri hæð kennslu-
stofur handmennta og
heimilisfræðslu. En nú fer
öll heimilisfræðsla grunn-
skólanna fram í 30 ára
gömlu eldhúsi upp í Fram-
haldsskóla og tekur auk þess
dýrmætt kennslurými frá
þeim skóla. Bæjartækni-
fræðingur giskar á að það
kosti um 15-20 milljónir að
gera neðri hæð C-álmu klára
• Helga Jónsdóttir.
Yið sjáum engan
veginn fyrir endann
á því hvenær þetta
kennslurými sem er
■ byggingu, og á að
fara að byggja,
kemst í notkun.
fyrir kennslu. Mér sýnist
því brýnt að neðri hæðin
verði tekin í notkun sem
allra fyrst, en ekki síður
vinnuaðstaða kennara. Hún
er vægast sagt slæm, ef frá
eru taldar hinar stóru og
björtu kennslustofur. Bætt
aðstaða kennaranna gæti
e.t.v. hamlað gegn örum
kennaraskiptum í Hamars-
skólanum.
Barnaskóli
Snúum okkur þá að B.V.
Aðstöðumunur nemenda og
kennara þar og í Hamars-
skólanum er óþolandi. Það
er skoðun mín að þrátt fyrir
þrengsli þá kæmu endurbæt-
ur á Barnaskólanum bæði
nemendum og kennurum
strax til góða. Þriggja hæða
bygging á skólalóðinni yrði
Barnskólanum í óhag. Hve-
nær yrði hún fokheld, hve-
nær tekin í notkun og hve-
nær yrðu þá endurbætur
gerðar á skólanum. Áætlað-
ur heildarkostnaður við
endurbætur á B.V., sem
sumar yrðu gerðar jafnhliða
fyrirhugðum viðbyggingum
er um 27 milljónir, en við-
byggingarnar um 55 milljón-
ir. Samtals eru þetta um 82
milljónir. Hluti af endurbót-
um er viðgerð á rafkerfi, en
Rafmagnseftirlitið hefur
gert athugasemdir við alvar-
lega ágalla á því og það þarf
að laga strax.
Hvers vegna ætlar því
meirihluti bæjarstjórnar að
ráðast í að byggja hús sem
mun standa hálfkarað inni á
skólalóð og yrði auk þess
slysagildra. Svarið er PEN-
INGAR. Ríkið er lögbund-
ið til að leggja til fjármagn
til skolabygginga, til helm-
inga við bæjarfélög. Ef
frumvarp um verkaskipt-
ingu ríkis og sveitarfélaga
tekur gildi um næstu ára-
mót, þá losnar ríkið undan
þessari kvöð. En það eru
fordæmi fyrir því að endur-
bætur á eldri skólum hafi
skapað 50 % endurkröfurétt
á ríkið. Endurkröfuréttur
okkar skýrist á næstu 2 mán-
uðum.
Verði sú raunin á, að farið
verði eftir teikningum Páls
Zóphoníassonar og byggt
við Barnaskólann, þá
finnst mér skynsamlegra að
verja einu sumri til að
byggja sökkla og því
næsta til að byggja upp hús
og gera fokhelt áður en
skólastarf hefst að hausti.
Þröng lóð Barnaskólans
skapar svo mikla hættu að
ég tel það ábyrgðarleysi að
byggingarframkvæmdir séu
í fullum gangi á skólatíma.
Ég vil með þessari grein
minni, bæði sem foreldri og
bæjarstjórnarkona, mót-
mæla forgangsröð verkefna
við B.V. og vinnulagi sem
fyrirhugað er við uppbygg-
ingu Barnaskólans.
Helga Jónsdóttir.
Gjöf til Hraunbúða
Þessir ungu menn Andrés Berg Sigmundsson 8 ára, Einar Jóhann Jónsson 7 ára og Einar
Örn Þórsson 8 ára gáfu Hraunbúðum kr. 1120, sem er ágóði hlutaveltu sem þeir héldu.
Eyjamaðurinn Arnar Jónsson, efsti maður
á lista Vöku í kosningunum til studentaráðs:
„Stúdentapóli-
tíkin er óvenju-
lega rætin“
í síðustu viku fóru fram kosningar í Háskólanum til
stúdentaráðs. Tveir listar buðu fram. Annars vegar Röskva,
sem var sameinaður listi tveggja fylkinga á vinstri vængnum,
og hins vegar Vaka, listi lýðræðissinnaðra stúdenta. Vaka
bætti við sig 9% fylgi í kosningunum og einum fulltrúa, og
sú sérkennilega staða er komin upp í stúdentaráði að þar
hafa báðir listar jafn marga fulltrúa, eða 15 hvor.
Efsti maður á Iista Vöku er Eyjamaðurinn Arnar Jónsson.
Hann útskrifaðist frá Framhaldsskólanum I Eyjum 1986.
Hann er nú á 2. ári í stjórnmálafræði í Háskólanum, og að
eigin sögn, óflokksbundinn eins og stendur og þess má
einnig geta að annar stúdent frá F.I.V., Kristrún Arnars-
dóttir er á lista Vöku. FRÉTTIR slógu á þráðinn til Arnars.
Hvemig stóð á því að þú helltir þér úr í stúdentapólitíkina og skipaðir
efsta sæti á lista Vöku?
Þetta æxlaðist smám saman eins og flest annað. Ég var beðinn um að
taka þátt í starfinu. Eftir nokkra umhugsun lét ég til leiðast og þá var ekki
aftur snúið. Ástæðan fyrir því að ég gekk til liðs við Vöku er sú að félagið
hefur breyst nokkuð undanfarin misseri. Fólk er ekki lengur dregið í dilka
eftir stjórnmálaflokkum og Vaka er ekki lengur tengd ákveðinni
hugmyndafræði. Þar úir og grúir saman fólki með mismunandi áherslur í
pólitík, t.d. er þar mikið um félagsmálafólk. Því er samt ekki að neita að
hin hreyfingin, Röskva er meira í ætt við vinstri vænginn. En eins og ég
segi, það eru breyttir tímar í stúdentapólitíkinni, áherslur hafa breyst
mikið.
Tekur stúdentapólitíkin mikinn tíma frá náminu?
Að sumu leyti gerir hún það, samt lét ég óeðlilega mikið undir höfuð
leggjast meðan kosningaslagurinn stóð sem hæst. En maður sleppir bara
einhverjum öðrum óþarfa í staðinn. En á móti kemur að það er að vissu
leyti mjög lærdómsríkt að standa í þessu.
Ert þú framtíðar pólitíkus?
Ég held að það þurfi margt að breytast til að maður leggi pólitíkina af
alvöru fyrir sig.
Það kom mér t.d. á óvart hve stúdentapólitíkin eróvenjulega rætin þótt
það eigi einkum við þá sem eldri eru í hettunni. Annars virðist það í tísku
núna að tala illa um stjórnmálamenn. Fólk talar illa um þá á svipaðan hátt
og því finnst jafn sjálfsagt að tala um veðrið. Eins virðast stjómmálamenn
engar áhyggjur hafa af þessu illa umtali heldur frekar af framkomu og
orðspori í fjölmiðlum.
Kjörsóknin í kosningunum var tæplega 50%. Er áhuginn á stúdenta-
pólitíkinni ekki meiri?
Það voru 4308 stúdentar á kjörskrá en sú tala er mjög villandi. Inn í
henni eru allir nemendur sem skráðu sig í haust og allir nýskráðir
nemendur um síðustu áramót. Það er ekki ólíklegt að 25% þeirra sem eru
á kjörskrá séu í litlu sem engu námi þannig að kjörsóknin í raun hafi verið
um 70-80%.
Hverju þakka Vökumenn sigurinn í kosningunum?
Við bættum við okkur 9% fylgi og þess má einnig geta að við bættum
við okkur 7% í fyrra. Nú er komin upp „patt“ staða í stúdentaráði, báðar
hreyfingarnar hafa 15 fulltrúa og því reynir núna á samstarfsviljann.
Þessi góði árangur okkar í kosningunum í síðustu viku má eflaust þakka
mörgum samverkandi þáttum. í málflutningi okkar lögðum við áherslu á
breyttar áherslur stúdentaráðs. Einnig kom aðildin að útvarpinu Rót
þarna við sögu. Við höguðum málflutningi okkar þannig að við fórum
þrjú og þrjú inn í kennslutíma og komum okkar málefnum þannig á
framfæri. Röskva hinsvegar kom sínum málefnum á framfæri með
fundum í kaffistofum, en ég held að það nái ekki eins vel til fólks. Einnig
voru haldnir sameiginlegir framboðsfundir en áhugi fyrir þeim var mjög
takmarkaður, það er aðeins innsti kjarninn hjá báðum aðilum sem
aðallega mætir á þessa fundi,“ sagði Arnar Jónsson, efsti maður á lista
Vöku í samtali við FRÉTTIR.
KJALLARI - FRÉTTIR - KJAllARI - FRÉTTIR - KJALLARI - FRÉTTIR - KJALLARI - FRÉTTIR -