Selfoss - 26.02.2015, Blaðsíða 6
6 26. FEBrúar 2015
Austurvegur 1-5,
Selfossi - Til leigu
Erum með til leigu í þessu glæsilega verslunar og þjónustuhúsnæði gott verslunarpláss á götuhæð samtals um
1250 fm. Á jarðhæð hússins er einnig til leigu um 2000 fm lagerhúsnæði með innkeyrsluhurð og góðri lofthæð.
Mögulegt er að skipta rýminu niður í minni pláss. Hið leigða er við hlið verslunar Krónunnar í sama húsi. Mikil umferð, auglýsingargildi og
samlegðaráhrif. Gæti hentað undir ýmiskonar verslunarrekstur, veitingarekstur og þess háttar starfsemi. Á jarðhæð hússins ( að norðanverðu) er
einnig til leigu um 2000 fm lagerhúsnæði með innkeyrsluhurð og góðri lofthæð. Mjög hagstætt leiguverð. Gæti hentað einnig undir annarskonar
atvinnustarfsemi. Næg bílstæði við húsið og í bílastæðahúsi á jarðhæð. Plássin eru laus strax til afhendingar.
Allar nánari upplýsingar veitir: Stefán Hrafn Stefánsson hdl, lögg fasteignasali í s: 895-2049 og á netfangið stefan@stakfell.is
Innritun í grunnskóla
Árborgar skólaárið
2015−2016 lýkur á
morgun, 27. febrúar
Hægt er að innrita rafrænt á Mín Árborg. Nánari upplýsingar er hægt að
fá í grunnskólunum og á skrifstofu
fræðslusviðs.
Menntalestin fer af stað 13. mars!
Menntalestin á Suður-landi er eitt af verkefn-um Sóknaráætlunar
Suðurlands. Að þessu sinni er
sjónum beint að framhaldsskólum
á Suðurlandi, en fyrstu lestinni var
beint að grunnskólanemendum
og sköpun í skólastarfi. Markmið
Menntalestarinnar að þessu sinni
er að vekja áhuga á tækni og vísind-
um. Samið var við Háskólalestina
um að setja upp „vísindatorg“ í
öllum fjórum framhaldsskólunum
á Suðurlandi:
Föstudag 13. mars í Framhalds-
skólanum í Austur-Skaftafellssýslu,
föstudag 10. apríl í Framhaldsskól-
anum í Vestmannaeyjum, þriðju-
dag 14. apríl í Menntaskólanum
á Laugarvatni og miðvikudag 15.
apríl í Fjölbrautaskóla Suðurlands.
Vísindatorgið mun standa yfir í
4 klukkustundir á hverjum stað og
verður lögð áhersla á að nemendur
og kennarar geti upplifað viðburði
torgsins með því að sjá, heyra og
taka þátt.
(Af vef SASS)
Minningarorð um Gest frá Skaftholti
„Hér skaltu Ísland barni þínu vagga“ ávarpaði Steingrímur Thorsteinson háfjöllin á nítj-
ándu öldinni, Sigurður í Birtinga-
holti setti seiðandi tóna við þetta
tígulega ljóð á öldinni næstu en
hvorutveggja hljómaði uppi í hvelf-
ingu Skálholtskirkju á köldum en
sólríkum þorradegi 13. febrúar s. l.
Þar kvöddu ættingjar og sveitungar
söngvarann aldna, Gest Jónsson
frá Skaftholti. Söngur kirkjukórs
Gnúpverja og Skeiðamanna ómaði
milt og fagurt yfir þessum gamla
félaga þeirra sem lengi hafði tekið
þátt í leiklist og sönglífi í sveitinni.
Gestur var félagi og einsöngvari í
Árneskórnum hjá Lofti S. Loftssyni
í Breiðanesi og hann stóð á sviðinu í
félagsheimilinu þegar settar voru upp
leiksýningar í skammdegismánuðum.
Loftur söngstjóri samdi fagurt lag og
ljóð sem hann gaf Gesti Jónssyni og
finna má með söng hans á hljómdiski
Árneskórsins.
Organistinn á Stóra-Núpi, Þor-
björg Jóhannsdóttir, og kirkjukórinn
áttu stóran þátt í hátíðlegri stund í
Skálholtskirkju ásamt prestinum sr.
Sigfinni Þorleifssyni sem mælti vel
eftir gamlan sveitunga og nágranna.
Vestur í Dýrafirði fæddist Gestur
Jónsson hinn 7. október 1924 á Saur-
um í Keldudal. Foreldrar hans voru
Jón Samúelsson f. 1869, d. 1931
og Halldóra Gestsdóttir f. 1884, d.
1972. Tvær eldri systur átti Gestur er
upp komust, þær Ingibjörgu Andreu
1918-1993 og Guðmundu Kristjönu
f. 1922, er bjó lengi á Vorsabæjarhól
í Flóa en síðar á Selfossi. Tvö voru
uppeldissystkini þeirra: Svanhildur
Árný Sigurjónsdóttir f. 1927 og Guð-
mundur J. Kristjánsson 1911-2000.
Gestur var ungur maður þegar
hann sneri af heimaslóðunum vestur í
Fjörðum og réðst að Hæli sem kaupa-
maður, fór síðar í Bændaskólann á
Hólum þar sem hann útskrifaðist sem
búfræðingur 1946 en kom þá aftur
til starfa hjá þeim bræðrum Stein-
þóri og Einari Gestssonum á Hæli
og þar fann hann konuna sína, Ruth
Heyden frá Þýskalandi. Hún hafði
ráðist þangað í vinnumennsku og
nokkrum árum síðar eignuðust þau
jörðina Skaftholt uppi í Gnúpverja-
hreppi og við þá jörð hefur Gestur
oftlega verið kenndur síðan.
Ruth Heyden, kona Gests hafði
góða menntun, hún var íþrótta-
kennari, auk þess mikill tónlist-
arunnandi og lék á fleiri en eitt
hljóðfæri. Hún lést 1988 og hafði þá
lengi glímt við heilsuleysi. Þau hjónin
eignuðust fjögur börn: 1. Kristjana
f. 1950 skrifstofumaður, búsett að
Hraunteigi í Gnúpverjahreppi, mað-
ur hennar er Birgir Örn Birgisson
múrarameistari og börn þeirra eru
fjögur. 2. Halldóra Ásdís f. 1951
matráður Litlu-Giljá gift Steingrími
Ingvarssyni bónda og bílstjóra. Þau
eiga fjögur börn. 3. Soffía Rósa f.
1959 sölumaður í Reykjavík, maki
Birgir Þór Borgþórsson bankamað-
ur, þau eiga tvö börn og yngstur er
bróðirinn Gestur Jón f. 1963, iðn-
rekstrarfræðingur í Reykjavík, giftur
Kristínu Grétarsdóttur skrifstofum.
og þau eiga tvö börn. Langafabörn
þeirra Ruthar og Gests eru orðin tíu
talsins.
Jörðina Skaftholt seldi Gestur
eftir að kona hans missti heilsuna,
en hélt eftir hluta, sem hann nefndi
Hraunhóla, hafði þar nokkra hesta og
stundaði vinnu uppi í Búrfelli. Síðar
flutti hann til Selfoss en síðasta tug
ævi sinnar bjó hann á dvalarheimilinu
Sæborg á Skagaströnd, tók þar þátt
í litlu en hlýju samfélagi vistmanna
og starfsmanna. Húnaflóinn, blár og
breiður, söng brimsinfóníur sínar fyr-
ir íbúana í Sæborg og þangað komu
ættingjar og vinir af Suðurlandi eða
að vestan. Halldóra Heyden, dóttir
Gests, hefur einnig búið lengi nyrðra
og tekið góðan þátt í sönglífi Norð-
lendinga.
Þegar Ingveldur Hjaltesteð söng-
kennari starfaði að söngkennslu á
Flúðum og Selfossi á árunum upp
úr1990 lét Gestur sig ekki vanta þar
í hóp. Hann flutti um þær mundir til
Selfoss, varð félagi í Hörpukórnum
hjá Sigurveigu Hjaltesteð og höfund-
ur þessara minningarorða átti margar
góða stundir með honum eins og á
árunum upp á Flúðum þar sem fleiri
söngnemendur komu við sögu. Eft-
irminnilegast var að leika undir hjá
Gesti í lögum Björgvins Þ. Valdi-
marssonar: s. s. Höfðingi smiðjunnar
og Kvæðið til konunnar minnar. Þau
lög koma upp í hugann frá þessum
árum og Gestur hafði dálæti á þeim.
En það urðu svo forlög þessa Vest-
firðings sem Suðurland hafði tekið
í hlýjan faðminn að hlusta á brim-
ölduna við Skagaströnd þegar að
ævilokum dró.
En útför Gests fór fram í Skálholti
og eftir athöfnina ók líkfylgdin niður
hjá Iðu, suður víðáttur Skeiðasveitar,
upp á Sandlækjarholt og allar götur
austur í Stóra-Núpskirkjugarð þar
sem Gestur var jarðsettur hjá eig-
inkonu sinni, Ruth Heyden. Erfi
söngvarans var síðan drukkið í Árnesi,
gestirnir komu allkaldir úr norðan-
áttinni í kirkjugarðinum, fylltu hlýja
og rúmgóða sali samkomuhússins
með skrafi og fögnuði yfir því að hitta
löngu týndan nágranna eða frænku.
Í þessum sama sal sá ég Gest
fyrst, var þá undirleikari hjá Árnes-
ingakórnum í Reykjavík og búinn
að heyra um þennan kórmann í
Árneskórnum, hann Gest í Skaft-
holti og leitaði hann uppi. Þó hann
væri í miðri sögu með söngbræður
sína í kringum sig þá tók hann vel
aðkomumanni úr fjarlægu héraði,
bauð honum sess við hlið sér en
sögur og söngur hófst á ný. Gestur
bjó yfir leitandi anda, hann hafði
fengist við söng og leiklist, honum
var lagið að töfra fram snjallt ávarp
með skömmum fyrirvara, hann setti
saman stökur, sagði vel frá og gleðin
var rík í viðmóti hans, frændrækni
og hjartahlýja.
Svo heyrir maður fyrir sér röddina
Gests, eilítið hása, þennan þrótt-
mikla baritón syngja ljóðið Davíðs
frá Fagraskógi:
Höndin, sem hamrinum lyftir,
er hafin af innri þörf,
af líknsamri lund, sem þráir
að létta annarra störf.
Sá fagri framtíðardraumur
er falinn í verkum hans,
að óbornir njóti orku
hins ókunna verkamanns.
Ingi Heiðmar Jónsson
10. apríl verður menntalestin í Fram-
haldsskólanum í Vestmanneyjum.
Mynd: ÞHH Mynd: ÞHH