Ægir - 01.01.2009, Page 13
13
F R É T T I RF I S K S A L A
verslunartorginu mikla, sem
er á jarðhæð Tollstöðvarinnar
í Reykjavík, fæst margt annað
fyrir sáralítinn pening.
„Ég hef skynjað viðhorfs-
breytingu að undanförnu. Í
dag leggur fólk mun minna
en áður upp úr umbúðunum
sem svo eru nefndar. Fyrir
nokkrum misserum voru sett-
ar á laggirnar hér á höfuð-
borgarsvæðinu fiskbúðir þar
sem mikið var lagt upp úr
þægindum og ímynd. Mér
skilst að nú hafi þeim flestum
verið lokað eða þær seldar.
Það segir mér, að þegar allt
kemur til alls kýs fólk einfald-
leika og ódýra vöru,“ segir
Árni Elvar.
Nú er nóg af fiski
Um þessar mundir gengur
ágætlega að útvega fisk til
sölu, en seinni partinn sl.
sumar og fram eftir hausti
kallaði slíkt á talsverða bar-
áttu.
„Snemma síðasta haust var
gengi íslensku krónunnar
gagnvart erlendum gjaldmiðl-
um í hæstu hæðum og því
voru fiskverkendur að fá
mjög hátt verð fyrir sínar af-
urðir. Þeir keyptu því allan
fisk á mörkuðum sem þeir
mögulega náðu til og gilti þá
nánast einu hvert verðið var.
Við fundum mjög fyrir þessu
og á tímabili var ýsan meira
að segja orðin dýrari en
þorskurinn sem gerist afar
sjaldan. Í dag er hins vegar
nægan fisk að hafa hér innan-
lands. Sölutregða hefur veru-
lega hægt á öllum útflutningi
sem helgast af markaðsað-
stæðum og slæmu efnahags-
ástandi erlendis. Hér helst allt
í hendur. Ég efa því að aukið
aflamark í þorski muni bæta
efnahagsástandið jafn mikið
og margir ætla.“
Innilega stoltur
Mörg skemmtileg orð og
orðatiltæki í íslenskri málhefð
eiga rætur sínar að rekja til
sjómennsku og útgerðar.
Þannig var sagt að menn ættu
sér lagsmenn þegar tvímennt
var í koju, eins og alsiða var
til sjós áður fyrr. „Hjálmar afi
minn kallaði mig gjarnan
lagsmann og sagði „jæja lags-
maður“. Mér fannst vænt um
þetta orðatiltæki og ákvað því
að láta fyrirtækið mitt heita
„Lagsmaður“,“ segir Árni Elvar
sem kveðst una hag sínum
afar vel í fisksölu.
„Við krakkarnir sem vorum
saman í bekk í Verslunarskól-
anum höfum stundum hist á
undanförnum árum. Á stund-
um hef ég fyllst ákveðinni
vanmetakennd gagnvart
gömlum bekkjarsystkinum
sem hafa verið í hálaunastörf-
um í bankakerfinu. Í þeim
samanburði hefur ekki hljóm-
að neitt spennandi að vera
fisksali í Kolaportinu. Eftir
bankahrunið mikla horfir
þetta hins vegar allt öðruvísi
við. Ég er svo innilega stoltur
af starfinu mínu sem mér
finnst skemmtilegt. Finnst ég
raunar ekki geta beðið um
meira, því fyrirtækið gengur
vel og mér finnast algjör for-
réttindi að vera minn eigin
herra í skemmtilegu starfi.“
Viðtal og myndir: Sigurður Bogi Sævarsson.
„Á stundum hef ég fyllst ákveðinni
vanmetakennd gagnvart gömlum
bekkjarsystkinum sem hafa verið
í hálaunastörfum í bankakerfinu.“
Í Kolaportinu. Árni Elvar og hans fólk selja kynstrin öll af fiski um helgar, sem aflað er hjá fiskverkendum vítt og breitt um landið.