Austurland - 09.01.2014, Blaðsíða 2

2 9. janúar 2014
Þegar ég tók til heima hjá mér fyrir jólin var ég svo óheppin að rekast á blað þar sem ég hafði skrifað niður áramótaheit mín þann fyrsta janúar árið 2006, það er fyrir átta árum síðan. Áramótaheitin höfðu
öll snúið að grenningu og þyngdartapi og það er skemmst frá því að segja
að ég hafði ekki náð einu einasta þeirra. Sannleikurinn er því miður sá að
nú átta árum síðar hefur frekar hallað enn á ógæfuhliðina heldur en hitt.
Eina áramótaheitið sem ég gæti ef til vill staðið við væri að hætta að reykja
en það er aðeins vegna þess að ég hef aldrei reykt. Ætli maður þyrfti ekki
að byrja að reykja til að geta hætt að reykja og þá er ég í vondum málum
því þar sem ég þekki mig myndi ég líklega enda sem stórreykingaröreigi
þar sem það er orðið svo dýrt að reykja og ég gæti ekki hætt að reykja. Í
þessu blaði mun ég líta á nokkur algeng áramótaheit og spá í því hvernig
hægt er að standa við þau og láta þau ganga upp.
Í lok síðasta árs og byrjun þessa hafa störf björgunarsveita verið áberandi
og ákvað ég því að hafa samband við nokkrar björgunarsveitir á Austurlandi
til að fræðast um störf þeirra. Eftir að hafa rætt við formenn nokkurra
björgunarsveita fylltist ég lotningu yfir því óeigingjarna starfi sem þar á sér
stað en jafnframt sorg yfir því að störf björgunarsveitarmanna skuli ekki
alltaf vera metin að verðleikum. Er sjálfsagt að sömu aðilum sé bjargað
oft á dag af mismunandi björgunarsveitum án þess að borga krónu fyrir?
Mér finnst það ekki. Þarna er greinilega einhver brotalöm sem þarf að laga
og geta svona ónauðsynlegar ferðir farið illa með fjárhag björgunarsveita
bæði stórra og smárra.
Ég hef góða tilfinningu fyrir þessu nýbyrjaða ári. Í næstu tölublöðum
hef hugsað mér að líta aðeins á heilbrigðiskerfið á Austurlandi,
framkvæmdir á Austurlandi og ferðafélög á Austurlandi. Auk þess eru
sveitarstjórnarkosningar í vor og verður vonandi gaman að fylgjast með
þeim. Að vísu verður að viðurkennast að ég er algjör rati í pólitík og
hringsnýst eins og skopparakringla eftir því við hvern ég tala. En þá er
kannski kominn tími til að kynna sér málin ofan í kjölinn og taka svo
upplýsta ákvörðun um hvern ég vel til að stýra samfélaginu þar sem ég bý.
Þetta gæti kannski verið áramótaheitið mitt fyrst hin ganga ekki?
Halldóra Tómasdóttir
ritstjóri
Leiðari
Áramótaheit
AUSTURlAnd 1. TBl. 3. ÁRGAnGUR 2014
Útgefandi: fótspor ehf. Ábyrgðarmaður: Ámundi Ámundason, sími: 824 2466, netfang: amundi@fotspor.is. auglýsingastjóri: Ámundi
Ámundason, Suðurlandsbraut 54, 108 Reykjavík. auglýsingasími: 578 1190, netfang: auglysingar@fotspor.is. Ritstjóri: Halldóra
tómasdóttir, sími 471-3119 & 852-1911, netfang: ht@me.is Prentun: Ísafoldarprentsmiðja, 4.400 eintök. dreifing: Íslandspóst-
ur. - Blaðið er aðgengilegt á Pdf sniði á vefnum www.fotspor.is.
Fríblaðinu er dreiFt í 4.400 eintökum Á öll Heimili Á auSturlandi OG HOrnaFirði auk dreiFbÝliS.
blaðið liGGur einniG Frammi Á HelStu þét tbÝliSStöðum Á auSturlandi.
opið mán-fös: kl.8-18
lau: kl.11-14
Glíman um aðalsteinsbikarinn Fjórðungsglíma Austurlands, keppnin um Aðal-
steinsbikarinn, fór fram í Íþróttahúsinu á Reyðarfirði 27. desember síðastliðinn. Tuttugu og
tveir keppendur kepptu í tveimur flokkum karla og þremur flokkum kvenna. Mótið gekk vel
fyrir sig og sjá mátti margar fjörugar glímur um hin veglegu verðlaun, Aðalsteinsbikarinn,
sem gefinn er í minningu Aðalsteins Eiríkssonar glímukappa á Reyðarfirði. Eftir margar
skemmtilegar glímur stóðu eftirtaldir uppi sem sigurvegarar og hömpuðu því Aðalsteins-
bikarnum árið 2013: Stelpur 10-12 ára – Nikólína Bóel Ólafsdóttir Strákar 10- 12 ára
– Leifur Páll Guðmundsson Meyjar 13-15 ára – Bylgja Rún Ólafsdóttir Piltar 13- 15 ára
– Haraldur Eggert Ómarsson Konur - Eva Dögg Jóhannsdóttir Karlar – Ásmundur Hálfdán
Ásmundsson
Þrettándagleði Hattar og
Fljótsdalshéraðs
Árleg þrettándagleði Hattar og
Fljótsdalshéraðs fór fram á þrett-
ándanum, þann 6. janúar síðast-
liðinn. Haldið var í kyndlagöngu frá
íþróttamiðstöðinni á Egilsstöðum
og gengið sem leið lá inn í Tjarnar-
garðinn þar sem brenna var tendruð.
Björgunarsveitin sá um sölu á kyndl-
um á staðnum.
Í Tjarnargarðinum var verð-
launaafhending íþróttamanna ársins
kynnt en það var Björn Ingimarsson,
bæjarstjóri Fljótsdalshéraðs ásamt
formanni Hattar, Davíð Þór Sig-
urðarsyni sem sáu um afhendinguna.
Eftir afhendinguna sá Björgunar-
sveitin á Héraði um glæsilega flug-
eldasýningu.
Áætlað er að um 250 manns
hafi komið saman í smá rigningu
og sudda. Davíð Þór Sigurðarson,
formaður Hattar setti athöfnina
með ræðu um starf Hattar 2013. Í
ræðunni kom meðal annars fram að
deildum innan Hattar hefði fjölgað
um eina á árinu þegar handbolta-
deildin var endurvakin.
Starfsmerki Hattar voru veitt í
annað sinn en þau hljóta einstak-
lingar sem hafa unnið óeigingjarnt
starf í þágu félagsins til lengri tíma.
Sigurjón Bjarnason hlaut starfs-
merki Hattar fyrir vinnu sína í þágu
félagsins á stofnárum þess og Helga
Alfreðsdóttir fyrir vinnu sína í þágu
frjálsíþrótta en bæði hafa þau unnið
að málefnum Hattar í áratugi á ár-
unum 1970 til 1990.
Íþróttamaður Hattar árið 2013
var körfuboltamaðurinn, Eysteinn
Bjarni Ævarsson.
Eysteinn hefur leikið mjög vel
með meistaraflokksliði Hattar á ár-
inu. Hann bætti framlag sitt mikið
undir lok síðasta tímabils eða í byrj-
un árs 2013. Eysteinn var svo í vor
valinn í 12 manna hóp U-18 lands-
liðsins sem lék á Norðurlandamóti
í Solna í Svíþjóð í maí. Eysteinn lék
vel á mótinu og var í byrjunarliði
í þremur af fimm leikjum liðsins.
Liðið vann 4 af 5 leikjum sínum á
mótinu og fengu silfur. Eysteinn hef-
ur einnig leikið með U-15 og U-16
landsliðum Íslands.
Eysteinn hefur leikið mjög vel
í meistaraflokksliði Hattar í haust
og nú þegar deildarkeppnin er um
það bil hálfnuð þá hefur hann skor-
að 13 stig að meðaltali í leik, tekið
rúm 4 fráköst auk þess að gefa 3
stoðsendingar að meðaltali.
Í öðrum greinum voru eftirtaldir
einstakilngar fyrir valinu þetta árið.
» Blakmaður : Elínborg
Valsdóttir
» Fimleikamaður: Rebekka
Karlsdóttir
» Frjálsíþróttamaður : Hrefna
Ösp Heimisdóttir
» Knattspyrnumaður : Högni
Helgason
» Körfuboltamaður : Eysteinn
Bjarni Ævarsson
» Handboltamaður : Maron
Brynjar Árnason
» Taekwondomaður : Þuríður
Nótt Björgvinsdóttir
Íþróttafélagið Höttur vill þakka
eftirtöldum styrktaraðilum fyrir
stuðninginn vegna framkvæmdar
þrettándagleði 2013, Brúnas – Inn-
réttingar , Mannvit, Hitaveita Egils-
staða og Fella, Landsbankinn.
íþróttamenn Hattar ásamt Birni Ingimarssyni og Davíð Þór Sigurðarsyni
kyndlaGanGan á leið í Tjarnargarðinn
björn inGimarsson bæjarstjóri ásamt Sigríði Láru Sigurjónsdóttur (dóttur Sigur-
jóns Bjarnasonar) og Helgu Rut Alfreðsdóttur