Hagskýrslur um utanríkisverslun - 1963, Side 9

Verzlunarskýrslur 1961
7
er þó öðruvísi háttað. Skýrslu um slíkan innflutning fær Hagstofan yfirleitt ekki
frá tollyfirvöldimum, heldur beint frá hlutaðeigandi innflytjendum. Upplýsa þeir,
hver sé byggingarkostnaður eða kaupverð hvers skips eða flugvélar. Þar við Ieggst
áætlaður heimflutningskostnaður og kemur þá fram verðmætið, sem reiknað er
með í verzlunarskýrslum. Skipainnflutningurinn hefur frá og með árinu 1949 verið
tekinn á skýrslu hálfsárslega, þ. e. a. s. með innflutningi júnímánaðar og desember-
mánaðar, og sömu reglu hefur verið fylgt um flugvélainnflutninginn. Þó var skipa-
innflutningurinn í janúar og febrúar 1960 talinn með innflutningi febrúarmánaðar,
þar sem rétt þótti að reikna hann á því gengi, sem gilti fyrir 22. febrúar 1960, enda
voru allar tölur verzlunarskýrslna frá 1. marz 1960 miðaðar við það gengi, sem
kom til framkvæmda 22. febr. — í kaflanum um innfluttar vörur síðar í inngang-
inum er gerð nánari grein fyrir skipainnflutningnum á árinu 1961. — TJtflutt skip
hafa að jafnaði verið tekin á skýrslu hálfsárslega. í kaflanum um útfluttar vörur
síðar í innganginum er gerð grein fyrir sölu skipa úr landi 1961.
Útflutningurinn er í verzlunarskýrslum talinn á söluverði afurða með
umbúðum, fluttra um borð í skip (fob) á þeirri höfn, er þær fyrst fara frá. Er hér
yfirleitt miðað við verðið samkvæmt sölureikningi útflytjanda. Sé um að ræða
greiðslu umboðslauna til erlends aðila og það heimilað í útflutningsleyfinu, er upp-
hæð þeirra dregin frá, til þess að hreint fob-verð komi fram. — Fob-verð vöru,
sem seld er úr landi með cif-skilmálum, er fundið með því að draga frá cif-verð-
mætinu flutningskostnað og tryggingu, ásamt umboðslaunum, ef nokkur eru. —
Nettóverðið til útflytjandans er fob-verðið samkvæmt verzlunarskýrslum að frá-
dregnum gjöldum á útflutningi. Útflutningsgjald á sjávarafurðum var, sam-
kvæmt 10. gr. laga nr. 33/1958, um útflutningssjóð o. fl., innheimt með 65% álagi
frá 1. júní 1958. Við gengisbreytinguna í febrúar 1960 hækkaði gjaldstofn gjaldsins
um 133% og Var því álagið fellt niður að því er snertir sjávarvörur framleiddar
eftir 15. febrúar 1960, sbr. e-lið bráðabirgðaákvæða í efnahagsmálalögunum, nr.
4/1960. Með ákvæðum 18. gr. sömu laga var gerð breyting á skiptingu tekna af út-
flutningsgjaldinu milli hlutaðeigandi aðila. — Gjald til hlutatryggingasjóðs, sem
tekið er af öllum útfluttum sjávarafurðum, nema þeim, sem koma frá togurum,
hvalveiðum og selveiðum, hefur numið 3/4% af fob-verði síldarafurða og 1/2% af
öðrum gjaldskyldum sjávarafurðum. Hélzt það óbreytt að hundraðshluta, en
gjaldstofninn hækkaði um 133% við gengisbreytinguna. Sama gilti um 2% gjald
af saltsíld til Síldarútvegsnefndar. Af saltsíld var auk þess reiknað matsgjald, 50
au. á tunnu, ef síldin var metin. — Með lögum nr. 42 9. júní 1960 var ákveðið sér-
stakt gjald til ferskfiskmats, er skyldi nema 0,15% af fob-verði allra sjávarafurða.
— í 8. gr. efnahagsmálalaga, nr. 4/1960, voru ákvæði um 5% skatt á fob-verði
allra útfluttra vara, er framleiddar væru eftir 15. febrúar 1960, og skyldi and-
virði skattsins ganga til greiðslu á halla útflutningssjóðs. Með lögum nr. 53 14.
júní 1960 var útflutningsskatturinn lækkaður í 21/2<//o af fob-verði útfluttra vara,
og síðan var hann felldur niður frá ársbyrjun 1961, sbr. lög nr. 84 20. des. 1960,
um breytingu á lögum um efnahagsmál. — Útflutningsleyfisgjald, l°/00 af fob-verði
allra útfluttra vara, féll niður 1. júní 1960, þá er reglugerð nr. 79/1960, um skipan
gjaldeyris- og innflutningsmála o. fl., gekk í gildi.
Við ákvörðun á útflutningsverðmæti ísfisks í verzlunarskýrslum gilda
sérstakar reglur, sem gerð er grein fyrir í kaflanum um útfluttar vörur síðar í inn-
gangi þessum.
AUmikið er um það, að útflutningsverðmæti sé áætlað í skýrslunum,
þ. e. að reiknað sé með því verðmæti, sem tilgreint er í útflutningsleyfi útflutnings-