Hagskýrslur um utanríkisverslun - 1979, Síða 19

Verslunarskýrslur 1978
17*
flugvélar frá Bandaríkjunum að verðmæti 46 598 þús. kr. Með innflutningi des-
embermánaðar er talin 1 flugvél frá Danmörku að verðmæti 40 323 þús. kr., 3
flugvélar frá Svíþjóð að verðmæti 45 876 þús. kr., 1 sviffluga frá Vestur-Þýska-
landi að verðmæti 2 090 þús. kr. og 2 flugvélar frá Bandaríkjunum að verðmæti
42 809 þús. kr.
í 3. yfirliti er sýnd árleg neysla nokkurra vara á hverju 5 ára skeiði, síðan um
1880 og á hverju ári síðustu árin, bæði í heild og á hvern einstakling. Að því er
snertir kaffi, sykur og tóbak er miðað við innflutt magn og talið, að það jafngildi
neyslunni. Sama er að segja um öl framan af þessu tímabili, en eftir að komið var á
fót reglulegri ölframleiðslu í landinu hefur hér verið miðað við innlent fram-
leiðslumagn. Síðan árið 1972 hefur innflutningur á öli (í tollskrárnr. 22.03) verið
talsverður og farið vaxandi (547 tonn 1978), og er það innflutta magn talið með í
tölum um ölneysluna síðan 1972. Ö1 innflutt af áhöfnum skipa og flugvéla kemur
ekki fram í innflutningstölum.—Vert er að hafa það í huga, að innflutt vörumagn
segir ekki rétt til um neyslumagn, nema birgðir séu hinar sömu og við byrjun og
lok viðkomandi árs, en þar getur munað miklu.
Tölumar, er sýna áfengisneysluna, þarfnast sérstakra skýringa. Árin
1881—1935 er miðað við innflutt áfengismagn og talið, að það jafngildi neysl-
unni. Þá er og allur innfluttur vínandi talinn áfengisneysla, þó að hluti hans hafi
farið til annarra nota. Upplýsingar eru ekki fyrir hendi um, hve stór sá hluti hefur
verið, en hins vegar má gera ráð fyrir, að meginhluti vínandans hafi á þessu
tímabili farið til drykkjar. — Frá árinu 1935 er miðað við sölu Áfengisverslunar
ríkisins á sterkum drykkjum og léttum vínum og hún talin jafngilda neyslunni, en
vínandainnflutningurinn er ekki meðtalinn, enda er sá hluti hans, sem farið hefir
til framleiðslu sterkra drykkja hjá Áfengisversluninni, talinn í sölu hennar á
brenndum drykkjum. Þó að eitthvað af vínandainnflutningi hennar kunni að hafa
farið til neyslu þar fram yfir, er ekki reiknað með því í töflunni, þar sem ógerlegt er
að áætla, hversu mikið það magn muni vera. Hins vegar má gera ráð fyrir, að það
sé mjög lítið hlutfallslega. — Innflutningur vínanda síðan 1935 er sýndur í
töflunni, en hafður í sviga, þar sem hann er ekki með í neyslunni. — Það skal tekið
fram, að áfengi (þar með áfengt öl), sem áhafnir skipa og flugvéla og farþegar frá
útlöndum taka með sér inn í landið, er ekki talið í þeim tölum, sem hér eru birtar,
en þar mun vera um að ræða mikið magn. Þetta ásamt öðru, sem hér kemur til
greina, gerir það að verkum, að tölur 3. yfirlits um áfengisneysluna eru ótraustar,
einkum seinni árin. — Mannfjöldatalan, sem notuð er til þess að finna neysluna á
mann hvert ár, er meðaltal fólksfjölda í ársbyrjun og árslok. Fólkstala fyrir 1978,
sem við er miðað, er 223 500.
Hluti kaffibætis af kaffineyslunni samkvæmt yfirlitinu var sem hér segir síðustu
árin (100 kg): 1975: 126, 1976: 110, 1977: 90, 1978: 103.
4. yfirlit sýnir verðmœti innfluttrar vöru eftir mánuðum og vörudeildum. Fyrr í
þessum kafla er gerð grein fyrir skiptingu innflutnings skipa og flugvéla á júní og
desember, en hann er eins og áður segir aðeins tekinn á skýrslu tvisvar á ári.
í 5. yfirliti er sýnd sérstök skipting innflutnings 1978 eftir notkun vara og
landaflokkum. Breytt skipan vöruflokkunar og landssvæðaskiptingar, sem tekin
var upp frá og með Verslunarskýrslum 1970, stóð óröskuð til ársloka 1976, en frá
og með 1977 urðu nokkrar tilfærslur milli vöruflokka og smábreytingar á flokka-
skipan, sjá neðanmálsgrein við 5. yfirlit. Fyrirvarar þeir, sem gerðir voru á bls.
17*—18* í inngangi Verslunarskýrslna 1969, eiga enn við, og vísast til þeirra.
2