Hagskýrslur um landbúnað - 01.01.1924, Qupperneq 15

Búnaðarskýrslur 1922
11
í öllum landshlutum nema Austurlandi hefur töðufengurinn orðið
meiri árið 1922 heldur en meðaltal áranna 1917—21. Aftur á móti hefur
útheyskapurinn í öllum landshlutum orðið miklu minni.
Uppskera af jarðeplum varð með minna móti þetta ár, 22 þús.
tunnur. Er það að vísu töluvert meira en uppskeran árið á undan, sem
var að eins 16 þús. tunnur, en töluvert minna en meðaluppskera 5 næstu
áranna á undan (1917—21), sem talin var 26 þús. tunnur. — Sama máli
er að gegna um uppskeru af rófum og næpum. Hún var 9V2 þús.
tunnur árið 1922, en 11 þús. tunnur að meðaltali árin 1917—21. Arið
1921 var hún þó að eins 6 V2 þús. tunnur.
Mótekja hefur verið 377 þús. hestar haustið 1922. Er það miklu
minna heldur en árið á undan, er hún var 428 þús. hestar, og heldur
en meðaltal 5 áranna á undan, sem var 467 þús. hestar. — Hrísrif
hefur verið 20 þús. hestar árið 1922. Er það töluvert minna en meðaltal
áranna 1917—20 sem var 23 þús. hestar. Árið 1921 var það þó ekki'
nema 19 þús. hestar.
IV. Jarðabætur.
Améliorations iniroduites aux fermes.
Jarðabótaskýrslurnar eru teknar eftir skýrslum búnaðarfjelaganna,
sem þau senda stjórnarráðinu, en það miðar úthlutunina á styrk þeim til
búnaðarfjelaganna, sem veittur er í fjárlögunum, við jarðabætur þær, sem
unnar hafa verið í hverju búnaðarfjelagi næsta almanaksár á undan út-
hlutuninni. í þeim hreppum, sem búnaðarfjelög eru í, mun mega gera
ráð fyrir, að langmestur hlutinn af þeim jarðabótum, sem unnar eru, sjeu
gerðar innan búnaðarfjelagsins. En í sumum hreppum er ekkert bún-
aðarfjelag og eins er svo að sjá sem búnaðarfjelög í sumum hreppum
sendi eigi æfinlega skýrslu. En lítið mun kveða að jarðabótum í þeim
hreppum, þar sem ekkert búnaðarfjelag er til. Og þar sem búnaðarfjelag
er til, en ber sig ekki eftir jarðabótastyrknum með því að senda skýrslu,
mun líka óhætt að gera ráð fyrir, að mjög litlar jarðabætur muni vera
gerðar, eg ef þær eru nokkrar, munu þær sennilega teknar til greina,
þegar fjelagið sendir næst skýrslu.
Vfirlitsskýrslan eftir sýslum um jarðabætur búnaðarfjelaganna (tafla
VI, bls. 19—23) hefur verið gerð jafn nákvæm og sundurliðuð eins og
skýrslurnar frá búnaðarfjelögunum eru, en skýrslurnar um jarðabætur ein-
stakra fjelaga (tafla VII, bls. 24—33) hafa verið dregnar nokkuð saman,
svo að þær eru ekki eins mikið sundurliðaðar.
Síðustu árin hefur tala búnaðarfjelaga, sem styrk hafa fengið,