Feykir - 18.09.1991, Síða 4
4 FEYKIR 32/ 199 1
Hópurinn fyrir utan gamla bæinn á Grenjaðarstað. Myndir: Áróra og Árni Kristinsson.
KS býður lífeyrisþegum í ferðalag
Glatt á hjalla við Goðafoss: Siggi Magg, Kiddi Sölva og Erla Einars.
Fræðslunefnd Kaupfélags Skag-
firðinga bauð samvinnulífeyris-
þegum í Skagafirði til
dagsferðar um Þingeyjarsýslu
föstudaginn 30. ágúst sl.
Leiðsögumaður var Álfur
Ketilsson, fróður mjög og
skemmtilegur, og bílstjóri var
okkar ágæti Rúnar Gíslason.
I glampandi sól var ekið
austur og litið við hjá
Goðafossi á leið til Mývatns,
en þar um sveit fylgdi okkur
Böðvar Jónsson bóndi á
Gautlöndum, sem miðlaði
okkur fróðleik um sveit sína.
Farið var að Dimmuborgum
og upp í Námaskarð, þaðan
sem er mjög fagurt að líta, og
síðan að Hótel Reynihlíð þar
sem snæddur var góður
hádegisverður.
Þá lá leiðin til Húsavíkur,
þar sem skoðað var Safna-
húsið að Stóragarði með
frábærri leiðsögn Finns
Kristjánssonar. Gengið var
lítillega um stórkostlegan
lystigarð þeirra Húsvíkinga
og síðan þegið kaffiboð
Kaupfélags Þingeyinga í
Hótel Húsavík. Þar tóku á
móti okkur Þormóður Jóns-
son og frú hans ásamt
kaupfélagsstjóra, Hreiðari
Karlssyni.
Á heimleið var ekið um
virkjunarsvæði Laxár og til
Grenjaðarstaðar þar sem
gamli bærinn og kirkjan voru
skoðuð. Mikið var sungið og
hlegið á heimleið og virtist
fólkið skemmta sér vel. Góður
rómur var gerður að ferðinni
og þótti hún takast með
ágætum. Þátttakendur báðu
fyrir góðar þakkir til KS fyrir
góðan dag.
Áróra H. Sigursteinsdóttir.
Könnun á dagvistarþorf:
Stór hluti mæðra vinna
meira en
Meðal þess er fram kom í
könnun á dagvistarþörf barna
á Sauðárkróki var að 40%
mæðra barna er könnunin náði
til, vinna meira en hálfa vinnu
og 32% eru í hálfs dags
störfum. Niðurstöður könn-
unarinnar sem félagsmálaráð
gekkst fyrir í vor, voru
kynntar á bæjarstjórnarfundi í
síðustu viku. Hún náði til 0-6
ára barna í bænum. Þátttaka í
könnuninni var góð, af 203
bréfum sem send voru út var
162 svarað, eða tæplega 80%.
Meðal niðurstaðna úr
könnuninni má nefna, að af
75,5% foreldra sem áttu börn
á leikskóla sögðu 42,3% að
vistunartíminn hentaði, 40,7%
svöruðu ekki spurningunni.
Varðandi sumarlokun leik-
skólanna, sögðu 30,9% að
hún skipti engu máli, 26%
sögðu að hún raskaði miklu
og sami fjöldi lét ósvarað
spumingunni. Skóladagheimili
vildu 87,2% foreldra, og
58,6% töldu að það ætti að
vera opið í 4- 5 stundir á móti
skólavist barnsins.
Nokkrar umræður urðu
um dagvistarmálin á bæjar-
stjómaifundinum. Anna Kristín
Gunnarsdóttir sagði þessa
miklu atvinnuþátttöku mæðra
hálft starf
sýna að full þörf væri fyrir
dagheimili í bænum. Einnig
að kennsla í yngstu bekkjun-
um yrði bæði fyrit' og eftir
hádegi, til að komið yrði til
móts við mæður í hálfu starfi.
Björn Björnsson bæjar-
fulltrúi og skólastjóri sagðist
hafa sent foreldrum yngstu
barnanna bréf áður en skóla
lauk á síðasta vori, þar sem
þeir gátu sett fram sínar óskir
varðandi tilhögun kennslu-
tíma á nýbyrjuðu skólaári.
Tekið hefði verið tillit til
þeirra fáu svara sem
bárust við gerð stundaskrár
nú í haust. Það hefði
hinsvegar verið ákaflega
sorglegt þegar beiðni um
skóladagheimili hefði borist
nokkrum dögum fyrirskóla-
setningu.
Fjöldi foreldra 6 ára barna
skrifaði sig á lista fyrir
skömmu, þar sem óskað var
eftir skóladagheimili. Þrátt
fyrir þá mörgu sem voru
fylgjandi skóladagheimili
samkvæmt könnuninni reyndust
einungis sex foreldrar geta
hugsað sér að hafa barn sitt á
dagheimili fyrir hádegi ef
skólinn væri eftir hádegið.
Brekkusel skáli
Eilífsbúa vígður
Sl. laugardag var opið hús
fyrir foreldra skáta og aðra
velunnara hreyfingarinnar í
Brekkuseli, skála skátafélags-
ins Eilífsbúa í landi Brekku í
Seyluhreppi. Skálinn var
vígður 23. ágúst sl. þegar
forseti Islands frú Vigdís
heimsótti Skagafjörð. Ágæt-
lega gestkvæmt var í Brekku-
seli á laugardaginn og þáðu
gestir kaffi og bakkelsi.
Lengi hefur verið draumur
skáta á Sauðárkróki að
eignast sinn eigin skála til
útilegu og annars skátastarfs.
Árið 1984 var byrjað að safna
i skálasjóð og gekk það svo
vel að 1989 fóru skátarnirað
svipast um eftir landi. Þá var
það sem Oskar Magnússon
bóndi í Brekku, einn af
stofnendum skátafélagsins,
bauð land til afnota. 13. mars
1990 var undirritaður bygg-
ingasamningur við Hlyn.
Eftir það fóru hjólin að
snúast af meiri hraða en
áður.
í júlí var lagður vegur frá
Fjallsvegi að skálastæðinu.
23. ágúst var skálinn fluttur
nánast fullsmíðaður fiá Sauðár-
króki og komið fyrir. Síðan
var hafist handa við fram-
kvæmdir bæði úti og inni og
var þeim lokið að mestu fyrir
vígslu 23. ágúst sl.
Skátafélagið hefur að
miklu leyti staðið sjálft undir
kostnaðinum við bygginguna.
Úr skálasjóði hefur komið
2,7 millj., frá Sauðárkróksbæ
700 þús., héaðsnefnd Skaga-
fjarðar 140 þús., og frá
fyrirtækjum og einstakling-
um 190 þúsund.
STAÐA KONUNNAR í
FORTÍÐ, NÚTÍÐ OG
FRAMTÍD!
Hvaö eru konur að gera hvaö
vilja konur gera?
Hvaö hefur áunnist og hvaö
ber framtíðin I skauti sér?
Jóna Valgerður Kristjánsdóttir
og Anna Ólafsdöttir Björnsson
leiða umræöu um
kvenfrelsisbaráttuna I Gránu
n.k. fimmtudagskvöld kl. 20.30
Allt áhugafólk um jafnréttismál
velkomið
Kvennalisti Norðurlandi vestra.