Feykir - 06.11.1996, Blaðsíða 3
37/1996 FEYKIR3
Matmenningar-
námskeið fyrir
ferðaþjónustufólk
Námsbraut fyrír ferðaþjónustufólk hóf göngu
sína við Bændaskólann á Hólum í haust
Um og fyrir helgina var haldið
við Bændaskólann á Hólum,
námskeið fyrir fólk í ferða-
þjónustu um íslenska matar-
gerð. í haust hófst nám á sér-
stakri námsbraut við Hóla-
skóla, ferðaþjónustubraut, og
stunda sex nemendur nám á
þeirri braut við skólann í vet-
ur. í tengslum við þetta nám
þótti vel til fundið að bjóða
ferðaþjónustufólki hvaðanæva
af landinu að taka þátt í nám-
skeiði sem þessu, en það var
undirbúið í samvinnu Ferða-
þjónustu bænda og bænda-
skólans. Atján manns sótti
námskeiðið, auk heimafólks,
voru tveir ferðaþjónustu-
bændur úr Skagafirði meðal
þátttakenda, og fólk úr Borg-
arfirði, Dýrafirði, Skaftafells-
sýslu og frá Vopnafirði.
Að sögn Jóns Bjarnasonar
skólastjóra Bændaskólans er
markmiðið með matarmenning-
amámskeiði sem þessu, að veita
ferðaþjónustuaðilum innsýn í þá
fjölbreyttu möguleika sem ís-
lensk matarmenning hefur og
getur virkað sem sérstök upplif-
un fyrir ferðamenn sem hingað
koma. En í dag er það talið allt
að nauðsynlegt að hver ferða-
þjónustustaður hafi upp á eitt-
hvað fágætt í mat að bjóóa, t.d.
hefur Hólastaður lagt áherslu á
bleikjuna í markaðssetningu
sinni í ferðaþjónustunni.
Námskeiðið stóð frá fimmtu-
degi til laugardags. Þegar blaða-
maður Feykis var á ferðinni á
föstudag, var nýlokið kennslu í
gerð fjölbreyttrar máltíðar þar
sem hráefnið var einungis græn-
meti, en ferðaþjónustuaðilar sem
aðrir í veitingaþjónustu verða að
geta gert vel við grænmetisætur.
Ef marka má máltíðina á Hólum
sem fylgdi í kjölfar kennslunnar,
ætti slíkt ekki að vera vandamál,
einstaklega ljúffeng máltíð.
Þátttakendum var einnig leið-
beint um ræktun grænmetis, og
að sjálfsögðu einnig um meðferð
alls hráeíhis. Kennd var hanter-
ing gamla þjóðlega matarins ís-
lenska, hangikjöts, hákarls og
súrmetis, auk flatkökugerðar og
baksturs ýmiss heimabakaðs
brauðs, svo eitthvað sé nefnt af
viðfangsefnum á námskeiðinu,
sem var skipulagt af þeim Helga
Thorarensen og Bryndísi Bjama-
dóttur kennara við ferðamála-
braut Hólaskóla og Margréti Jó-
hannsdóttur hjá Ferðaþjónustu
bænda.
Meðal leiðbeinenda á nám-
skeiðinu voru Hallgerður Gísla-
dóttir starfsmaður Þjóðminja-
safns Islands, Garðar Amason,
nöfnumar Bryndís Bjamadóttir
og Björgvinsdóttir og Helgi
Thorarensen.
Jóna Björk Kristjánsdóttir
kom vestan úr Alviðru í Dýra-
firði á námskeiðið.
Rjúpnaskytta fékk skot í fótinn:
Slapp betur en
á horfðist
Betur fór en á horfðist þegar
rjúpnaskytta frá Sauðárkróki hras-
aði og missú skot úr byssu sinni,
þar sem hann var að veiðum
ásamt tveim félögum sínum í
Kiðaskarði sem er upp af Stafni í
Svartárdal. Félögum hans tókst að
hefta blæðingu úr svöðusári á læri
og koma manninum á sjúkrahúsið
á Sauðárkróki og þaðan var hann
fluttur með sjúkraflugvél suður.
Atburóurinn átti sér stað um
miðjan dag á þriðjudag í síðustu
viku. Maðurinn er enn rúmliggj-
andi á Landspítalanum en heilsast
efúr atvikum vel. Hann fékk högl
í lærvöðva en aðalæðar og taugar
sluppu án þess aó skaddast og er
maðurinn á góðum batavegi.
□
Þátttakendur og leiðbeinendur á matmenningamámskeiðinu á Hólum.
Uppfyllti flestar óskir
„Mér fannst þetta mjög vel
heppnað námskeið og í rauninni
miklu betra heldur en ég bjóst
við. Síðan var þetta góð úlbreyt-
ing og upplyfting að koma í
Hóla. Vió fengum allar óskir
uppfylltar: fróðleik, ánægju og
þægindi. Það er ekki hægt að
hafa það betra“, sagði Jóna
Björk Kristjánsdóttir ferðaþjón-
ustubóndi og húsfreyja á Alviðru
í Dýrafirði.
Jóna Björk kann væntanlega
ýmislegt fyrir sér í matargerð,
reynd húsmóðir og að auki veitti
hún forstöðu um árabil mötu-
neyti Núpsskóla, meðan sá skóli
var og hét „Það er alltaf eitthvað
að gerast og ýmislegt sem maður
getur lært á svona námskeiðum.
Mér fannst leiðbeinendurnir
komast sérlega vel fra þessu og
þeir höfðu það sem góðir kenn-
arar eiga að hafa, að láta ekki
nemendunum leiöast þó þeir
þylji yfir þeim klukkustundum
saman. Mér fannst margt þama
athyglisvert. T.d. grænmetismál-
tíðamar, það er alltof lítið um
svoleióis mat á heimilum, og
einnig fannst mér baksturinn at-
hyglisverður. Það er alltaf verið
að tala um að það borgi sig að
baka heima, en þama sá maóur
að sú er reyndin og þetta er ekki
svo mikil fyrirhöfn, sérstaklega
ef fólk á brauðvélar. Brauðin
verða líka miklu betri“, sagði
Jóna Björk.
Kennsla í
ferðaþjónustu
Markmið með ferðamála-
braut Hólaskóla er að mennta
fólk til að starfa vió feróaþjón-
ustu í dreifbýli. Stefht er að því
að nemendur geti, að námi
loknu, rekið lítil fyrirtæki á sviði
ferðaþjónustu. Jafriframt er lögð
áhersla á að nemendur geú haft
ffumkvæði að stofhun nýrra fyr-
irtækja og tekið virkan þátt í þró-
un ferðamála í dreifbýli. Sérstök
áhersla er lögð á þátt afþreyingar
fyrir ferðamenn, þannig að nem-
endur læri að nýta þá möguleika
sem bjóðast á hverjum stað. Far-
iö er í vettvangsferóir í ýmiss
fyrirtæki og stofhanir sem tengj-
ast ferðaþjónustu til þess að
kynnast starfsemi og rekstri
þeirra. Þannig gefst nemendum
tækifæri til að nýta reynslu þeirra
sem reka slíka starfsemi.
□
BÆNDASKÓLINN HÓLUM
REKSTUR HROSSARÆKTARBÚS
22.-24. nóvember 1996 verður 1. hluti námskeiðs sem ber heitið
„rekstur hrossaræktarbús" haldið að Hólum í Hjaltadal.
Námskeið þetta verður í 6 hlutum og markmið þess að veita góða
líffræðilega þekkingu á hestinum og mikilvægustu þáttum er snerta
rekstur hrossaræktarbús.
Námsþættir í fyrsta hluta: Uppruni og þróun hestsins, beina- og
vöðvabygging, næringarefnin, melting og meltingarfærin, sjúkdómar
og heilsueftirlit.
Kennsla er bókleg (fyrirlestrar) og verkleg (krufning).
Leiðbeinendur: Sigríður Björnsdóttir hestadýralæknir og Guðrún
Stefánsdóttir MSc í hrossafræðum.
Ábúendur sömu jarðar geta skráðst sem einn þátttakandi (eitt
námskeiðsgjald) og geta sótt námskeiðin saman eða skipt námsefninu
sín á milli eftir áhuga og möguleikum.
Námskeiðsgjald fyrir þennan 1. hluta er kr. 4000 (innifalin er kennsla
og kennslugögn en ekki húsnæði og fæði)
Skráning þátttöku er á skrifstofu Hólaskóla í síma 453 6300.