Skólavarðan - 01.06.2001, Blaðsíða 5
öðruvísi og metnaður minni, og kem ég að
því síðar. Í 1. gr. er talað um mismunandi
próf fyrir suma í ákveðnum námsgreinum.
Þetta hlýtur að eiga að skilja þannig að
sumir megi taka kröfuminni próf en aðrir,
sbr. breska kerfið (Advanced Level og
Ordinary Level). Í þessu sambandi verður
að leggja mikla áherslu á að ábyrgð skóla
og kennara er mikil, það þarf að gera nem-
endum vel ljóst að val léttari leiðarinnar,
ef hin er fær, getur haft óheppilegar afleið-
ingar.
Í 4. gr. er lagt til að prófið verði einu
sinni á ári, að vori. Nú er það svo að loka-
próf áfangaskóla (fleiri?) eru haldin bæði
um jól og vor, komin er á það hefð og
möguleikinn áreiðanlega til hagsbóta fyrir
nemendur og niðurfelling því augljós
afturför.
„Námsmatsstofnun eða annar aðili“ skýt-
ur upp kollinum í 2. mgr. 6. greinar skýr-
ingalaust. Hvurslags stofnun er það, eða
hefur eitthvað farið fram hjá mér? (Reynd-
ar ekki kennt í eitt ár).
Í 7. gr. er talað um „aðila sem hefur yfir-
umsjón með prófum“ og síðar í sömu
grein: „Sami aðili er ábyrgur fyrir mati á
prófúrlausnum fyrrgreindra nemenda.“
Verið er að tala um utanskólanemendur, í
því tilfelli beri hinn ábyrgi aðili ábyrgð á
mati úrlausna. Í 11. gr. segir hins vegar að
yfirferð sé á ábyrgð skólanna. Hér er frávik
frá landsprófinu, þá fór sérstök nefnd yfir
allar úrlausnir, mun hún hafa samanstaðið
af prófsmiðunum og fleira góðu fólki - og
væri það áreiðanlega betri kostur.
Ef betri kosturinn yrði tekinn félli 1.
mgr. 15. gr. niður en þar segir efnislega að
framhaldsskólar skuli eigi síðar en viku eft-
ir að próf er haldið senda niðurstöður og
prófúrlausnir til Námsmatsstofnunar eða
þess aðila sem hefur yfirumsjón með próf-
unum.
Í 20. gr. segir að lágmarkseinkunn til að
standast próf skuli vera 5 - hér var lands-
prófið gamla og góða harðara og krafðist 6
- og þætti mér það ekki ofgert þegar um
slíkt samræmt próf væri að ræða þar sem
viðkomandi hefðu lagt töluvert á sig til
undirbúnings.
Ásetning slíks prófs hlýtur að leiða hug-
ann að ábyrgðinni sem með því yrði sett á
framhaldsskólakerfið - sem næst sömu
kennslugæði í öllum skólunum - án þess
væri prófið óréttlátt.
Í textanum er mikið talað um Náms-
matsstofnun - þyrfti hún ekki að innibera
líka hina hliðina, kennslumat, eftirlit, til að
reyna að tryggja sem næst sömu gæði alls
staðar í kerfinu? Slíkt er viðhaft í ná-
grannalöndunum. Frammi fyrir svona
veigamiklu máli verður ekki komist hjá því
að huga að þeirri hlið líka.
Umræðan, frétt
6
Samkvæmt nýjum kjarasamningi
er hverjum skóla skylt að gera sí-
menntunar-/endurmenntunaráætl-
un og tekur ákvæðið gildi 1. ágúst
nk. Kennurum er skylt að fara á
námskeið sem þeim er ætlað sam-
kvæmt áætluninni, enda sé hún
gerð samkvæmt ákvæðum kjara-
samnings og kennurum að kostn-
aðarlausu. 50 gr. grunnskólalag-
anna hefur í engu breyst en hún
hljóðar svo:
„Kennarar og skólastjórar grunn-
skóla skulu, auk námsleyfa, sbr. 25.
gr., eiga kost á endurmenntun í
þeim tilgangi að efla starfshæfni
sína, kynnast markverðum nýjung-
um í skóla- og uppeldismálum og
njóta stuðnings við nýbreytni- og
þróunarstörf. Til þessa verkefnis
skal árlega veitt fé á fjárlögum.
Að frumkvæði skólastjóra mótar
hver skóli áætlun um hvernig end-
urmenntun starfsfólks hans skuli
hagað svo að hún sé í sem bestu
samræmi við þær áherslur sem
fram koma í skólanámskrá.“
Áður rann þetta fé til endur-
menntunardeildar (nú Símenntun-
arstofnunar) KHÍ þar til Endur-
menntunarsjóður grunnskóla var
stofnaður. Þar til í ár hefur hluti
fjárins þó áfram runnið til Símennt-
unarstofnunar en svo er ekki leng-
ur. Endurmenntunarsjóður grunn-
skóla styrkir námskeið ekki að fullu
heldur einungis að hluta. Eftir
stendur spurningin: Hver á að
borga mismuninn? Með nýjum
kjarasamningi fer ekki á milli mála
að námskeiðin skuli vera kennur-
um að kostnaðarlausu en þetta tek-
ur ekki gildi fyrr en 1. ágúst eins og
áður er sagt. Hver á að brúa tíma-
bilið þangað til, það er að segja
sumarið? Þar sem Endurmenntun-
arsjóður grunnskóla styrkir nám-
skeið einungis að hluta er ljóst að
innheimta þarf námskeiðsgjöld af
kennurum. Skólarnir þurfa þá ann-
að hvort að reiða fram það fé eða
kennarar að greiða úr eigin vasa,
nema þeir kjósi að sækja um end-
urgreiðslu úr G-deild endurmennt-
unarsjóðs KÍ. Þeim sjóði er ætlað
að ýta undir fjölbreytni í endur-
menntunarvali kennara og gera
þeim til dæmis kleift að sækja
námskeið erlendis og/eða nám-
skeið sem efla persónulega færni
þeirra án þess endilega að vera
hluti af endurmenntunaráætlun
skólans sem þeir starfa hjá. Stefna
KÍ varðandi sjóðinn er ekki að fórna
honum á altari endurmenntunará-
ætlana skóla, enda lítur sambandið
svo á að sveitarfélög eigi að leggja
fram fé á móti ráðuneytinu til að
standa straum af kostnaði við nám-
skeið sem vinnuveitendur hvetja
og/eða ætlast til að starfsmenn
þeirra sæki. Endurmenntunarsjóð-
ur grunnskóla hjá ráðuneytinu
styrkir aðila til þess að halda nám-
skeið en sem sagt einungis að
hluta og þar þurfa sveitarfélögin að
koma á móti. Kennarar sjálfir eru
auðvitað heldur ekki reiðubúnir til
að fórna sínum kvóta í G-deildinni
til að kosta sig á námskeið sem eru
í raun hluti af vinnuskyldu. Sumum
skólum, t.d almennt á höfuðborg-
arsvæðinu, hefur hins vegar ekki
verið úthlutað fjármagni
í þennan lið og því hætt við
að þetta sumarið verði samdráttur í
endurmenntun grunnskólakennara.
Í höfuðborginni hefur Fræðslu-
miðstöð Reykjavíkur boðið kennur-
um ókeypis námskeið hingað til en
líklegt er að það muni breytast á
næsta ári. Að sögn Ingunnar Gísla-
dóttur starfsmannastjóra Fræðslu-
miðstöðvar verður endanleg á-
kvörðun um ráðstöfun fjár til sí-
menntunar starfsmanna í grunn-
skólum Reykjavíkur tekin í desem-
ber í tengslum við gerð starfsáætl-
unar fyrir árið 2002.
Ný aðalnámskrá og nýir kjara-
samningar fela í sér að form endur-
menntunar breytist og frumkvæði
skólanna sjálfra aukist, að sögn
Ingunnar. „Skólar munu móta
framboðið. Það væri til dæmis ekki
heppilegt ef skóli setti tölvulæsi á
oddinn í áætlun sinni en Fræðslu-
miðstöð byði ekki upp á nein nám-
skeið sem nýttust í því skyni,“ segir
Ingunn.
Skipan endurmenntunarnefndar
á vegum KÍ er í deiglunni en nefnd-
inni er ætlað að gera úttekt á end-
ur- og símenntun kennara, sér-
kennara, námsráðgjafa og skóla-
stjórnenda á öllum skólastigum
sem heyra undir KÍ og einnig að
leggja fram tillögur á þingi KÍ 2002
um framtíðarfyrirkomulag endur-
menntunarsjóðsins. Skólavarðan
mun birta fréttir af starfi nefndar-
innar sem og öðru sem viðkemur
endur- og símenntun reglulega.
keg
Hver á að brúa bilið?