Morgunblaðið - 04.02.2017, Blaðsíða 27

27
MORGUNBLAÐIÐ LAUGARDAGUR 4. FEBRÚAR 2017
Lætur illa að stjórn Góð regnhlíf hefur verið þarfaþing í höfuðborginni og víðar á landinu síðustu vikur en stundum hefur verið erfitt að hafa stjórn á þessu gagnlega tóli í hvassviðrinu.
Eggert
Áður fyrr var mjög
algengt að eldra fólk
notaði strætisvagna.
Þar á ég einkum við
70 ára fólk og eldra.
Núna sést þetta fólk
varla. Þegar ég spyr
fólk á þessum aldri
þá svarar það: Nú, ég
fer á bílnum. Einnig
koma svör í þá veru
að það sé svo dýrt,
kostar reyndar bara 210 krónur
farið fyrir 70+ fólkið. Nú, þá segi
ég, kaupið bara miða, þá fer verð-
ið niður í 130 krónur ferðin. Svör-
in eru þá: Hvar í ósköpunum á ég
að kaupa miða?
Á heimasíðu Strætó segir að
mögulegt sé fyrir mann að kaupa
miða á netinu og fá þá senda í
ábyrgðapósti. Þá bætast 1050
krónur við. Þannig að hver miði
kostar þá 183 krónur miðað við 20
miða kort. Fyrir venjulegt fólk
kostar farið fyrir heimsenda miða
468 krónur eða 28 krónum meira
en ef það kaupir miðana í Mjódd.
Samkvæmt heimasíðu Strætó
eru fjölmargir sölustaðir á höf-
uðborgarsvæðinu, svo sem flestar
sundlaugar (ekki Sundhöll
Reykjavíkur) og fjölmargar 10-11
búðir.
Fyrir fólk, bæði Íslendinga og
útlendinga sem kemur með flugi
að utan og kemur í umferða-
miðstöðina (BSÍ), er
ekki möguleiki á að
kaupa miða í strætó.
Hins vegar fást eins
eða þriggja daga
dagspassar á BSÍ hjá
Upplýsingamiðstöð
Iceland Travel Ass-
istance. Þetta er ætl-
að útlendingum. Þeir
geta reyndar líka
borgað hverja ferð
með peningum.
Hvers vegna er
ekki hægt að kaupa
strætómiða á BSÍ? Það eru bið-
stöðvar rétt hjá. Hvað með flug-
stöðina á Reykjavíkurflugvelli?
Þangað gengur einn strætisvagn,
nr. 15, sem stoppar reyndar að-
eins frá byggingunni. Í Flugstöð
innanlandsflugs er enga strætó-
miða að fá né heldur dagspassa.
Reyndar er ekki góður kostur
fyrir venjulegt fólk að kaupa
dagspassa sem kostar 1.560 krón-
ur. Það er einfaldlega of dýrt
miðað við fólk sem fer tvær ferðir
á dag.
Þeir sem eru með snjallsíma
geta keypt strætóferð í gegnum
strætóappið, en það kostar reynd-
ar ansi mikið, eða 440 krónur fyr-
ir 18-69 ára og 210 fyrir eldri
borgara. Þetta er sama verð og ef
borgað er með peningum.
Segja má að sæmilegt sé að
nálgast miða á höfuðborgarsvæð-
inu ef maður bara veit hvar. Það
nota ekki allir borgarar tölvu eða
internet. Enn betra væri ef settir
yrðu upp sjálfsalar í miðbæ
Reykjavíkur og ýmsum öðrum
stöðum á Stór-Reykjavíkursvæð-
inu þar sem kaupa mætti strætó-
miða svipað og tíðkast í sambandi
við lestarferðir t.d. í Danmörku.
Flugstöðin og BSÍ ættu að hafa
tengingu við Strætisvagnakerfið á
höfuðborgarsvæðinu og selja
strætómiða.
Miklu fleiri færu með strætó ef
fyrirtækið auglýsti betur hvar er
hægt að nálgast miða. Strætó vill
gjarnan að fyrirtæki kaupi sam-
göngukort fyrir sitt starfsfólk.
Það kostar heilmikið, eða krónur
61 þúsund á ári. Þetta eru heil-
miklir peningar því margir sem
nota strætó nota líka reiðhjól og
bíl endrum og eins, þannig að
notkunin þyrfti að vera nær dag-
leg til að þetta borgaði sig fyrir
neytandann. Best væri ef Strætó
væri ókeypis eins og á Akureyri.
Eftir Unni
Skúladóttur »Eldra fólk sést varla
lengur í Strætó.
Finnst miðakaup of
flókin. Strætómiðar fást
ekki í miðstöð innan-
landsflugs í Reykjavík
né heldur á BSÍ.
Unnur Skúladóttir
Höfundur er fiskifræðingur.
Strætó og við
Brýna nauðsyn ber til
þess að Alþingi stofni
þegar í stað embætti
umboðsmanns eldri
borgara. Til þess liggja
margar ástæður. Í
fyrsta lagi er aðbúnaði
og umönnun aldraðra í
mörgu ábótavant hér á
landi, enda þótt víða sé
vel unnið og af fag-
mennsku. Í öðru lagi
segir umönnun aldraðra mikið um
menningarástand þjóðar á sama hátt
og umönnun barna. Í þriðja lagi hafa
þeir sem nú eru aldraðir skapað vel-
ferðarríkið Ísland, sem er meðal
fremstu velferðarríkja heims, en fyrir
200 árum var Ísland eitt fátækasta
land í Evrópu. Í fjórða lagi þarf með
þessu að skapa virðingu fyrir eldra
fólki, virðingu sem byggð er á skiln-
ingi, en víða skortir mjög þennan
skilning.
Samtök eldri borgara í Danmörku,
Ældre Sagen, hefur gert kröfu um að
stofnað verði embætti umboðsmanns
eldri borgara og bent á umboðsmann
barna þar í landi. Svipað er uppi á
teningnum hjá norsku samtökum
eldri borgara, Seniorsaken, sem
stofnuð voru með það að markmiði að
vinna gegn mismunun og fordómum
sem eldri borgarar
verða fyrir þar í landi,
eldrediskriminering,
og neikvæðri afstöðu til
elda fólks. Auk þess
leggja samtökin mikla
áherslu á að tryggja
góða heilsuþjónustu
fyrir eldri borgara, þar
sem borin er tilhlýðileg
virðing fyrir gömlu
fólki, en á það skorti
víða í Noregi. Enn
fremur leggja sam-
tökin áherslu á að reist-
ar verði hentugar íbúðir fyrir aldr-
aða, en 60% aldraðra í Noregi vilja
búa í íbúðasamstæðum fyrir aldrað
fólk með svipuðu sniði og Grund er að
reisa í Mörkinni við Suðurlandsbraut
í Reykjavík með þarfir aldraðra að
leiðarljósi.
Eftir Tryggva
Gíslason
» Brýna nauðsyn ber
til þess að stofna
embætti umboðsmanns
eldri borgara strax og
skapa virðingu fyrir
eldra fólki sem byggð er
á skilningi.
Tryggvi Gíslason
Höfundur er fyrrverandi skólameist-
ari Menntaskólans á Akureyri.
Umboðsmaður
eldri borgara