Veðráttan - 01.03.2006, Blaðsíða 1

ISSN 0258-3836
VEÐRÁTTAN 2006
MÁNAÐARYFIRLIT SAMIÐ Á VEÐURSTOFU ÍSLANDS
Mars
Mánuðurinn var mjög skiptur hvað tíðarfar varðar. Fyrstu dagarnir voru fremur kaldir, en síðan kom
hlýindakafli sem náði hámarki dagana 15. til 20. Köld norðanátt var ríkjandi síðustu 10 daga mánaðarins og var
vindur allhvass lengst af. Mjög þurrt var þá um Iandið sunnanvert, en norðanlands og austan snjóaði talsvert. í
Bolungarvík snjóaði 10 cm háar páskaliljur í kaf. Mikill sinubruni hófst á Mýrum síðasta dag mánaðarins.
Fyrstu fimnt daga mánaðarins var hæðarsvæði yfir Grænlandi og hafinu norður- og vestur af íslandi. Hér á
landi var fremur róleg norðlæg eða breytileg átt og víða léttskýjað, en lengst af él norðaustan- og norðanlands.
Kalt var á landinu og lægsti hiti mánaðarins mældist þ. 5. á veðurstöð á Brúarjökli, -24,6 stig og -24,4 stig í
Möðrudal. Þ. 6. kom lægð inn á sunnanvert Grænlandshaf og skil frá henni upp að suðurströndinni. Það hlýnaði
og hvessti með suðaustanátt og fór að snjóa á Suðausturlandi. Seinni part dags rigndi sunnan- og vestanlands og
vindhraði á Stórhöfða fór í 28,8 m/s, en það var mesti vindhraði þar þennan mánuðinn. Um kvöldið og nóttina
fóru skilin norður fyrir land með snjókomu og slyddu, en á eftir þeim var hægari suðaustanátt og skúrir. Þ. 7. fór
sama lægð norður Grænlandssund. Sunnan- og vestanlands var suðaustanátt og rigning, en annars staðar dálítil
snjókoma. Vindur snerist í suðvestan kalda með skúrurn vestantil uni kvöldið og austanlands létti til. Þ. 8. voru
smálægðir við landið, vindur hægur og lítilsháttar væta, fyrst vestan- og síðar austantil. Þ. 9. var austlæg átt á
landinu, dálítil él norðvestanlands og með norðurströndinni, en strekkingsvindur allra syðst og skúrir um kvöldið.
Annars var úrkomulaust.
Þ. 10. voru tvær lægðir suður og suðvestur af landinu. Við suðurströndina var allhvasst en annars víðast
gola. Undir kvöld var snjókoma eða slydda með ströndinni sunnantil, en rigning eða slydda um nóttina um
mestallt land. Þ. 11. og 12. voru lægðir skanimt suður og suðvestur af landinu og vindur var yfirleitt
suðaustanstæður. Allhvasst, rigning og slydda með köflum, en þurrt að mestu á Vestfjörðum. Þ. 13. dýpkaði
lægð suðaustur af landinu. Um norðanvert landið fór að snjóa með norðan golu, en sunnan- og vestantil var
bjart veður. Þ. 14. var hæð yfir Austurlandi, en hæg suðlæg átt vestanlands og dálítil súld af og til með vestur- og
suðurströndinni. Þ. 15. og 16. var suðaustan og sunnan kaldi eða stinningskaldi með hlýju veðri og rigningu eða
súld, en þurrt á Norðaustur- og Austurlandi. Þ. 17. var hæð yfir Færeyjum og vindur hérlendis hægur af suðvestri
og vestri. Um vestanvert landið var þoka eða súld, en austantil var þurrt og léttskýjað. Þ. 18. var hæðin fyrir
sunnan Island og vindur hægur og breytilegur. Súld, rigning og þoka var norðan- og vestanlands, en léttskýjað
á Suðausturlandi. Voru dagamir 16. og 17. hlýjustu dagar mánaðarins að tiltölu, en hæstur varð hitinn á sjálfvirku
stöðinni á Fagurhólsmýri 16,6 stig þ. 18.
Aðfaranótt þ. 19. komu kuldaskil með snjókomu inn á landið úr norðaustri. Um sunnanvert landið var
rigning og súld fram eftir degi, en annars staðar snjókoma eða él og um kvöldið var komið frost um allt land,
nema á suðvesturhominu. Þ. 20. og 21. var norðaustan- og norðan kaldi eða stinningskaldi á landinu með
snjókomu eða éljum, en úrkomulítið á Vesturlandi og einnig á Suðausturlandi. Sá 21. var kaldasti dagur mánaðarins
á landinu í heild.
Þ. 22. til og með 26. voru átfam norðlægar áttir ríkjandi, frá golu upp í stinningskalda. Éljagangur eða
snjókoma um norðanvert landið, en skýjað með köflum sunnantil og af og til skafrenningur. Þ. 27. til 29. var
áfram norðlæg átt og snjókoma, él og skafrenningur, en minnst ofankoma á Suðausturlandi. Víða var allhvasst
eða hvassviðri, en mesti vindhraði mánaðarins mældist á Bláfeldi þ. 28. 29,3 m/s. Þ. 30. dró verulega úr
veðurhæð og ofankomu. Síðustu tvo daga mánaðarins var norðaustlæg átt með stöku éljum norðan- og austanlands,
en léttskýjuðu veðri sunnan- og vestanlands.
Loftvægi var 12,2 hPa yfir meðallagi áranna 1971-2000, frá 10,6 hPa yfir á Kbkl, að 14,1 hPa yfir í Bol.
Hæst stóð loftvog í Vrn þ. 17. kl. 9 og í Bol þ. 20. kl. 24, 1038,1 hPa, og lægst var hún í Sth þ. 7. kl. 18, 978,7
hPa.
Vindáttir: Norðan- og norðaustanátt var umtalsvert tíöari en í meðallagi áranna 1971-1980 og sunnanátt
nokkuð fátíðari. Aðrar áttir voru nærri meðallagi.
(17)