Morgunblaðið - 13.01.2018, Blaðsíða 4

4 ÍÞRÓTTIR
MORGUNBLAÐIÐ LAUGARDAGUR 13. JANÚAR 2018
Það er mjög hressandi að
geta komist nær hugarheimi
leikmanna og þjálfara með því að
heyra og sjá þá ráða sínum ráð-
um í leikhléum í beinni sjón-
varpsútsendingu. Auðvitað er
mismunandi hvernig þjálfarar
nýta leikhléin sín en þessar örfáu
mínútur, oft á ögurstundu leikja,
búa til ákveðna mynd af þeim.
Stundum er sú mynd þó örugg-
lega ekki alveg rétt eða sann-
gjörn.
Þrátt fyrir að hafa séð ansi
marga leiki í gegnum tíðina þá
man ég ekki eftir að hafa séð
„jarðarfararstemningu“ á borð
við þá sem var í leikhléunum hjá
Skallagrími í undanúrslitum
Maltbikarsins í körfubolta í vik-
unni. Spænski þjálfarinn Ricardo
González hafði engan áhuga á að
leiðbeina leikmönnum sínum um
framhald leiksins heldur mætti
þeim með þvílíkan fýlusvip í and-
litinu og gerði fátt annað en að
kvarta og kveina yfir því sem á
undan var gengið.
González tók einn leikmanna
sinna sérstaklega fyrir í einu
leikhléinu, í 3. leikhluta, og
hreinlega „grillaði“ viðkomandi.
„Við erum að tapa þessum leik,
nei, ÞÚ ert að tapa þessum leik
með þinni spilamennsku,“ sagði
González meðal annars. Þetta
virtist mjög ófagmannlegt. Ég
gat ekki betur séð en að hann
beindi orðum sínum til Jóhönnu
Bjarkar Sveinsdóttur sem
kannski skiljanlega var sem ger-
sneydd sjálfstrausti eftir þetta.
Alla vega var alveg ljóst út
frá þessum leik að lítil gleði og
hamingja er í herbúðum Skalla-
grímsliðins, og gengi liðsins í
vetur illa höndlað. Carmen Ty-
son-Thomas, sem virðist reyndar
ekki mesti liðsmaður sem um
getur, mun hafa bent á González
eftir leik og sagt þjálfarann hafa
tapað þessum leik.
BAKVÖRÐUR
Sindri Sverrisson
sindris@mbl.is
BIKAR KVENNA
Ívar Benediktsson
iben@mbl.is
„Ég held að ævintýri Njarðvíkur-
liðsins haldi áfram og að liðið
vinni Keflavík í úrslitaleiknum.
Kannski er það óskhyggja en ég
tel þó að það sé raunhæft. Njarð-
vík hefur þegar unnið þrjú
úrvalsdeildarlið á leið sinni í úr-
slitin,“ sagði Berglind Gunn-
arsdóttir, fyrirliði Snæfells, eftir
nokkurt hik, þegar hún var spurð
út í úrslitaleik Keflavíkur og
Njarðvíkur í Maltbikar kvenna,
bikarkeppni KKÍ, sem fram fer í
Laugardalshöllinni í dag. Flautað
verður til leiks klukkan 16.30.
„Líkurnar eru vissulega með
Keflavíkurliðinu sem er afar vel
skipað og hefur auk þess úr
breiðari leikmannahópi að ráða.
Svo er bandaríski leikmaður liðs-
ins mjög góður. Hefðin er einnig
fyrir hendi hjá Keflavík sem
lengi hefur átt eitt besta körfu-
knattleikslið landsins. Öll teikn
er uppi um að Keflavíkurliðið
vinni leikinn,“ sagði Berglind
sem hafði ekki jafnað sig eftir
tap á fimmtudagskvöldið í fram-
lengdum leik í undanúrslitum
fyrir Keflavík í gærmorgun þegar
Morgunblaðið náði af henni tali.
Ekkert vanmat
Berglind sagði hinsvegar að
ljóst væri að þrátt fyrir að
Njarðvík hefði ekki unnið leik í
deildinni til þessa þá væri mikið
spunnið í liðið. Það væri alls eng-
in tilviljun að það væri komið í
úrslitaleik bikarkeppninnar. Á
leið sinni í úrslitin hefði Njarðvík
unnið Stjörnuna, Breiðablik og
síðast Skallagrím í undan-
úrslitum. „Andstæðingar Njarð-
víkur hafa kannski vanmetið liðið
einu sinni en ekki þrisvar, það er
alveg ljóst. Það er engin tilviljun
að Njarðvík er komið í úrslitin.
Liðið er betra en úrslitin í deild-
inni segja til um auk þess sem
Njarðvík hefur innan sinna raða
hörkugóðan íþróttamann, Sha-
londa Winton,“ sagði Berglind
sem reiknar með hörkuskemmti-
legum úrslitaleik Suðurnesjalið-
anna tveggja.
Reynslan er fyrir hendi
Berglind óttast ekki að
Njarðvíkurliðið sé orðið mett nú
þegar það er komið í úrslitaleik-
inn. Þegar á hólminn sé komið
vilji allir leggja sig fram og fá
góðan leik. Njarðvík vann Skalla-
grím, 78:75, í undanúrslitum.
„Keflavíkurliðið er sannarlega
öflugt og ríkjandi Íslandsmeist-
ari. Innan þess er allt fyrir hendi
til þess að vinna úrslitaleikinn.
Reynslan er svo sannarlega fyrir
hendi en á móti kemur að Njarð-
víkurliðið er komið það langt að
það vill örugglega fara alla leið.
Gamla klisjan um að bik-
arkeppnin sé önnur keppni en
deildin hefur svo sannarlega
sannast í bikarkeppninni þetta
árið. Ég reikna fastlega með að
Öskubuskuævintýrið haldi áfram
í úrslitaleiknum í dag,“ sagði
Berglind Gunnarsdóttir, fyrirliði
körfuknattleiksliðs Snæfells.
Ævintýrið heldur áfram
 Líkurnar eru taldar með Íslandsmeisturum Keflavíkur  Njarðvík hefur ekki
unnið leik í deildinni en skellt þremur úrvalsdeildarliðum á leið sinni í úrslit
Morgunblaðið/Hari
Keflavík Thelma Dís Ágústsdóttir í
naumum sigri gegn Snæfelli.
Morgunblaðið/Hari
Njarðvík Hrund Skúladóttir og
samherjar skelltu Skallagrími.
 Keflavík hefur unnið bikarinn
oftast allra í kvennaflokki, 14
sinnum, og oftast leikið til úr-
slita, 22 sinnum.
 Keflavík er bikarmeistari en
liðið vann Skallagrím, 65:62, í
úrslitaleiknum í fyrra.
 Njarðvík hefur einu sinni unn-
ið bikarinn, lagði Snæfell í úr-
slitaleik 2012, en hefur tapað
þremur úrslitaleikjum.
 Keflavík og Njarðvík mættust
í úrslitaleik sem háður var í
Garði árið 1996. Keflavík vann
leikinn 69:40.
 Í vetur vann Keflavík fyrst
Grindavík 96:43, þá KR 99:79
og Snæfell 83:81 í undan-
úrslitum.
 Njarðvík vann Stjörnuna
87:84, Breiðablik 77:74 og
Skallagrím 78:75 í undan-
úrslitum.
Bikarúrslitin
BIKAR KARLA
Ívar Benediktsson
iben@mbl.is
„Tindastólsmenn verða að hitta á
mjög góðan leik til þess að vinna
bikarinn. Þeir náðu slíkum leik
gegn okkur þar sem skothittni
leikmanna Tindastóls var mjög
góð og var lykill. Eitthvað svipað
þarf að vera upp á teningnum
gegn KR í úrslitaleiknum,“ sagði
Finnur Atli Magnússon, leikmaður
Hauka og fyrrverandi liðsmaður
KR, spurður um úrslitaleik KR og
Tindastóls í Maltbikar karla, bik-
arkeppni KKÍ, sem fram fer í
Laugardalshöllinni í dag.
„Tindastólsliðið þarf einnig að
stjórna hraða leiksins til þess að
eiga einhverja möguleika á sigri.
Og það getur verið hægara sagt
en gert gegn KR sem hefur mann
eins og Pavel Ermolinskij innan
sinna vébanda. Hann er mikill
leiðtogi á vellinum og stýrir leikn-
um mjög vel,“ sagði Finnur Atli.
KR-ingar leika til úrslita í bik-
arnum fjórða árið í röð. Þeir hafa
unnið bikarinn tvo undanfarin en
fyrir þremur árum töpuðu KR-
ingar í hörkuleik fyrir Stjörnunni
með tveggja stiga mun, 85:83.
Finnur Atli var leikmaður KR á
þeim tíma.
„Það er erfitt að veðja á móti
KR-ingum þar sem þeir hafa verið
bestir í körfunni undanfarin ár.
Liðið er afar vel mannað eins og
menn þekkja, með valinn mann í
hverju rúmi auk þess sem Jón
Arnór Stefánsson er komast á
skrið aftur. Hann átti vafalaust
sinn besta leik á leiktíðinni í und-
anúrslitum gegn Breiðabliki. Þótt
hann sé ekki nema á hálfri ferð þá
dugar það til þess að hann er óvið-
ráðanlegur,“ sagði Finnur Atli
sem bíður einnig spenntur eftir
baráttu Kristófers Acox og Anton-
io Hester, liðsmanns Tindastóls.
Finnur Atli segir að viðureign
KR og Tindastóls sé að mörgu
leyti draumaúrslitaleikur. Þar séu
á ferðinni tvö afar sterk lið og á
góðum degi þá eigi Tindastóll
raunhæfa möguleika á sigri. „Ég
reikna með að stemningin verði
góð í kringum Tindastólsliðið. Það
fái hressilegan stuðning og geti
þar af leiðandi fengið byr í seglin.
Leikurinn er uppskrift að hörku
úrslitaleik þar sem ekkert verður
gefið eftir. Það er hinsvegar erfitt
að veðja á móti ríkjandi bikar- og
Íslandsmeisturum í leik sem þess-
um. Þeir eru alltaf líklegri en and-
stæðingurinn, hver sem hann er
hverju sinni,“ sagði Finnur Atli
Magnússon, leikmaður körfuknatt-
leiksliðs Hauka.
Úrslitaleikurinn hefst klukkan
13.30. Sigurmundur Már Her-
bertsson og Leifur Garðarsson
dæma.
Erfitt að veðja gegn KR
 Finnur Atli segir að viðureign KR og Tindastóls sé uppskrift að ekta úrslitaleik
 Þurfa að stjórna hraðanum og hitta vel sem er hægara sagt en gert gegn meisturunum
Morgunblaðið/Hari
Tindastóll Sigtryggur Arnar
Björnsson – frábær gegn Haukum.
Morgunblaðið/Hari
KR Pavel Ermolinskij og félagar
sigruðu Breiðablik í undanúrslitum.
 KR hefur unnið bikarinn oft-
ast allra í karlaflokki, 12 sinn-
um, og hefur leikið oftast allra
til úrslita, 20 sinnum.
 KR er bikarmeistari tveggja
síðustu ára, vann Þór Þ. í úr-
slitaleik í bæði skiptin, og leikur
til úrslita fjórða árið í röð.
 Tindastóll hefur aldrei orðið
bikarmeistari og einu sinni leik-
ið til úrslita. Það var árið 2012
þegar liðið tapaði fyrir Keflavík,
97:95.
 Í vetur vann KR fyrst Kormák
135:34, þá Vestra 115:78, Njarð-
vík 87:68 og Breiðablik í undan-
úrslitum, 90:71.
 Tindastóll vann Þór Þ. 84:76,
Val 104:70, ÍR 78:74 og Hauka
85:75 í undanúrslitum.
Bikarúrslitin
Guðmundur
Steinn Haf-
steinsson, sem var
fyrirliði og
markahæsti leik-
maður Víkings í
Ólafsvík á síðasta
tímabili, er geng-
inn til liðs við
Stjörnuna og hef-
ur samið við
Garðabæjar-
félagið til tveggja ára.
Steinn er 28 ára gamall framherji
sem hefur leikið með Val, HK,
Fram, norska liðinu Notodden og
ÍBV, ásamt því að spila með Ólafs-
víkingum 2011-2013 og aftur 2017.
Hann skoraði 8 mörk í 18 leikjum
liðsins í Pepsi-deildinni í fyrra og
hefur alls gert 21 mark í 93 leikjum í
efstu deild.
Hafsteinn aftur í HK
Hafsteinn Briem, sem hefur leikið
með ÍBV undanfarin þrjú ár, samdi í
gær við HK til tveggja ára og spilar
með liðinu í 1. deildinni á komandi
tímabili. Hafsteinn er 26 ára mið-
vörður eða miðjumaður sem ólst upp
hjá HK og lék með liðinu til tvítugs
en eftir það með Val, Haukum og
Fram áður en hann fór til Eyja í árs-
byrjun 2015. Hann hefur leikið 81
leik í efstu deild og skorað 10 mörk.
vs@mbl.is
Guðmundur
Steinn í
Stjörnuna
Guðmundur Steinn
Hafsteinsson