Stjarnan - 01.12.1938, Page 3

S TJARNÁN
99
hafði hér aðeins auglýst sitt eigið innræti og
sýnt f jandskap sinn bæði til Guðs og manna.
Guð gleymdi ekki Jóhannesi þótt hann ekki
gjörði neitt kraftaverk honum til frelsunar.
Héilagir englar umkringdu hann og opnuðu
hugskot hans svo hann skildi spádómana um
Jesúm og hin dýrmætu fyrirheit Biblíunnar.
Þetta var vörn og hughreysting hans eins og
allra Guðs barna niður í gegnum tímana. Fyrir-
heitið fyrir hann og öll önnur börn Guðs er
þetta: “Sjá, eg er með yður alla daga, alt til
enda veraldar.’’ Matt. 28:20.
Guð leiðir ekki börn sín öðruvísi en þau
mundu kjósa ef þau sæu endann frá byrjuninni,
og hvernig þau gegnum, handieiðslu hans eru
meðstarfendur hans til að framkvæma hans
eilífu ráðsályktanir Hvorki Enok, sem var
upphafinn til himins, eða Elías, sem tekinn var
til himins í eldlegum vagni, voru meiri, eða
nutu rneiri heiðurs heldur en Jóhannes, sem lét
líf sitt einsamall í fangelsinu. “Því yður er
sú náð veitt, fyrir Krists sakir, ekki einungis
að trúa á hann heldur og að þola þjáningar
hans vegna.” Fil. 1:2g_ Af öllum gjöfum sem
Guð getur veitt mönnunum, er hluttekning í
þjáningum Krists hin stærsta trúnaðarstaða og
hinn mesti heiður. “Ef vér líðum með honum
munutn vér einnig með honum vegsamlegir
gjörðir.”
E. G. White.
Vinnan og kaupið
Formenn Standard Olíufélagsins höfðu
fund nieð sér í New York. Auðmenn þessir,
sem hafa svo mikil áhrif á viðskiftalífið í
heiminum komu saman til að velja mann, sem
væri fær um' að líta eftir viðskiftum þeirra í
Kína. Alt kvöldið og langt frant á nótt sátu
þeir og ræddu urn menn, hverra nöfn þeir
höfðu fengið, og álitið var að kynnu að vera
starfinu vaxnir. En enginn þeirra var kosinn.
Sá maður, sem tæki þessa stöðu varð að vera
um þrítugsaldur, vel mentaður, fær um að tala
kínversku reiprennandi, og fær um að stjórna
öðrum og koma sér vel við undirmenn sína.
Eoksins stóð yngsti maðurinn í stjórn íé-
lagsins upp og sagði: “Herrar mínir, eg þekki
m'ann, sem að öllu leyti mætir þessum skilyrð-
um. Hann er 28 ára að aldri, talar kínversku
ágætlega, er vel mentaður og hefir nú í þrjú ár
sýnt að hann kemur sér vel við undirmenn sína
og er góður leiðtogi. Kínverjar elska hann
og virða. Hann býr einmitt í þeirri borg þar
sem vér höfum aðalstöð vora.”
“Hvað fær hann í kaup ?” spurði formaður
félagsins, því þessir menn hugsa um peningana.
"Tvö hundruð dollara um mánuðinn.”
“Hvað? Tvö hundruð dollara um mánuð-
inn. Það hlýtur að vera eitthvað rangt við
manninn.”
“Nei, maðurinn er ágætur, en það er eitt-
hvað að félaginu sem hann vinnur fyrir. Hann
er trúboði.”
“Far þú til Kína og náðu í þennan mann
fyrir okkur,” sagði stjórnin.
Maðurinn ferðaðist yfir meginland Ame-
ríku, yfir Kyrrahafið og langt inn í Kína, þar
fann hann vin sinn og bauð honum stöðu hjá
olíufélaginu fyrir tíu þúsund dollara á ári. Því
var hafnað. Þá voru honum boðnir 50 þúsund
dollarar. Hann afþakkaði boðið. Svo voru
honum boðnar 60 þúsundir um árið, en alt fór
á sömu leið.
“Hvað þykir þér að kaupinu ?” spurði mað-
urinn frá New York.
“Alls ekkert,” svaraði trúboðinn. "Það er
starfið, sem ekki er nógu stórt. Heilsaðu frá
mér þeim, sem' sendu þig, og þakkaðu þein:
íyrir tilboðið, en eins og eg sagði er starfið of
lítilfjörlegt, og eg mundi skammast mín fyrir
að taka á móti svo miklu kaupi. Hér á trúboðs-
stöðinni hefi eg stórfenglegt starf og lítið kaup
en eg vil heldur hafa mikilvægt starf með litlu
kaupi, heldur en lítilf jörlegt starf með háum
launum. Eg elska starf mitt.”
E. S.
Margir eru ’ óánægðir með vinnuna, sem
þeir hafa með höndum, aðrir eru óánægðir
með kaupið. Hvernig er hægt að bæta úr
þessu? Gjörðu starf þitt svo vel að þér sé
heiður að, svo vel að enginn geti gjört það
betur. Þá muntu hafa gleði af vinnu þinni.
Ef þú færð lítið kaup, þá sýndu svo mikinn
áhuga við verk þitt, eins og þú værir að
vinna fyrir hæztu launum, eða eins og þú
værir að vinna fyrir sjálfan þig. Þá mun
kaup þitt brátt verða hækkað eða þér boðin
önnur staða með betra kaupi.