Stjarnan - 01.04.1952, Blaðsíða 4

28
STJARNAN
og hressandi. Alt útlit landsins jafnaSist
við fegurstu velli og blómabeð umhverfis
hallir auðmannanna. Englarnir litu feg-
urðina með gleði og fögnuðu yfir Guðs
dýrðlegu handaverkum.“ P. P.
Svo skapaði Guð manninn eftir sinni
mynd bæði að útliti og hugarfari. „Maður-
inrt skapaður af Guði var hár vexti, vel
vaxinn og svaraði sér vel. Útlit hans bar
vott um hreysti og hamingju. Adam var
stærri að vexti en menn nú alment eru.
Eva varjiokkru lægíj, en fögur og yndis-
leg. Sköpunarverk Guðs var fullkomið.
„Þannig algjörðist himinn og jörð og allur
þeirra her.“ „Og Guð leit yfir alt sem hann
hafði gjört og sjá, það var harla gott.“
lMós. 2:1. og L:31.
Alt var fullkomið. Enginn skuggi synd-
ar né dauða skygði á tilveruna. Alt var
svo, yndislegt og fullkomið. „Morgun-
stjörnurnar sungu gleðisöng allar saman,
og allir Guðs synir fögnuðu.“ Job. 38:2.
Hvernig Adam og Eva mistu heimili
sitt er sogarsaga sem öllum er kunn.
'Freistingin kom, maðurinn féll. Flóðgátt-
ir syndar, sorgar og eymdar opnuðust
mannkyninu. Bölvun hvíldi yíir jörðunni.
Fölnandi blóm og fallandi lauf báru vott
um afleiðingar syndarinnar. „Laun synd-
arinnar er dauði.“
Verður þetta að haldast við endalaust?
Nei. Jesús er ekki einungis frelsari
vor, meðalgangari og komandi konungur.
Hann endurleysir og endurreisir líka það
sem glatað var.
„Ég Drottinn er frelsari þinn, og hinn
voldugi Jakobs endurlausnari þinn,“ segir
Jesús oss fyrir munn Jesajas spámanns
49:26. Það sem maðurinn misti vegna synd-
arinnar, verður endurreist í fullkominni
dýrð og fegurð. Jesús kom til að leita, þess
sem glatað var og frelsa það. Þetta er lof-
crð Guðs sem aldrei bregst. Fyrir Jesús
úthelta blóð hefir hann endurkeypt alt
sem maðurinn tapaði í byrjun vegna synd-
arinnar.
„Sjá, hinir fyrri spádómar eru fram
komnir, en nú boða ég yður nýja hluti,
og læt yður heyra þá áður en fyrir þeim
vottar.“ Jes. 42:9.
Hvernig getur þettað orðið? Hvenær
verður það? Vér þurfum ekki að undrast
yfir því. Guð stendur við loforð sín.
Þessi gamla veröld full af sorg og synd
verður eyðilögð. „En dagur Drottins mun
koma eins og þjófur, og þá munu himn-
arnir með miklum gný líða undir lok,
frumefnin sundurleysast í brennandi hita
og jörðin og þau verk sem á henni eru
upp brenna.“ 2Pét. 3:10.
Eftir að synd og syndarar er alt eyðÞ
lagt við lok þúsund ára ríkisins sem Jó-
hannes talar um í Op, 20. kap. þá verður
endurlausnarverkið fullkomnað og jörðin,
sem maðurinn misti við fallið verður end-
urreist til hinnar fornu fegurðar Eden
aldingarðs.
Sá sem á hásætinu sat sagði: „Sjá, ég
gjöri alt nýtt.“ Op. 21:5. Já, það verður ný
jörð, synd og alt sem minnir á hana verð-
ur alveg afmáð. „Sjá, ég skapa nýjan him-
in og nýja jörð, hins fyrra skal ekki framar
minst verða og engum í hug koma.“
Jes. 65:17.
Á þessari endursköpuðu jörð munu
búa endurleystir menn og konur, endur-
leystir bæði andlega og líkamlega. Þeir
munu rísa með ódauðlegum líkama upp
úr gröf sinni þegar Jesús kemur aftur.
„Vér munum allir umbreytast .... þetta
hið forgengilega á að íklæðast óforgengi-
leikanum, og þetta hið dauðlega ódauð-
leikanum.“ lKor. 15:51.—53.
Þeir sem sjúkdómar hafa lagt í gröfina
munu koma fram í blóma lífsins. „Þá munu
augu hinna blindu uppljúkast, og opnast
eyru hinna daufu, þá mun hinn halti létta
sér sem hjörtur og tunga hins mállausa
fagna lofsyngjandi.“ Jes. 35:5.—6. „Enginn
borgarbúi mun segja: Ég er sjúkur.“
Jes. 33:24.
Þeir fá bænum sínum svarað. „Áður
en þeir kalla mun ég svara og ^ður en
þeir hafa orðinu slept mun ég bænheyra.1'
Jes. 65:24.
Þá munu menn gjöra undraverðar upp-
götvanir. „Því jörðin er full af þekking
á Drotni, eins og djúp sjávarins er vötn-
um hulið.“ Jes. 11:9. Vísindamennirnir
munu fagna yfir nýjum og nýjum opin-
berunum, er þeir rannsaka handaverk
Guðs við fætur hins æðsta kennara og
í skóla hans gegn um endalausar aldir
eilífðarinnar. Ó, hvílíkur dýrðardagur það
verður.
Stríðið er endað, synd og syndarar eru
ekki framar til. Alheimurinn er hreinn og
heilagur. Samræmi og fögnuður á sér stað