Stjarnan - 01.10.1952, Síða 2

74
STJARNAN
Það er enginn samjöfnuður hve miklu
þyngri vonbrigðin verða fyrir þá, sem ekki
gefa gaum að aðvörun Guðs: „Verið við-
búnir.“ Hann hefir sett viss skilyrði sem
vér verðum að mæta ef vér viljum öðlast
verðlaun hins eilífa lífsins. Það er sagt um
þá sem meðtaka þessi verðlaun að þeir
„varðveita boð Guðs og trúna á Jesúm.“
Fyrir þá sem eru óviðbúnir verður grátur
og gnístran tanna.
Heldur þú Guðs boðorð, öll þeirra?
Jakob postuli segir: „En þó að einhver
héldi alt lögmálið en hrasaði í einu atriði,
þá er hann orðinn sekur við öll boðorð
þess.“ Jak. 2:10. Trúir þú í sannleika á
Jesú, hefir þú Jesú trú? Eða fer þú að-
eins í kirkju í hverri viku og lætur það
nægja? Jesús sagði: „Ekki mun hver sá
er við mig segir: Herra, herra, ganga inn
í himnaríki, heldur sá er gjörir vilja föður
míns, sem er á himnum.“ Matt. 7:21.
Gefur þú gaum að aðvörun Guðs? Ert
þú að undirbúa þig fyrir eilífðina, eða læt-
ur þú berast með straumnum til eyðilegg-
ingarinnar?
Margir nú á tímum hafa að lokum
kannast við að spádómar Biblíunnar eru
áreiðanlegir, að endir heimsins sennilega
fé í nánd og Jesú muni bráðum koma, svo
þeir vilja hafa samband við söfnuðinn,
svo að þeir geti leitað athvarfs þar ef eitt-
hvað kemur fyrir. En þeir vilja ekki full-
komlega snúa baki við heiminum til þess
einhuga að búa sig undir eilífðina.
Það er ómögulegt að þjóna tveimur
herrum. Þeir sem vilja frelsast verða að
þola ámæli heimsins gagnvart einlægri
guðrækni þeirra, sem fullkomlega hafa
helgað sig Guði frelsara sínum.
Lítilsháttar viðbúnaður er einkis virði.
Eilífðin í dýrð hjá Guði er ómetanleg
verðlaun, og undirbúningurinn til að geta
hlotið verðlaunin, verður að vera afdrátt-
arlaus og fullkominn.
Gættu þín að vera ekki óviðbúinn þeg-
ar stundin kemur. Nú í dag er tækifæri að
búa sig undir eilífðina, við vitum ekki
hvort það verður á morgun. Breytum
þannig að vér getum höndlað hnóssið og
öðlast loforðið: „Sælir eru þeir þjónar,
sem húsbóndinn finnur vakandi þegar
hann kemur .... Verið þér viðbúnir.“
Lúk. 12:37.-40.
—H. B. WEEKS
Hvöt til bæna
Meðan á seinna stríðinu stóð þurfti ég
að ferðast frá Glendale til Los Angeles.
Stórt auglýsingaskilti dróg að sér athygli
mína, á það var prentuð óvenjuleg athuga-
semd: „Vakna þú, Ameríka. Bæn er eina
hjálparvonin þín.“
Ef þetta var nauðsynlegt í síðasta stríði,
þá er þess enn meiri þörf nú er þriðja
stríðið vofir yfir. Nú hljómar áminningin,
ekki einungis til Ameríku heldur til allra
íbúa heimsins: „Vaknið upp. Bænin er
eina hjálparvonin ykkar.“
Það er því miður satt að „vér höfum
fjölda trújátenda, en fáa biðjandi menn.“
Sami rithöfundur segir: „Vér höfum þörf
á bæn, einlægri alvarlegri, hjartnæmri
bæn, eins og Davíð bar fram er hann
sagði: „Eins og hjörturinn kallar eftir
rennandi vatni, svo kallar mín sál, Guð,
til þín.“
„Bæn er andardráttur sálarinnar,
leyndardómur andlegs styrkleika. Ekkert
annað getur komið í stað hennar til að
halda við andlegu lífi mannsins.“ Þegar
vér erum eins handgengnir Guði eins og
Elías var, þá mun Guð opinbera kraft sinn.
Þegar menn þreyta við Guð í bæn eins
og Jakob gjörði, þá mun verða sjáanlegur
árangur. Kraftur Guðs mun verða veittur
sem svar upp á trúaða bæn. Bæn er hið
sterkasta afl í heiminum, „hinn gleymdi
leyndardómur“ kraftarins.
Það er undravert hve bænasnauðir vér
erum. „Og hann sá að þar var enginn, og
hann undraðist að enginn vildi í skerast.“
„Enginn ákallar nafn þitt, enginn herðir
sig upp til að halda fast við þig.“ Jes.
59:16.; 64:6.
Það var einu sinni pappaspjald hengt
upp í veitingahúsi Kristilegs félags ungra
manna, á því stóð: „Guð er að litast um
eftir biðjandi mönnum.“ Finnur hann þig
meðal þeirra?
„Þar eð tími er kominn til að leita
Drottins, til þess að hann komi og láti
réttlætið rigna yður í skaut.“ Hósea 10:12.
„Yður er mál að rísa upp af svefni ....
liðið er á nóttina, dagurinn er í nánd.“
Róm. 13:11.-12.
Biðjum Drottinn „að úthella yfir oss
bænaranda."
—G. A. STEVENS