Morgunblaðið - 18.12.2018, Qupperneq 15
MORGUNBLAÐIÐ | 15
Vertu viðbúinn vetrinum
LÉTTAR – STERKAR – TRAUSTAR
SNJÓKEÐJUR
Nøsted Kjetting as
Hafðu samband og kynntu þér
vöruúrvalið og þjónustuna
Ný
hönnun
Dvergshöfða 2, 110 Reykjavík bilanaust@bilanaust.is
Sími: 535 9000 | bilanaust.is
Gæði, reynsla og gott verð
Vottaðir hágæða
VARAHLUTIR
í flestar gerðir bifreiða
Siðan 1962
Bílanaust er einnig í Hafnarfirði – Keflavík – Selfossi – Akureyri – Egilsstöðum
Bestu kaupin í nýjum bíl á næsta ári, 2019, eru í
nýjum Citroën Berlingo. Það er í það minnsta
niðurstaða stofnunarinnar Autobest. Dómnefnd
hennar, 31 bílablaðamaður frá jafnmörgum
löndum, setti hann í fyrsta sæti en í lokalotunni
stóð valið um sex bíla.
Keppnin var býsna hörð en það sem heillaði
dómnefndina öðru fremur var víðfeðmi inn-
anrýmisins og nytsemi. Var það niðurstaða
hennar að bíllinn væri ákjósanlegur til frí-
stundaútivistar allrar fjölskyldunnar.
Um er að ræða frumburð þriðju kynslóðar
Berlingo. Þetta er í fyrsta sinn sem sami bíl-
smiðurinn hreppir efsta sæti í stökum flokki hjá
Autobest, en í flokknum „Best Buy Car of Eu-
rope“ varð Citroën C3 Aircross smájeppinn
hlutskarpastur í fyrra og Berlingo í ár. Er það
eiginlega sami bíll og Peugeot Rifter og Vaux-
hall Combo Life.
Autobest viðurkenningarnar hafa verið veitt-
ar árlega frá 2001. Við valið metur dómnefndin
13 atriði, þar á meðal hvort bíllinn sé pening-
anna virði, hönnun, þægindi og tæknibúnað.
agas@mbl.is
Bestu kaupin í
Citroën Berlingo
Erlendir blaðamenn hafa mikið álit á Berlingo.
Atvinnubíladeild Volkswagen hef-
ur skellt sér út í verkefni í heil-
brigðisþjónustunni sem gengur út á
að þukla eistu karla í þeim tilgangi
að kanna hvort þar geti leynst æxli.
Hefur Volkswagen Crafter sendi-
bíll verið útbúinn sérlega sem fær-
anleg skoðunarstöð og mun hann
heimsækja margar borgir og bæi út
nóvembermánuð. Læknar „Balls to
Cancer“ líknarsamtakanna munu
þar athafna sig.
Sendibílstjórum í Bretlandi býðst
að gangast undir skoðun sem tekur
ekki nema örskotsstund sé allt óað-
finnanlegt. Er verkefninu sér-
staklega beint til þeirra.
Eistnakrabbi er vaxandi vanda-
mál í Bretlandi. Árlega greinast um
2.500 ný tilfelli eistnakrabba eða
sem svarar sex nýjum á degi hverj-
um. Í um 98% tilfella mun hægt að
lækna menn af meininu, finnist það
nógu snemma. Þrátt fyrir það sýna
rannsóknir að menn láta skera hár
sitt og snyrta oftar en þeir þukla
eistun. Volkswagen hvetur og bíl-
stjóra að þukla sjálfir eistun reglu-
lega, rétt eins og þeir láta viðhalds-
skoða bíla sína reglulega.
Í nóvember á sér stað sérstakt
átak á Bretlandseyjum sem snýr að
því að vekja fólk til vitundar um
heilbrigði karla. Er viðfangsefni
VW og Balls to Cancer liður í því.
agas@mbl.is
Volkswagen Crafter hefur verið breytt í færanlega skoðunarstofu sem
hjálpar við leitina að eistnakrabba. Skoðunin tekur enga stund.
Sendibílstjórar láti skoða eistun
Tölfræði setur hlutina oft í alveg
nýtt ljós og menn fá nýja sýn á
þá. Svo sem um hversu margir
keyrðir kílómetrar eru eknir ár
hvert
Útreikningar af því tagi hafa
verið stundaðir undanfarin ár í
Bretlandi og samkvæmt opinber-
um tölum sem út úr þeim hafa
komið, ferðuðust Bretar samtals
523 milljarða kílómetra í fyrra,
2017.
Er það meira en nokkru sinni
áður, og aukning um 1,3% aukn-
ing frá 2016. Þrátt fyrir það dró
úr losun gróðurhúsalofts frá öku-
tækjum.
Frekari sundurliðun á akstr-
inum leiðir í ljós, að af eknum
kílómetrum lögðu fólksbílar 406
milljarða kílómetra að baki, sem
er eins prósents aukning frá 2016,
82 milljarða óku sendibílar, sem
er 3% aukning og 27 milljarða
lögðu vöruflutningabílar að baki.
Þá var mótorhjólum ekið fimm
milljarða kílómetra í Bretlandi í
fyrra eða jafn mikið og árið áður,
og rútur óku samtals 3,2 millj-
arða, sem er 3% fækkun.
Þrátt fyrir að bílum hafi fjölgað
um 22% frá árinu 1990 sýna upp-
lýsingar frá samgönguráðuneytinu
í London að losun gróðurhúsalofts
frá bílum hefur lækkað um 3% á
sama 27 ára tímabili. Segir ráðu-
neytið það endurspegla meiri skil-
virkni bílvéla í notkun eldsneytis.
Akstur sendibíla jókst meira en
annarra bíla frá 2006. Þá jókst
akstur flutningabíla 2016 og 2017
en er enn þónokkuð undir því sem
var á miðjum fyrsta áratugnum.
Hraðbrautir eru aðeins um 1%
vegakerfisins í Bretlandi en um
þær fór þó 21% bílaumferðarinnar
í fyrra. Tölur ráðneytisins sýna
ennfremur, að 86% fólksbíla, 84%
sendibíla og 75% vöruflutningabíla
aka yfir hámarkshraða á vegum
sem leyfilegt er að fara um að há-
marki 30 km/klst hraða. Þar sem
50 km hámarkshraði ríkir brjóta
52% hraðareglur og 48% á hrað-
brautum.
agas@mbl.is
Þökk sé betri tækni helst meiri akstur ekki í hendur við meiri mengun.
Óku meira en menguðu minna
Volkswagen hefur ákveðið að skella sér af
fullum krafti í þróun og smíði rafbíla. Bíl-
smiðjunni í Zwickau verður breytt fyrir
smíði hreinna rafbíla með afkastagetu upp
á 330.000 eintök á ári.
Smíði rafbíla hefst í Zwickau á næsta
ári, fyrst með framleiðslu litla rafbílsins
ID. Sá fyrsti er væntanlegur af færibönd-
unum í nóvember 2019.
„Upphaf smíði ID.1 eftir 12 mánuði mun
marka þáttaskil og nýjan kafla í sögu
Volkswagen. Líkja má því við komu fyrstu
Bjöllunnar og fyrsta Golfsins,“ segir
Thomas Ulbrich, sem fer með málefni raf-
rænna farartækja í framkvæmdastjórn
VW.
Volkswagen mun fjárfesta fyrir 1,2
milljarða í breytingunum á starfsemi bíl-
smiðjunnar í Zwickau. Samkvæmt áætl-
unum eiga afköst smiðjunnar að vera kom-
in í 1.500 bíla á dag í ársbyrjun 2021.
Markmið VW er að rafbílasmíði fyrirtæk-
isins verði komin í milljón bíla á ári 2025.
agas@mbl.is
Skella sér á fullt
í rafbílasmíði
Nýsmíðaðir bílar á leið úr risastórri
bílsmiðju Volkswagen í Zwickau.