Árbók Nemendasambands Samvinnuskólans - 01.06.1986, Side 40

hjá mér, þegar þeir voru að leita að manni til að stjórna
gerð þessa hugarfósturs síns. Kannski þeir hafi talið að
sem kennari í Bifröst hlyti ég að eiga hæfilega náðuga
daga til að ráða vel við þetta verkefni. En hitt veit ég að
þeir komu við viðkvæma taug hjá mér: ég er sjálfur
fjarska veikur fyrir heimildasöfnun af því tagi sem
árbókunum var fyrirhugað. Það stafar í senn af forvitni
minni um fólk og mannlíf og jafnframt fágætur hæfi-
leiki til að gleyma svo að segja jafnharðan þeim fróðleik
sem ég finn af því tagi og muna fátt annað en það hvar
þeirra heimilda er að leita.
Það kom okkur að ég hygg öllum á óvart hvaða vandi
varð mestur við vinnslu árbókanna. Hann var sá að fá
fólk til að veita umbeðnar upplýsingar og veita þær svo
fljótt sem nauðsynlegt var. Otrúlega margir tóku okkur
jafnvel mjög svo þurrlega, svo ekki sé meira sagt. Aðrir
vildu staðfastlega afneita vissum atriðum í sambandi
við ævi sína. Flestir tóku þó fortölum. Það er skoðun mín
að upplýsingarnar í árbókum NSS séu svo réttar og
áreiðanlegar sem kostur er á.
En það var fleira við undirbúning árbókanna en það
eitt að safna efni í þær. I upphafi þurfti að velja þeim
snið og síðan að koma þeim fyrir í prentverki. Prentstað-
ur var valinn með því að senda fjórum völdum prent-
smiðjum bréf og biðja um tilboð í verkið eftir nánari
lýsingu. Þrjár prentsmiðjanna tóku okkur vel. Sú fjórða
lýsti útboðið óheiðarlegt og neitaði að senda tilboð. Yið
sömdum við þá prentsmiðju af þessum þremur sem
lægst átti boðið. Líklega hefur hún verið of lág, því hún
fór á hausinn áður en fyrsta bókin kom út. En þó hafði
okkur gefist tími til að kynnast góðum aðilum innan
veggja þess fyrirtækis, aðilum sem héldu áfram starfinu
undir nöfnum annarra fyrirtækja, og þessir aðilar hafa
annast fagvinnu allra árbókanna. Eg nefni Repró,
Leiftur, Arnarfell, og vil fyrir mitt leyti þakka þessum
aðilum gott samstarf.
Guðmundur R. Jóhannsson tók við ritstjórninni af
36