Feykir - 15.11.2017, Blaðsíða 5
ÍÞRÓTTAFRÉTTIR Fleiri íþróttafréttir á Feykir.isF
Hester ökklabrotinn og Stólarnir fá nýjan leikmann
Brandon Garrett leysir Hester af hólmi
Körfuknattleiksdeild
Tindastóls hefur samið til
næstu þriggja mánaða við
bandarískan leikmann að
nafni Brandon Garrett. Í
tilkynningu frá Tindastóli
segir að ákvörðunin sé tekin í
ljósi þess að leikmaður
félagsins, Antonio K. Hester,
ökklabrotnaði í sigurleiknum
gegn Keflavík í síðustu viku
og ætla læknar honum allt að
þrjá mánuði til að ná sér að
fullu.
Stefán Jónsson, formaður
körfuknattleiksdeildar Tinda-
stóls, segir að Brandon Garrett
sé kraftframherji sem telur 206
sentimetra á hæðina. Hann er
fæddur á því herrans ári 1990
og hefur leikið þrjú tímabil á
Spáni en á síðasta tímabili lék
Garret með boltann. MYND AF NETINU
Dominos-deildin : Keflavík - Tindastóll 88-97
Pétur með stjörnuleik í Keflavíkinni
Tindastólsmenn tóku rúntinn suður í Keflavík
sl. fimmtudag og léku á alsoddi gegn
gestrisnum heimamönnum. Leikurinn var
hraður og skemmtilegur og lið Tindastóls
mætti með fullan tank af baráttu og góðum
liðsanda. Lokatölur 88-97 fyrir Tindastól.
Leikurinn fékk fljúgandi start og eins og oft í
Sláturhúsinu suður með sjó þá var skotið í
akkorði. Skyttur heimamanna voru þó ekki með
miðið alveg í lagi og vörn Tindastólsmanna var
góð. Hester sýndi frábæra takta í sókninni og lék
Cameron Forte oft grátt og hinum megin á
vellinum lenti sá ágæti kappi í klónum á vígreif-
um Helga Rafni sem tók kappann þegar á leikinn
leið og hengdi hann upp á snaga í anddyri
Sláturhússins... Hann var í það minnsta geymdur
á bekknum í fjórða leikhluta.
Staðan að loknum fyrsta leikhluta var 16-22
og eftir tveggja mínútna leik í öðrum leikhluta
var staðan 20-30 eftir þrista frá Caird og Arnari.
Hester ökklabrotnaði þegar tæpar 15 mínútur
voru liðnar af leiknum, steig ofan á Þröst Leó og
gat ekki stigið í fótinn eftir það en í fyrstu héldu
menn að hann hefði snúið sig illa. Nú mátti búast
við því að heimamenn gengju á lagið en í raun
misstu þeir hausinn. Stólarnir, með Arnar í
banastuði, leystu sóknarleikinn ágætlega, settu
niður hverja körfuna af annarri og í stað þess að
nýta sér það að Hester var ekki lengur til staðar í
vörn Tindastóls þá svöruðu Keflvíkingar með því
að reyna að kafsigla Stólana með 3ja stiga skotum
en hittu, sem betur fer, ekkert voðalega vel.
Staðan 41-47 í hálfleik.
Síðari hálfleikur hófst með tveimur kær-
komnum körfum frá Axel Kára og síðan sló Pétur
Birgis eign sinni á fjórðunginn. Hann gerði 19
stig í röð fyrir Stólana og þegar hann loksins
hætti þessu þá var staðan orðin 48-70. Eftir þetta
límdi Reggie Dupree sig á Pétur þannig að hann
fékk ekki mörg tækifæri það sem eftir lifði leiks
en að loknum þriðja leikhluta var staðan 59-78.
Það var ljóst að Keflvíkingar yrðu að halda áfram
í 3ja stiga leiknum í fjórða leikhluta ef þeir ætluðu
sér að bjarga andlitinu og þeir fóru nálægt því.
Dupree fann fjölina sína og raðaði niður 3ja stiga
skotum og Ágúst Orra datt í gírinn sömuleiðis.
Stólarnir mjötluðu inn einni og einni körfu en
Keflvíkingar minnkuðu forskotið. Þeir náðu að
minnka muninn í sex stig, 88-94, þegar tæpar
tvær mínútur voru eftir og fengu færi á að
minnka muninn frekar, en víti frá Caird kom
þessu í þriggja körfu leik og brekkan sú reynd-
ist of brött fyrir Suðurnesjamennina.
Niðurstaðan frábær liðssigur Tindastóls í
baráttuleik tveggja af toppliðum deildarinnar en
það voru liðsheildin og -andinn sem skópu
sigurinn í Keflavík öðru fremur. Nú eru það
Tindastóll og ÍR sem eru á toppnum með 10 stig
að loknum sex leikjum.
Stig Tindastóls: Pétur 26/13 st, Arnar 21, Hester 16, Axel 14,
Helgi Rafn 8, Viðar 5, Caird 4 og Björgvin 3. /ÓAB
Verkefnið hefur hlotið
mjög góðar undirtektir
Norðurstrandarleið á góðum rekspöl
Í Morgunblaðinu í gær segir
frá því að verkefnið
Norðurstrandarleið eða
Arctic Coast Way sé nú
komið á góðan rekspöl.
Verkefnið hefur það að
markmiði að laða ferðamenn
að strandlengjunni meðfram
Norðurlandi, allt frá Húnaflóa
til Bakkafjarðar, árið um
kring og hvetja þá til að
staldra lengur við á svæðinu.
Eins og Feykir hefur áður
greint frá hefur Markaðs-
stofa Norðurlands umsjón
með verkefninu með þátt-
töku 17 sveitarfélaga og
ýmissa ferðaþjónustuaðila á
svæðinu.
Christiane Stadler, verk-
efnisstjóri, segir í viðtali við
Morgunblaðið að verkefnið
hafi fengið mjög góðar undir-
tektir hjá sveitarstjórnum og
ferðaþjónustuaðilum á svæð-
inu. Helsta áherslan undan-
farið hafi verið á innviðaupp-
bygginguna, m.a. varðandi
aðgengi einstakra staða, yfirlit
yfir ákjósanlegar gönguleiðir
og staði með sérstakt aðdrátt-
arafl, svo og öryggismál á
fáförnum stöðum og fleira.
Á næstunni mun athyglin
beinast sérstaklega að upp-
lifun ferðamannsins af svæð-
inu og hvernig hægt sé að
þróa leiðina og einstaka
áfangastaði með tilliti til
þeirrar upplifunar. Í gær
funduðu sérfræðingar frá
breska fyrirtækinu Blue Sail
funda með Markaðsstofu
Norðurlands um samvinnu á
þessu sviði en fyrirækið býr
yfir mikilli reynslu af ráðgjöf
við uppbyggingu ferðamanna-
leiða í öðrum löndum. Í
framhaldi af þessum fundi
verður haldinn vinnufundur
með aðilum af öllu svæðinu
sem Norðurstrandarleiðin
nær yfir og er svo reiknað
með að næsta vor muni
fulltrúar frá Blue Sail funda
með heimamönnum á ein-
stökum stöðum.
Meðal þeirra hugmynda
sem komið hafa fram er að
bjóða upp á sérstök vegabréf
fyrir svæðið þar sem
ferðamenn ættu kost á að
safna stimplum frá þeim
stöðum sem þeir hefðu
heimsótt. Rætt hefur verið
um tvær tegundir vegabréfa,
annars vegar fyrir áfangastaði
á Norðurstrandarleiðinni og
hins vegar fyrir þá sem kjósa
að fara sérstakar gönguleiðir.
Ferðalangarnir gætu svo
fengið sérstakt viðurkenn-
ingarskjal til staðfestingar á
að þeir hefðu heimsótt alla
áfangastaðina. Það eru nem-
endur í markaðsfræðum við
Háskólann á Akureyri sem
hafa þróað þessa hugmynd.
Að sögn Christiane Stadler
standa vonir til að hægt verði
að hleypa verkefninu form-
lega af stokkunum sumarið
2019.
Á miðvikudaginn í næstu
viku, 22. nóvember kl. 16-18,
verður haldinn á Ólafshúsi
svæðisfundur fyrir Skagafjörð
þar sem markmiðið er að
draga fram það besta sem
svæðið hefur upp á að bjóða.
Fundurinn er opinn öllum
þeim sem áhuga hafa á
svæðinu og vilja taka þátt í að
móta upplifun þeirra sem
ferðast um Norðurstrandar-
leiðina. Skrá þarf þátttöku
með tölvupósti á netfangið
bryndisl@skagafjordur.is. /FE
RARIK fer í mikla uppbyggingu í Skagafirði
Einn og hálfur
milljarður í uppbyggingu
Í fjórða þætti Atvinnupúlsins í
Skagafirði, sem frumsýndur
er á N4 í kvöld, er m.a. rætt
við Tryggva Þór Haraldsson
forstjóra RARIK. Hann segir
að allt að einum og hálfum
milljarði króna verði varið í
verkefni í Skagafirði næstu
misserin.
Uppbygging RARIK, sem
verið hefur í undirbúningi í
nokkurn tíma, miðast fyrst og
fremst að því að tryggja raf-
orkuöryggi í Skagafirði og að
raforkunotkun geti tvöfaldast á
svæðinu.
Landsnet áformar að leggja
66 kílóvolta jarðstreng frá
Varmahlíð í nýja aðveitustöð á
Sauðárkróki og verður hún
staðsett í iðnaðarhverfinu syðst
í bænum. /PF
hann í Sviss. Þar lék hann með
liði Geneve Lion og varð bikar-
meistari með liðinu.
„Brandon Garrett verður
kominn til landsins á mið-
vikudag og eru pappírsmálin
hans komin af stað og ekki
útilokað að leikmaðurinn geti
jafnvel leikið með liðinu í næsta
leik,“ segir Stefán en Þór Þor-
lákshöfn mætir Tindastóli í
Síkinu annað kvöld klukkan
19:15. /PF
Pétur í leik gegn Haukum á dögunum. MYND: HJALTI ÁRNA
43/2017 5