Bæjarins besta - 14.09.1994, Blaðsíða 4

OHAÐ FRETTABLAÐ
Á VESTFJÖRÐUM
STOFNAD 14. NOVEMBER 1984
Óháð vikublað
á Vestfjörðum
Útgefandi:
H-prent hf.
Sólgötu 9,
400 ísafjörður
® 94-4560
□ 94-4564
Ritstjóri:
Sigurjón J.
Sigurðsson
Blaðamaður:
Aðalsteinn
Leifsson
Ábyrgðarmenn:
Sigurjón J.
Sigurðsson
og Halldór
Sveihbj örnsson
s 94-5222
Útgáfudagur:
Miðvikudagur
Bæjarins besta er aðili að samtök-
um bæjar- og héraðsfréttablaða
Eftirprentun, hljóðritun, notkun
ljósmynda og annars efnis er
óheimil nema heimilda sé getið
Sendum út á sex-
tugt djúp sundur-
lyndis fjandann
Þórunn Guðmundsdóttir, hjúkrunarforstjóri HSÍ, á skrifstofu sinni.
Störf okkar verða
seint fullkomin
Iþróttabandalag ísfirðinga minntist 50 ára afmælis síns
nteð hófi í Félagsheimilinu í Hnífsdal sl. laugardag.
Forseti Iþróttasambands Islands, Ellert Schram, heiðraði
afmælisbarnið með nærveru sinni og flutti því kveðjur
heildarsamtaka íþróttafólks í landinu. Bæjarstjórinn á Isa-
firði og forseti bæjarstjórnar mættu til veislunnar og fór vel
á því. Hins vegar urðu veislugestir lítið varir við kveðjur
frá bæjaryfirvöldum til afmælisbarnsins. Vera má að þær
hafi verið komnar fram áður eða birtist síðar í hörðum
pökkum. Þá voru þarna nokkrir af fyrri forustumönnum
samtakanna.
Boltafélag Isafjarðar hefur þá háttu á að fagna lokum
knattspyrnuvertíðar og heiðra þá knattspyrnumenn, sem
best höfðu staðið sig á sumrinu. Að þessu sinni sam-
fögnuðu þeir Iþróttabandalaginu.
Þá stóð einnig til að minnast afmælis Skíðafélags Isa-
fjarðar, sem varð 60 ára 4. mars sl. Af einhverjum ástæðum
fór lítið fyrir þessum þætti í afmælishófinu og fulltrúar
Skíðafélagsins voru ekki áberandi.
I leiðara BB um bandalagið, frá 27. apríl sl. var komist
svo að orði: ,,Af ýmsu má ráða að í gegnum árin hafi
bandalagið verið hálfgert olbogabarn og hvernig sem á því
stendur aldrei notið þess skilnings af hálfu íþróttafélaganna,
sem verðugt var. M.a. af þessum sökum hafa glatast margar
sögulegar minjar úr eigu samtakanna. A hálfrar aldar
afmæli er ekki seinna vænna að bæta þar um.”
I hátíðarræði forrn. I.B.I., Jens Kristmannssonar, kom
fram að fullur hugur er nú í mönnum að láta skrá sögu
bandalagsins. Þetta er fagnaðarefni.
Það dylst engum að á tiltölulega fáum árum hefur sú
breyting orðið á að gamla góða áhugamennskan, þegar
menn röltu út á völl að loknu dagsverki til að sparka boltá
eða æfa frjálsar íþróttir, er úr sögunni. Bein og óbein
atvinnumennska hefur haldið innreið sína í íþróttirnar,
hvort sem mönnum líkar það betur eða ver.
Keppnin er ekki lengur einasta milli einstaklinga og
félaga heldur einnig milli sveitarfélaga, sem sum hver
leggja ofurkapp á að eiga íþróttamenn og félagslið á
landsmælikvarða. Þetta kallar fram auknar kröfur, aukin
framlög. S veitarfélögin eru krafin um stærri og betri íþrótta-
mannvirki, fyrirtækin á staðnum um fjármuni.
En mannvirki og peningar duga skammt ef íbúarnir
standa ekki með sínum mönnum. Iþróttafólk sem fær
engan móralskan stuðning heima fyrir er ekki jafn líklegt
til afreka og keppinautar sem hafa íbúa heils bæjarfélags
að bakhjarli. Glæsileg og góð íþróttamannvirki eru mikil-
væg. En því aðeins skila þau okkur góðu afreksfólki að
íbúarnir láti sér ekki standa á sama hvernig allt veltur,
heldur séu jákvæðir og virkir.
Bæjarfélag líkt og Isafjörður þarf á samstöðu íbúanna að
halda á öllum sviðurn. An einingar náum við ekki árangri.
Sundurlyndi er meinsemd og til þess eins að skemmta
Skrattanum.
s.h.
- en við reynum okkar besta!
Á Heilsugæslustöðinni á ísa-
firði fer fram margþætt heilsu-
vernd, s.s. skólaeftirlit, ung-
bamaeftirlit og mæðravemd svo
eitthvað sé nefnt. Allt er þetta
unnið í góðu samstarfi heilsu-
gæslulækna, hjúkrunarfræð-
inga, sjúkraliða, læknaritara,
móttökuritara og símavörslu-
fólks. Þórunn Guðmundsdóttir
er hjúkrunarforstjóri á Heilsu-
gæslustöðinni á Isafirði og hefur
yfirumsjón með áðurgreindum
þáttum ásamt yfirlækni stöð-
varinnar, Einari Axelssyni. Þór-
unn hefur starfað á heilsugæslu-
stöðinni frá árinu 1984, fyrstu
átta árin sem hjúkrunarfræð-
ingur.en síðustu tvö sem hjúkr-
unarforstjóri heilsugæslustöð-
varinnar.
Heilsugæslustöðin ertil húsa
í sömu. byggingu og Fjórðungs-
sjúkrahúsið á Isafirði en fyrr-
nefnda stofnunin sér m.a. um
að veitt sé heimahjúkrun á
hennar upptökusvæði en á því
eru yfir fjögur þúsund íbúar.
Það er því viðamikið starf sem
starfsfólk heilsugæslustöð-
varinnar innir af hendi allt árið
um kring. „Undir okkur heyra
heilsugæslustöðvamar á Suður-
eyri og í Súðavík og nánast allt
Isafjarðardjúp. Y firleitt er mjög
mikið að gera og ég hleyp
jafnan í þau störf sem vantar
starfkraft í hverju sinni, ýmist
vegna veikinda eða sumarleyfa.
Þannig kemur jafnvel fyrir að
ég sinni heimahjúkruninni,”
segir Þórunn Guðmundsdóttir.
Úrva/s
starfsfólk
tryggir
gott starf
Ein umfangsmikil starfsemi
sem fram fer hjá heilsugæslu-
stöðinni er læknamóttakan, en
hún er opin alla daga vikunnar.
Hún hefur alltaf gengið mjög
vel enda hafa unnið hér úrvals
læknar undanfarin ár sem við
höfum átt mjög gott samstarf
við. Einnig vil ég benda á, að
núorðið sækja læknar meira út
á landsbyggðina en áður og það
finnst mér mikið fagnaðarefni,"
segir Þórunn. Hún bendir einnig
á, að til að allt þetta starf gangi
upp, þurfi góða samvinnu allra
starfshópa innan stöðvarinnar
sem allir stefni að sama marki;
að veita sem mesta og besta
alhliða þjónustu.
Þórunn segir starf sitt vera
mjög skemmtilegt og bætir við
að starfsfólk heilsugæslustöðv-
arinnar vinni mjög þakklátt
starf. „Eðli starfsins hefur verið
hið sama um margra ára bil,
þ.e. að veita sem besta þjónustu.
Hins vegar tekur þjóðfélagið
sífelldum breytingum og það
eru alltaf gerðar síauknar kröfur
til okkar. Sömuleiðis þarf starfs-
fólkið hér á stöðinni að hafa sig
allt við að fylgjast með öllum
framförum. I því sambandi má
geta þess að hjúkrunarfræðingar
innan fjórðungsins hafa verið
mjög virkir að koma saman og
halda fræðslufundi. Við höfum
verið ötul að viðhalda menntun
okkar og höfum fengið fyrir-
lesara jafnt að sunnan sem hér
úr nágrannabyggðarlögunum.
Við erum líka alltaf að bæta
okkur og reyna að framkvæma
vinnu okkar betur. Störf okkar
verða auðvitað aldrei fullkomin
og þess vegna kemur líklega
aldrei sá dagur að við segjum
„jæja, nú er heilsugæslan orðin
svo góð að það er ekki hægt að
gera betur!“,‘‘ segir Þórunn
Guðmundsdóttir en eitt er víst,
a hún og samstarfsfólk hennar
stefna svo sannarlega að því að
gera sitt besta. .fjþ.
Minningartónleikar um Sigríði og Ragnar H. Ragnar
Kristinn og Jónas
skemmta Isfirðingum
SUNNUDAGSKVÖLDIÐ 18. september nk. halda þeir Kristinn
Sigmundsson, óperusöngvari og Jónas Ingimundarson, píanó-
leikari tónleika í sal Grunnskóla ísafjarðar og hefjast þeir kl.
20.30. Á efniskránni verða íslensk og erlend sönglög og aríur.
Tónleikar þessi eru haldnir í minningu hjónanna Ragnars H.
Ragnar og Sigríðar J. Ragnar.
Ragnar stjórnaði Tónlistar-
skóla Isafjarðar frá stofnun hans
árið 1948 til ársins 1984 og
naut til þess dyggrar aðstoðar
Sigríðar, konu sinnar. Undir
þeirra stjórn varð tónlistar-
skólinn öflug stofnun, lands-
þekktur fyrir góða kennslu og
kraftmikla stjórn við erfiðar að-
stæður. Þau hjón voru einnig
áberandi í bæjarlífinu á mörgum
sviðum. Ragnar var organisti
og stjómaði Sunnukórnum og
Karlakói' Isatjarðar um áratuga
skeið, og var varla haldin hér
sú menningarsamkoma, að
hann ætti þar ekki einhvem þátt.
Sigríður kenndi við tónlistar-
skólann, en var jafnframt einn
ástsælasti kennari Grunnskól-
ans. Hún var mjög virk í félags-
lífi á ýmsum sviðum, starfaði
ötullega að umhverfismálum og
var formaður Menningarráðs
Isafjarðar um langa hríð. Ragn-
ar lést árið 1987, en Sigríður
féll frá í niars 1993.
Tónleikarnir á sunnudags-
kvöldið njóta ómetanlegs
stuðnings og styrkja fjölmargra
einstaklinga og fyrirtækja, og
vonandi láta tónleikagestirekki
sitt eftir liggja að fjölmenna og
Jónas ingimundarson og
Kristinn Sigmundsson.
heiðra þannig minningu Ragn-
ars og Sigríðar. -s/f.
4
MIÐVIKUDAGUR 14. SEPTEMBER 1994