Bæjarins besta - 06.02.2002, Blaðsíða 11

MIÐVIKUDAGUR 6. FEBRÚAR 2002 11
Á laugardag mátti víða sjá fólk með skóflu í hönd við að losa bíla sína.
Jeppamenn kættust aftur á móti yfir snjónum og leituðu uppi stærstu skaflana.
Víða var illfært og jafnvel ófært innanbæjar á Ísafirði. Myndin er tekin á Urðarvegi.
Fyrsta alvöru vetrarlægðin kynnti sig um helgina
Sjúkraflutningamenn stóðu
í ströngu í óveðri og ófærð
Enn er víða ófærð innan-
bæjar á Ísafirði og í nágranna-
byggðarlögunum þegar þetta
er skrifað á mánudegi. Sam-
kvæmt upplýsingum frá Vega-
gerðinni voru allir aðalvegir á
Vestfjörðum orðnir færir á
mánudag en víða var mikil
hálka. Leiðin yfir Eyrarfjall í
Ísafjarðardjúpi var þó ófær
sem og Hrafnseyrarheiði og
Dynjandisheiði.
Að sögn lögreglunnar á Ísa-
firði er ekki vitað um neina
sérstök óhöpp vegna veður-
ofsans um síðustu helgi og
virðist sem fólk hafi að mestu
haldið sig heima á meðan
óveðrið gekk yfir. Mikið ann-
ríki var hins vegar hjá lögregl-
unni við að veita upplýsingar
um veður og færð og eins við
að koma upplýsingum til
björgunarsveitarmanna sem
aðstoðuðu fólk í ófærð og þá
sem þurftu nauðsynlega að
komast til og frá vinnu s.s.
starfsfólk Heilbrigðisstofnun-
ar Ísafjarðarbæjar, Bræðra-
tungu og Dvalarheimilisins
Hlífar. Þá var talsverður erill í
sjúkraflutningum og áttu
sjúkraflutningsmenn í tals-
verðum erfiðleikum að kom-
ast leiðar sinnar í óveðrinu.
Þurfti m.a. að kalla út tvo
jeppa til að fylgja sjúkrabíln-
um í útkall á Flateyri síðdegis
á laugardag.
Miklar rafmagnstruflanir
urðu á Vestfjörðum aðfaranótt
laugardags og fram eftir degi.
Stöfuðu þær af bilun í Vestur-
línu og vegna bilunar í streng
milli aðveitustöðvar á Ísafirði
og spennistöðvar á Stakka-
nesi. Eðlilegt ástand var kom-
ið á síðdegis á laugardag ef
frá er talinn Árneshreppur en
þar komst rafmagn ekki á fyrr
en á sunnudagskvöld. Ljós-
myndari blaðsins var á ferð
um Ísafjörð á laugardag og á
sunnudag og tók þá meðfylgj-
andi myndir.
Sjúkrabifreið að reyna að komast í gegnum snjóskafl á leið
í útkall aðfaranótt laugardags.
Maður og hundur á leið um Austurvöll á
Ísafirði í óveðrinu á laugardag.
Þrátt fyrir blindbyl létu ökumenn þessara
bíla ekkert stoppa sig við að ræða málin.
Mikil ófærð var á Silfurtorgi á Ísafirði eins og sjá má.