Fréttablaðið - 09.04.2021, Síða 30
ÞAÐ ER ÓTRÚLEGT
HVAÐ ÞAÐ SKIPTIR
MIKLU MÁLI AÐ HAFA GOTT
FÓLK Í KRINGUM SIG, SEM
HEFUR RAUNVERULEGA TRÚ Á
MANNI OG HJÁLPAR MANNI
ÁFRAM.
+ + + = 19.990 kr.
A L LT ÓTA K M A R K A Ð
Fjölskyldupakkinn:
Sólborg Guðbrandsdóttir er þekkt baráttukona og fyrirlesari og gaf út hina vinsælu bók Fávitar. Hún komst á metsölulista fyrir síðustu jól. Sólborg hefur
lengi sungið og gefur út sitt annað
lag undir listamannsnafninu Sun-
city. Lagið heitir Adios og fékk Sól-
borg kúbverska listamanninn La
Melo með sér í lið.
Söngelskar systur
„Ég hef verið syngjandi frá því ég
man eftir mér. Pabbi minn er tón-
listarmaður og spilar meðal annars
á píanó. Í minningunni var alltaf
tónlist á heimilinu. Ég var reyndar
ansi lagvilltur krakki en þökk
sé pabba þá tókst þetta ágætlega
hjá mér á endanum. svo á ég tví-
burasystur og við syngjum mikið
saman,“ segir hún.
Sólborg segir að sig hafi lengi
langað að semja sín eigin lög og
starfa við tónlist.
„Ég hef gefið út nokkur lög með
öðrum seinustu ár en þegar ég
eignaðist frábæra umboðsmenn
fyrir tveimur árum síðan þá varð
þetta allt einhvern veginn bara
rétt og hlutirnir fóru að gerast. Það
er ótrúlegt hvað það skiptir miklu
máli að hafa gott fólk í kringum sig,
sem hefur raunverulega trú á manni
og hjálpar manni áfram. Tónlist er
teymisvinna, það er alveg á hreinu,
og ég er virkilega heppin með mitt
teymi.“
Hvaðan kemur nafnið Suncity?
„Suncity er bara beinþýðing á
nafninu mínu. Mér fannst það töff
og ákvað, eftir miklar vangaveltur,
að velja það sem listamannsnafn,“
svarar hún.
Gott samstarf
Adios er annað lagið sem Sólborg
gefur út sem Suncity.
„Það er samið af Klöru Elias,
Ölmu Goodman, Aaron Ma x
Zucker man og La Melo, sem syngur
einmitt hluta af því með mér. Adios
er latin-popplag á bæði ensku og
spænsku og er áminning um það að
horfa á gjörðir fólks en hlusta ekki
einungis á fögru orðin þess. Ég er
búin að vera að vinna í því frá 2019
svo það er ansi ljúft að gefa það út
núna,“ segir Sólborg.
Klara og Alma eru líka lagahöf-
undar Naked, sem er fyrsta lagið
sem Sólborg gaf út.
„Svo við þekktumst fyrir þetta
ferli. Ég get svo sem ekki svarað því
nákvæmlega hvers vegna þær vildu
leyfa mér að syngja þetta lag en ég
er þakklát fyrir að þær treystu mér
fyrir því.“
Sólborg hafði áður heyrt frá La
Melo og heillaðist af tónlist hans.
„Mér fannst hann mjög hæfileika-
ríkur. Ég ákvað svo bara að senda
honum skilaboð á Instagram og
kanna hvort hann vildi vera með
mér í laginu. Hann var strax til í það
og úr varð þetta geggjaða samstarf.“
Verður þetta kannski sumar-
smellurinn í ár?
„Auðvitað vona ég að fólk muni
hlusta og kunna vel að meta lagið
en hvort því vegni vel eða ekki er úr
mínum höndum núna. Ég held og
vona að við fáum að njóta nýrrar
tónlistar frá fullt af listamönnum
í sumar og ég hvet fólk til að vera
duglegt við að styðja við íslenska
tónlist.“
Mikilvægt að hafa góða í kringum sig
Í dag kemur út lagið Adios í flutningi Suncity, sem er listamannsnafn baráttukonunnar Sólborgar Guðbrands-
dóttur. Hún hafði samband við kúbverska listamanninn La Melo og fékk hann til að syngja með sér í laginu.
Sólborg ætlar
að einbeita sér
að tónlistinni
í bili og vinnur
nú hörðum
höndum að
sinni fyrstu
plötu. FRÉTTA-
BLAÐIÐ/SIG-
TRYGGUR ARI
Adios með Suncity ft. La Melo kemur á streymisveitur í dag. MYND/AÐSEND
Bók fær að bíða
Sólborg segir að þrátt fyrir að henni
þyki íslenskan of boðslega fallegt
tungumál þá dreymi hana um að
starfa sem tónlistarkona úti í heimi.
„Stefnan er tekin þangað. Bæði
listamannsnafnið og ákvörðunin
um að syngja fyrst og fremst á ensku
var tekin með það í huga.“
Hvernig gengur að vinna að stutt-
skífunni, svona í skugga heimsfar-
aldurs?
„Það gengur ótrúlega vel. Ég er
að vinna hana með vinum mínum
og tónlistarsnillingum, Jóhannesi
Ágústi og Hildi, og við erum á mjög
góðu róli. Ég hlakka til að koma
henni út í kosmosið,” svarar hún.
Þegar Sólborg er innt eftir því
hvort von sé á framhaldi af metsölu-
bók hennar Fávitum, segir hún gerð
plötunnar ganga fyrir í bili.
„Annað fær bara að koma í ljós í
rólegheitum. Einn dagur í einu og
þetta COVID-rugl verður afstaðið
áður en við vitum af.“
steingerdur@frettabladid.is
9 . A P R Í L 2 0 2 1 F Ö S T U D A G U R18 L Í F I Ð ∙ F R É T T A B L A Ð I Ð