Morgunblaðið - 30.10.2021, Side 4

4 FRÉTTIR
Innlent
MORGUNBLAÐIÐ LAUGARDAGUR 30. OKTÓBER 2021
NÝJÁRSHEILSUFERÐ 2022
WWW.UU.IS HLÍÐASMÁRI 19, 201 KÓPAVOGUR SÍMI 585-4000 INFO@UU.IS
Á TENERIFE MEÐ KARÍTAS
Ekki er hægt að byrja árið betur en í heilsuferð á Tenerife.
Karitas bjóða upp á skemmtilegar æfingar í ferðinni sem
henta jafnt byrjendum og lengra komnum.
Boðið verður upp á Pilates tíma á morgnana, skemmtilegar
hjólaferðir, göngur, Tabata keyrslu og liðkandi æfingar
fyrir þá sem hafa áhuga á að fara í golf. Æfingarnar henta
öllum aldurshópum, hvort sem um er að ræða þol, styrk og
liðleika.
Karítas setur fram hugmyndir að vikumatseðli, skemmt
millimáli m.m. til að færa okkur nær heilbrigðum lífsstíl
byrjun heilsuársins 2022.
FLUG & GISTING Á TIGOTAN LOVERS & FRIENDS 4*
05. - 12. JANÚAR 2022
VERÐ FRÁ:210.900 KR.
á mann m.v. tvo fullorðna
Karítas María Lárusdóttir
Fararstjóri
BÆTT HEILSA
2022
ilegu
í
INNIFALIÐ:FLUG, INNRITAÐURFARANGUR,
GISTING Á TIGOTAN 4*
MEÐ HÁLFU FÆÐIDAGSKRÁ OGRÁÐLEGGINGAR FRÁKARÍTAS
Sigurður Bogi Sævarsson
Þorsteinn Ásgrímsson
„Auðvitað er fínt að fá staðfestingu á
því að of fáar íbúðir hafi verið byggð-
ar í Reykavík. Að skella skuldinni á
bankana er hins vegar röng nálgun,“
segir Eyþór Arnalds, oddviti Sjálf-
stæðisflokksins í Reykjavík.
Á fundi um uppbyggingu íbúðar-
húsnæðis sem haldinn var í gær sagði
Dagur B. Eggertsson borgarstjóri að
nú væri byggt sem aldrei fyrr í borg-
inni. Nær 3.000 íbúðir væru í bygg-
ingu og fyrirséð að sú uppbygging
héldist næstu ár. Um þá gagnrýni að
of lítið væri byggt sagði borgarstjóri
að halda yrði til haga að lán til verk-
taka í íbúðabyggingum hefðu verið
takmörkuð.
„Allir bankarnir skrúfuðu fyrir,“
sagði Dagur. Þetta hefði verið upp á
teningnum árið 2019. Nú væru bank-
arnir hins vegar aftur farnir að lána
til verktaka og verkefnum að fjölga á
ný.
5.318 íbúðir á tíu árum
Lóðaúthlutunaráætlun Reykjavík-
urborgar til næstu tíu ára var kynnt á
fundi borgarráðs sl. fimmtudag. Í
áætlun þessari eru tilgreindar lóðir
undir alls 10.260 íbúðir. Lóðaúthlutun
hjá borginni er skipt í þrennt; al-
mennar lóðir sem seldar verða með
útboðsfyrirkomulagi, lóðir í verkefni
sem tengjast hagkvæmum og græn-
um húsnæðislausnum og að lokum
lóðir sem úthlutað verður til húsnæð-
isfélaga.
Flestar lóðirnar falla undir útboðs-
fyrirkomulag en áætlað er að byggð-
ar verði 5.318 íbúðir á næstu tíu ár-
um. Óháð því er stefnt að
uppbyggingu um 1.000 íbúða á ári
hverju. Svæðin þar sem mest verður
byggt eru Skerjafjörður og nýtt
hverfi á Ártúnshöfða. Á tveimur reit-
um í Skerjafirði er stefnt að úthlutun
lóða fyrir 1.409 íbúðir.
Bankarnir ekki skorast undan
Birna Einarsdóttir bankastjóri Ís-
landsbanka segir staðhæfingu borg-
arstjóra um að bankarnir hafi dregið
úr lánum til húsnæðisuppbyggingar
ekki rétt mál.
„Þetta er í algjörri andstöðu við
það sem við höfum upplifað,“ segir
Birna í samtali við mbl.is. Hún segir
Íslandsbanka ekki hafa dregið úr lán-
veitingum til íbúðauppbyggingar.
Mikil samkeppni sé milli bankanna
um öll fasteigna-
verkefni á mark-
aðnum.
„Ég fullyrði að
það er mikill
áhugi hjá Íslands-
banka að ná til sín
framkvæmdafjár-
mögnun og við
þurfum í flestum
tilfellum að berj-
ast um hana,“ seg-
ir Birna. Að fleiri íbúðir vanti í bygg-
ingu skrifist ekki á bankana. Hún
segist ekki ætla að reyna að benda á
sökudólg en bankarnir hafi ekki skor-
ast undan lánveitingum til þessa
geira. Spurð nánar út í það hvort
bankinn hafi tekið ákvörðun um að
draga úr útlánum til íbúðafram-
kvæmda eða breytt stefnu sinni þar
eftir að heimsfaraldurinn kom upp
segir Birna svo ekki vera.
„Aldeilis ekki,“ segir Birna sem
bendir á að sjóðstaða margra bygg-
ingarverktaka sé góð. Þeir þurfi því
minni fjármögnun en oft áður.
Landsbankinn lánað mikið
Í skriflegu svari frá Landsbankan-
um um viðbrögð við orðum borgar-
stjóra segir að bankinn hafi ekki
dregið úr útlánum til íbúðaverkefna.
Eftirspurn eftir lánum til bygginga-
verkefna hafi verið jöfn og ekkert
bendi til sérstakrar breytingar þar.
Útán bankans til byggingarverktaka
á árunum 2018-2020 hafi verið sam-
tals 267 milljarðar króna.
„Mikil sala íbúða og margfalt meiri
eftirspurn fyrstu kaupenda gerði það
að verkum að verktakar gátu selt
fleiri íbúðir og þannig losað um fé til
að halda áfram uppbyggingu, sem
bankinn hefur stutt með lánveiting-
um. Eftirspurn eftir lánum til upp-
byggingar fer eftir ýmsum þáttum,
m.a. framboði lóða og getu verktaka
til að taka að sér ný verkefni,“ segir
m.a. í svari bankans.
Staðhæfingu um takmarkaðar lán-
veitingar til íbúðabygginga almennt
segir Eyþór Arnalds ekki ganga upp.
Bendir í því sambandi á að á síðustu
misserum hafi mikið verið lánað til
verkefna til dæmis í Garðabæ, á Suð-
urnesjum og fyrir austan fjall, svo
sem á Selfossi.
Kvaðir og innviðagjöld
„Veruleikinn er einfaldlega sá að í
Reykjavík er dýrt að byggja. Marg-
vísleg gjöld og kvaðir eru lögð á hús-
byggjendur, svo sem að í fjölbýlishús-
um sem reist eru fái borgin tiltekinn
fjölda íbúða á afsláttarkjörum. Verk-
takar geta ekki brugðist við þessu
öðruvísi en hækka verð annarra íbúða
í sömu byggingum,“ segir Eyþór.
„Að byggja á þéttingarreitum kost-
ar meira en að brjóta ný lönd undir
byggingar, flækjustigið er mikið og
nú hefur borgin bætt ýmsum innviða-
gjöldum við söluverð lóða. Allt fer
þetta út í fasteignaverð og hægir á
markaðnum. Af þessu leiðir að verk-
takar til dæmis færa sig í önnur sveit-
arfélög og eiga almennt ekki í vanda
með að fá lánveitingar.“
Takmarkað lóðaframboð
Sigurður Hannesson, fram-
kvæmdastjóri Samtaka iðnaðarins,
segist ekki kaupa þá staðhæfingu að
bankarnir hafi dregið úr lánveiting-
um til fasteignaverkefna í Reykjavík
– og að minna sé byggt af þeirri
ástæðu. Í nýlegri talningu SI hafi
komið í ljós að um þessar mundir séu
um 1.900 íbúðir í byggingu í borginni,
eða 30% færri en var fyrir tveimur ár-
um. Að mati fulltrúa aðildarfélaga SI
ráði takmarkað framboð af lóðum í
höfuðborginni þar mestu um stöðu
mála.
Bankarnir ósammála borgarstjóra
- Borgarstjóri segir takmörkuð lán banka til verktaka hafa dregið úr byggingum - Bankarnir ósam-
mála og segjast hafa lánað mikið - Flækjustig og dýrt að byggja í Reykjavík - Lóðaskortur ráði mestu
Morgunblaðið/Unnur Karen
Reykjavík Borgarstjóri var með kynningarfund í Ráðhúsinu í gærmorgun um byggingarverkefni í borginni.
Eyþór
Arnalds
Birna
Einarsdóttir
Sigurður
Hannesson
Landspítalinn hefur hert reglur um
heimsóknir á spítalann. Það er gert
vegna aukinnar útbreiðslu Covid-19.
Nú má aðeins einn gestur á dag vitja
hvers sjúklings á auglýstum heim-
sóknartíma. Heimsóknin má að há-
marki standa í eina klukkustund.
Grímuskylda gesta er án und-
antekninga. Gestir þurfa að vera 12
ára eða eldri. Þeir mega ekki koma í
heimsókn ef þeir eru í sóttkví, með
einkenni Covid-19 eða verið er að
rannsaka sýni úr þeim.
Sérstakar reglur gilda um að-
standendur sem eru nýkomnir frá
öðrum löndum. Óbólusettir og hálf-
bólusettir aðstandendur sem koma
að utan mega almennt ekki koma í
heimsókn fyrr en búið er að svara
neikvæðu sýni á fimmta degi frá
komu til landsins. Hægt er að sækja
um undanþágu til farsóttarnefndar í
sérstökum tilvikum.
Hjúkrunarheimili herða reglur
Fullbólusettir aðstandendur sem
koma frá útlöndum mega koma í
heimsókn eftir eina neikvæða Covid-
sýnatöku (PCR eða hraðgreiningu)
ef þeir eru ekki með einkenni um
Covid-19. Mælst er til þess að þeir
komi ekki í heimsókn fyrstu fimm
dagana eftir komu til landsins til að
draga úr líkum á smiti.
Hjúkrunarheimili hafa einnig
hert heimsóknarreglur. Á
Droplaugarstöðum gildir t.d. að
gestir skuli nota andlitsgrímu á
meðan þeir fara um húsið. Þeim er í
sjálfsvald sett hvort þeir nota grím-
una inni á herbergjum íbúa. Starfs-
menn eiga að nota andlitsgrímu við
umönnun íbúa þegar fjarlægð þeirra
á milli er minni en einn metri.
Á hjúkrunarheimilinu Sóltúni
gildir grímuskylda fyrir alla nema
íbúa. Þar má ekki nota margnota
grímur. Heimsóknum á að stilla í hóf
og ekki koma nema 1-2 gestir í einu.
Sigurjón Norberg Kjærnested,
framkvæmdastjóri Samtaka fyrir-
tækja í velferðarþjónustu, segir
flest hjúkrunarheimili aldrei hafa
afnumið grímuskyldu alfarið. Þess
hafi t.d. verið krafist að óbólusettir
gestir og starfsmenn bæru grímu.
Aðrir hafa viðhaft grímuskyldu þar
sem eru sameiginleg rými og þröngt
á milli fólks. „Við sjáum nú þegar
smitum fjölgar að sum hjúkrunar-
heimili auka við grímuskylduna,“
segir Sigurjón. Hann segir þetta
eiga t.d. við á Vesturlandi.
gudni@mbl.is
Hertar reglur
vegna fleiri smita
- Skerpa á grímuskyldunni