Morgunblaðið - 30.10.2021, Qupperneq 48

Afrekshugur er félag
um fjársöfnun til gerðar
afsteypu af höggmynd
Nínu Sæmundsson Spirit of
Achievement, Afrekshuga, sem
hefur staðið fyrir ofan anddyri
Waldorf Astoria hótelsins í
New York síðan 1931.
Félagið vill reisa afsteypuna
á Hvolsvelli í samstarfi við
sveitarstjórn Rangárþings
eystra til ævarandi minningar
um frægustu listakonu
héraðsins, fyrstu íslensku
konuna sem gerði höggmyndalist að ævistarfi og naut
alþjóðlegrar viðurkenningar fyrir verk sín.
Ríkisstjórn Íslands styrkti afsteypuna fyrr á þessu ári
um 4 milljónir og með styrkjum frá einstaklingum og
fyrirtækjum stendur söfnunarfé nú í 5.6 milljónum. En
heildarkostnaður við afsteypugerð og uppsetningu er um
8 milljónir, svo enn er nokkuð í land.
Við viljum því hvetja einstaklinga og fyrirtæki um land
allt að styrkja þetta verðuga verkefni og senda nafn
og kennitölu á netfangið afrekshugur@gmail.com.
Greiðslubeiðni að upphæð kr. 5.000 verður þá send í
heimabanka viðkomandi. Einnig er hægt að tilgreina
hærri upphæð í sama pósti.
Stjórn Afrekshuga skipa: Friðrik Erlingsson, rithöfundur.
Guðjón Halldór Óskarsson, organisti og stjórnandi
Karlakórs Rangæinga. Rut Ingólfsdóttir, fiðluleikari og
þýðandi. Anton Kári Halldórsson, oddviti sveitarstjórnar
Rangárþings eystra. Hrafnhildur Inga Sigurðardóttir,
listmálari.
AFREKSHUGA
HEIM!
AFREKSHUGUR
Styrktarfélag fyrir afsteypu og uppsetningu á Hvolsvelli af verki
Nínu Sæmundsson Spirit of Achievement / Afrekshugur
Steinþór Guðbjartsson
steinthor@mbl.is
Hjónin Kristján Stefánsson og Steinunn Margrét Lárus-
dóttir eru bæði lögmenn og hann með málflutningsrétt-
indi fyrir Hæstarétti. Þrír synir þeirra eru líka hæsta-
réttarlögmenn og vinna með föður sínum hjá KRST
lögmönnum í Hafnarhvoli í Reykjavík og sá fjórði, sem
er jarðfræðingur að mennt og sérfræðingur í byggingar-
framkvæmdum, er nýbyrjaður að vinna á stofunni með
föður sínum og bræðrum. „Ég beitti útilokunaraðferð-
inni, mér fannst fráleitt að elta vini mína í læknisfræðina
og lögfræðin varð því fyrir valinu en ég hafði engin áhrif
á námsval sonanna, þeir fundu fjölina sína sjálfir,“ segir
Kristján. „Fyrirtækið er með víðtæka starfsemi og hér
hafa þeir næg verkefni við hæfi.“
Kristján útskrifaðist úr lögfræðideild Háskóla Íslands
1974. Hann stofnaði eigið fyrirtæki 1. júní 1975 og hefur
rekið það síðan. „Ég var ekki með tilskilin málflutnings-
réttindi og því skráði ég mig hjá Hilmari Ingimundar-
syni vini mínum. Hann leppaði fyrir mig þar til ég var
kominn með réttindin skömmu síðar, en við deildum
skrifstofu þar til hann féll frá 2010.“
Stefán Karl byrjaði að vinna með föður sínum 2006,
Páll gekk til liðs við þá 2009, Jón Bjarni 2011 og Gunnar
um nýliðin mánaðamót. „Við rekum þessa lögmannsstofu
saman,“ áréttar Kristján. „Auk þess að veita fjölþætta
þjónustu erum við með húseigendaþjónustufélagið Fjöl-
eignir.
Áhrifamenn í KR
Fjölskyldan hefur alla tíð verið náin,“ segir Kristján,
sem fæddist í Valhöll á mótum Hringbrautar og Suð-
urgötu og hefur ávallt búið í Vesturbænum. Sömu sögu
er að segja um búsetu sonanna, nema hvað Páll er ný-
fluttur í Hafnarfjörð.
Þeir hafa allir látið að sér kveða í Knattspyrnufélagi
Reykjavíkur. Skákdeild félagsins var stofnuð 1999 og
hefur Kristján verið formaður hennar frá byrjun. Hann
segir að starfsemin hafi verið mjög öflug en utanaðkom-
andi þættir eins og covid hafi sérstaklega bitnað á barna-
og unglingastarfinu. „Við höldum skákkennslunni gang-
andi enda er þetta mikilvæg starfsemi, vel til þess fallin
að vera lím í góðu og stóru félagi.“ Páll er formaður
knattspyrnudeildarinnar, Jón Bjarni er ritari aðal-
stjórnar og báðir eru þeir í byggingarnefnd félagsins.
Stefán Karl var lengi fótboltaþjálfari yngri flokka og
Gunnar er nú í því hlutverki.
„Strákarnir mínir og vinir þeirra stofnuðu Knatt-
spyrnufélag Vesturbæjar við eldhúsborðið heima fyrir 17
árum og ég held að það sé mjög góð vagga fyrir KR, en
Palli var fyrsti formaður og þjálfari KV,“ vekur Kristján
athygli á. „Skrifstofan og KR eru okkar annað heimili og
segja má að við höfum aldrei farið að heiman, nema hvað
ég hef átt fast sæti daglega við háborðið á Kaffivagninum
í 30 ár.“
Morgunblaðið/Unnur Karen
Í Hafnarhvoli Frá vinstri: Páll, Gunnar, Kristján, Jón Bjarni og Stefán Karl á skrifstofunni í Tryggvagötu.
Leita ei langt yfir skammt
- Faðir og þrír synir hæstaréttarlögmenn á sömu stofu
- Fjórði sonurinn fræðingur í öðru fagi og vinnur með þeim
Í Landsrétti Páll, Stefán Karl, Kristján og Jón Bjarni.
Bassaleikarinn Ingibjörg Elsa Turchi og hljómsveit
hennar halda stofutónleika á Gljúfrasteini á morg-
un, sunnudag, kl. 16. Sveitina skipa, auk Ingibjargar,
þeir Tumi Árnason á saxófón, Magnús Trygvason Eli-
assen á trommur, Hróðmar Sigurðsson á gítar og
Magnús Jóhann Ragnarsson á píanó.
Ingibjörg gaf út sína fyrstu breið-
skífu, Meliae, í fyrra og hlaut hún
Kraumsverðlaunin og var valin
plata ársins af Morgunblaðinu
og hlaut fimm stjörnur í gagn-
rýni. Ingibjörg hlaut auk
þess tvenn verðlaun á Ís-
lensku tónlistar-
verðlaununum fyrir
árið 2021 og var
platan tilnefnd til
Hyundai Nordic
Music Awards fyrr
á árinu.
Ingibjörg og hljómsveit koma fram
á stofutónleikum á Gljúfrasteini
LAUGARDAGUR 30. OKTÓBER 303. DAGUR ÁRSINS 2021
5 6 9 0 9 0 0 0 0 0 9 0 0
Í lausasölu 1.268 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Matthildur Óskarsdóttir gerði sér lítið fyrir og varð í
gær heimsmeistari unglinga í klassískri bekkpressu
þegar hún sigraði í -84 kg flokki stúlkna á heimsmeist-
aramótinu í bekkpressu í Vilníus í Litháen. Matthildur,
sem er 22 ára gömul, er á öðru ári í sjúkraþjálfun í Há-
skóla Íslands og byrjaði að æfa kraftlyftingar þegar
hún var 14 ára.
„Þetta er algjörlega geggjuð tilfinning og ég átti alls
ekki von á þessu, farandi inn í mótið,“ segir Matthildur
meðal annars í samtali við Morgunblaðið. »41
Nemi í sjúkraþjálfun varð heims-
meistari unglinga í bekkpressu
ÍÞRÓTTIR MENNING