Feykir - 07.07.2021, Blaðsíða 5

ÍÞRÓTTAFRÉTTIR F
Tindastóll og Selfoss mættust
sl. miðvikudagskvöld í Pepsi
Max deildinni í knattspyrnu en
bæði lið vildu krækja í stigin
þrjú; Selfoss til að koma sér
betur fyrir í toppbaráttunni en
Stólastúlkur til að bæta stöðu
sína í hinni baráttunni. Það fór
svo að lokum að liðin skildu
jöfn en hvorugu tókst að koma
boltanum í markið enda lítið
um góð marktækifæri og
aðstæður ansi strembnar.
Það var hlýtt á vellinum en
sunnan rokrassgat gerði leik-
mönnum erfitt fyrir. Jackie fékk
besta færi Stólastúlkna í fyrri
hálfleik en Guðný Geirs í marki
Selfoss varði boltann í þver-
slá. Hin frábæra Hólmfríður
Magnúsdóttir var lífleg í sókn
gestanna og hún átti glæsilega
sendingu inn fyrir vörn Stólanna
á Evu Lind sem komst framhjá
Amber í markinu en færið var
orðið þröngt og María Dögg
hreinsaði boltann af línu. Bæði
lið fengu álitlegtar hornspyrnur
í fyrri hálfleik en tókst ekki að
skapa alvöru hættu.
Rétt eins og fyrri hálfleikur
var sá síðari jafn. Lið Tindastóls
ætlaði augljóslega að þrýsta
Pepsi Max deild kvenna | Tindastóll – Selfoss 0–0
Jafnt í sunnanbáli á Króknum
Kristrún með Hólmfríði í gjörgæslu. Bryndís ekki langt undan. MYND: ÓAB
Húnvetningar hafa verið á
flugi í 4. deildinni og eftir að
hafa tapað fyrsta leiknum
hafa þeir unnið alla leiki
síðan. Liðið sem lagði
Kormák/Hvöt í gras í byrjun
tímabils var lið Léttis úr
Breiðholti og þeir mættu á
Blönduósvöll sl. laugardag í
fyrsta leik síðari umferðar
D-riðilsins.
Húnvetningar voru ekki á
þeim buxunum að fella flugið
niður því þeir náðu forystunni
snemma leiks og sigruðu
örugglega 4-1.
Það var hinn eldsnöggi og
lipri Akil De Freitas sem kom
liði Kormáks/Hvatar yfir eftir
átta mínútna leik. Sigurður
Bjarni Aadnegard bætti við
marki á 41. mínútu og staðan
2-0 í hálfleik, Hann bætti við
öðru marki á 78. mínútu og
fullkomnaði síðan þrennuna á
fimmtu mínútu uppbótartíma
en í millitíðinni hafði Ari
Viðarsson minnkað muninn
með marki úr víti.
Kormákur Hvöt er nú á
toppi riðilsins með 21 stig eftir
átta leiki en Vængir Júpiters
geta jafnað við Húnvetningana
ef þeir vinna leik sinn gegn
Úlfunum. Toppliðin mætast
síðan í næstu umferð en leikið
verður á Fjölnisvelli í Grafar-
vogi þann 10. júlí kl. 14. /ÓAB
D-riðill 4. deildar | Kormákur/Hvöt - Léttir 4–1
Sigurður með þrennu
3. deild | Einherji – Tindastóll 3–6
Pape vaskur í níu marka
veislu á Vopnafirði
Síðastliðinn miðvikudag
tilkynnti Körfuknattleiks-
deild Tindastóls að samið
hefði verið við Bandaríkja-
mannin Javon Bess um að
leika með líðinu næsta tíma-
bil, 2021-2022 og daginn
áður var sagt frá því að samið
hefði verið við írska lands-
liðsmanninn Taiwo Badmus.
Javon Bess er 25 ára gamall
framherji (G/F), 198 sm á hæð,
en hann lék til 2019 með St.
Louis háskólanum í Atlantic 10
háskóladeildinni sem er mjög
sterk 1. deildar háskóladeild í
NCAA. Bess tók þátt í NBA
nýliðavali 2019 en var ekki
valinn.
„Stjórn kkd. Tindastóls
vonast til að Javon komi til
landsins í ágúst en þó er aldrei
að vita hvort ferðatakmarkanir
í Bandaríkjunum muni hafa
áhrif þegar líður nær hausti.
Stjórnin er spennt að sjá Javon
sprikla á parketinu í Síkinu,“
sagði í tilkynningu.
Taiwo Badmus er 28 ára
gamall, 200 sm á hæð og mikill
íþróttamaður. Hann er með
breskt-írskt vegabréf og kemur
því til liðsins sem Bosmaður.
Taiwo lék síðast með Leyma
Basquet Coruna sem er sama
lið og Sigtryggur Arnar Björns-
son lék með í lok síðasta
tímabils í spænsku LEB Oro
deildinni og sameinast þeir því
á ný á Króknum. Taiwo hefur
einnig verið hluti af írska lands-
liðinu síðustu ár. /ÓAB
Tindastólsmenn skutust austur
á Vopnafjörð á laugardag þar
sem lið Einherja beið eftir að
taka á móti þeim í mikilvægum
slag í botnbaráttu 3. deildar.
Lukkan hefur ekki verið í liði
með Stólunum í síðustu leikjum
og staða liðsins því ekki góð í
deildinni. Það var því bráð-
nauðsynlegt fyrir leikmenn að
sýna úr hverju þeir eru gerðir og
grípa stigin þrjú með sér heim
og rífa sig upp úr fallsæti í
leiðinni. Þetta hafðist í níu
marka veislu þar sem Stólarnir
skoruðu helmingi fleiri mörk en
heimamenn. Lokatölur 3-6.

Það blés ekki byrlega í upphafi
því Björn Ingólfs kom Einherja
yfir á þriðju mínútu en Pape
Mamadou Faye jafnaði tveimur
mínútum síðar. Heiðar Aðal-
björnsson kom heimamönnum
yfir á ný á 11. mínútu en Addi
Ólafs jafnaði á ný á 27. mínútu.
Pape kom Stólunum síðan yfir á
38. mínútu og staðan í hálfleik
2-3 fyrir gestina.
Pape fullkomnaði þrennuna
á 57. mínútu og bætti fjórða
marki sínu við fimm mínútum
síðar. Vopnfirðingurinn í liði
Tindastóls, Sverrir Hrafn, klár-
aði leikinn fyrir Stólana með
marki á 73. mínútu. Ismael
Moussa Yann Trevor átti hins
vegar síðasta mark leiksins á
fjórðu mínútu í uppbótartíma.
Með sigrinum komst lið
Tindastóls úr 11. sæti upp í það
níunda en segja má að 3. deildin
skiptist jafnt milli topp- og
botnbaráttu; sex lið í hvorri
baráttu. Stólarnir fóru ansi
fáliðaðir austur en aðeins 15
leikmenn voru á skýrslu og einn
þeirra var Atli Jónasson í þjálf-
arateyminu.
Næsti leikur Tindastóls er í
kvöld þegar strákarnir mæta liði
KFG á OnePlus-vellinum í
Garðabæ en um er að ræða leik
sem var frestað vegna Covid í
upphafi móts. Nú á laugardag
kemur síðan lið KFS úr Eyjum í
heimsókn á Krókinn og hefst
leikurinn kl. 12:00. Lið KFS er í
neðsta sæti sem stendur, þó
aðeins tveimur stigum á eftir liði
Tindastóls, og má því reikna
með hörkuleik. /ÓAB
Körfubolti
Badmus og Bess ganga
til liðs við Tindastól
Pape Mamadou Faye er kominn með níu
mörk fyrir Stólana. MYND: HJALTI ÁRNA
Baldur Þór þjálfari ásamt Sigtryggi Arnari. MYND: TINDASTÓLL.
Sigurður Bjarni Aadnegard.
MYND AF FB
boltanum upp völlinn og vinna
innköst og hornspyrnur til að
setja lið Selfoss undir pressu. Því
miður voru hornspyrnurnar
ekki vel framkvæmdar undan
vindinum, fóru flestar aftur fyrir
endamörk, og því tókst ekki að
ógna marki gestanna að ráði.
Selfyssingar sóttu gegn vindi en
vörn Stólanna hélt, þó stundum
væri smá skjálfti þegar Hólm-
fríður kom á ferðinni með allar
sínar fintur og fínerí. Það voru
þó hornspyrnur Selfossliðsins
sem sköpuðu mesta hættu en
allt kom fyrir ekki.
Jafntefli því sanngjörn úrslit
þegar upp var staðið. Í liði
Tindastóls var Kristrún ólseig og
límdi sig á köflum á Hólmfríði,
Dom átti sennilega sinn besta
leik fyrir Stólastúlkur, var grimm
og sterk, og þá átti Hugrún fína
spretti en í heildina var vinnslan
hjá heimastúlkum frábær og
varnarlega stigu þær varla feil-
spor. Í síðari hálfleik varð Leið 1,
langur fram eða upp kantana, of
oft fyrir valinu í stað þess að
reyna að færa boltann rólega
fram völlinn. En Leið 1 hefur
reyndar oft gefist Stólastúlkum
vel þó ekki hafi hún skilað marki
að þessu sinni. /ÓAB
27/2021 5