SÍB tíðindi - 07.10.1993, Síða 3

Kaupmáttur ráðstöfunartekna miðast við vísi-
tölu framfærslukostnaðar.
Þá er gert ráð fyrir að einkaneysla verði
4,3% minni á þessu ári en í fyrra. Neyslan
minnkar því minna en tekjumar, þannig að
heimilin ganga á spamað sinn eða taka neyslu-
lán.
Til viðbótar þessu er reiknað með að at-
vinnuleysi aukist og verði um 5,5% af mann-
afla á árinu 1994.
Þótt samtök launafólks verði að sjálfsögðu
að taka mið af stöðu þjóðarbúsins og horfum í
efnahagsmálum í kjarabaráttu sinni, liggur ljóst
fyrir að þessu ástandi verður ekki unað öllu
lengur.
Atvinnuleysi bankamanna vex
Eins og kunnugt er hefur SÍB fengið aðild
að Atvinnuleysistryggingarsjóði. Þar með
greiða bankamir ekki lengur atvinnuleysisbæt-
ur, heldur Atvinnuleysistryggingarsjóður.
Skrifstofa SÍB annast útreikning bóta-
greiðslna og sér um útborganir.
Þann 1. október fá 89 atvinnulausir banka-
menn greiddar atvinnuleysisbætur. Atvinnu-
lausir bankamenn em þó fleiri, um 10 manns
em á biðtíma, sex nýjar óafgreiddar umsóknir
hafa borist og uppsagnarfrestur nokkurra
bankamanna er enn ekki liðinn. Þannig em at-
vinnulausir bankamenn á annað hundrað eða
um það bil 3,3% félagsmanna.
Úrslit 1 íþróttamóti SÍB
íþróttamót SÍB var að þessu sinni haldið í
íþróttahúsinu á Seltjamamesi dagana 24. og 25.
september sl. Keppt var í hinum hefðbundnu
boltagreinum og var þátttaka ágæt.
Sigurvegarar í einstöku greinum urðu sem
hér segir:
Körfubolta:
í karlaflokki, lið Búnaðarbanka íslands
í kvennaflokki, lið Landsbanka íslands
Fótbolta:
í karlaflokld, lið Búnaðarbanka íslands
í kvennaflokki, lið íslandsbanka
Blaki:
í karlaflokki, lið Reiknistofu bankanna
í kvennaflokki, lið Landsbanka íslands
Handbolta:
í karlaflokki, lið Landsbanka íslands
í kvennaflokki, lið íslandsbanka
Keppnin fór vel og drengilega fram. Að
keppni lokinni var haldið veglegt hóf fyrir
keppendur og skipuleggjendur mótsins í sal
SÍB að Tjamargötu 14. Um 50 manns mættu til
hófsins og skemmtu menn sér hið besta. SÍB
óskar sigurvegumnum til hamingju og þakkar
keppendum þátttökuna og þá ekki síður þeim
sem unnu við framkvæmd mótsins.
Viðskiptabankar og sparisjóðir
(Ekld em talin með stöðugildi hjá RB eða þjónustustofnunum sparisjóðanna)
Á þessu súluriti kemur fram að stöðugildum í bönkum og sparisjóðum hefur fækkað um 115 milli
áranna 1991 og 1992 og alls um 371 frá árinu 1988 eða 12%. Ljóst er að á þessu ári verður fækkunin
umtalsverð. SÍB telur að sú þróun sem fram kemur í súluritinu sýni svart á hvítu að fjöldauppsagnir á
borð við þær sem vom í Landsbankanum 1. júní em ónauðsynlegar.