Veiðimaðurinn - 01.12.1990, Side 5

Formáli
Tímaritið Veiðimaðurinn kom fyrst út vorið 1940. í árslok 1960 tók ég saman efnisyfirlit ritsins til
þess tíma, en þá voru liðin rúm 20 ár frá því að það hóf göngu sína. Þetta efnisyfirlit var að því leyti
nýstárlegt, að greinum ritsins var raðað í þrettán flokka eftir efni. Var það gert í þeirri trú, að lesandi
ætti þá auðveldara með að finna grein, sem hann myndi óljóst eftir og fýsti að kynna sér að nýju.
Þessi flokkun er enn viðhöfð.
Sá sem ætlar að hafa not af flokkuninni þarf að sjálfsögðu að kynna sér hana og reyna að gera sér
grein fyrir hugsuninni, sem að baki liggur. Nauðsyn þykir því að rifja flokkana hér upp með örstutt-
um skýringum.
1. Veiðisögur ogfleira. Fyrst og fremst frásagnir af ferðum og atburðum, einkum tengdum veiði,
jafnt ortar frásagnir sem sannar.
2. Fróðleikur og leiðbeiningar. Að mestu ýmiskonar fræðsla um fiska, veiði, veiðarfæri, vatnsföll
og fleira. Þarna er einnig að finna leiðbeiningar um notkun og meðferð tækja.
3. Hvainingar og hugvekjur. Margskonar hugleiðingar og rabb um sameiginleg áhugamál stanga-
veiðimanna og samskipti þeirra við náttúruna. Þarna er til dæmis að finna öll ávörp ritstjóra og
forustugreinar. Að efni til er þetta einkum boðun.
4. Baráttumal og áminningar. Undir þetta flokkast gagnrýni á það, sem ábótavant þykir og betur
mætti fara frá sjónarhóli stangaveiði- og ræktunarmanns. Snýr margt að löggjafanum.
5. Umbcetur, rannsóknir, raktun. Að mestu frásagnir af framkvæmdum eða árangri athugana.
6. Akveðin vötn og vatnasvaði. Beinar kynningar.
7. Viðtöl. Flest viðtöl eru margbreytilegri að efni en svo að þau verði dregin í dilka með sama
hætti og aðrar greinar.
8. Minningargreinar. - Eftirmæli.
9. Gamall fróðleikur og þjóðsagnir. Þarf varla að skýra.
10. Frá félögum. Ymislegt frá félögum stangaveiðimanna, bæði um ákvarðanir þeirra og atburði,
sem gerast á þeirra vegum. Fleiri félög koma þarna við sögu, t.d. félög veiðiréttareigenda og jafnvel
alþjóðafélög.
11. Frá ýmsum stöðum. Fréttnæmt efni um flest, sem bundið er ákveðnum stöðum. Þarna er að
finna allar aflaskýrslur frá ákveðnum ám eða landshlutum, svo og fréttir af stórum fiskum.
12. Óflokkað innlent efni. Blandað efni, sem ekki þykir eiga heima í áðurtöldum flokkum. Þarna
er til dæmis að finna öll ljóð, sem birt eru í ritinu, hvort sem þau eru löng eða stutt, svo og umsagnir
um bækur.
13. Ymislegt erlendis frá. Þetta eru einkum stuttar greinar um efni, sem ekki þótti flokkast undir
ofanritaðar yfirskriftir. Þetta eru jöfnum höndum fréttir og fróðleikur, kenningar og frásagnir,
eða með öðrum orðum margskonar molar.
Þegar flokkað er eftir efni eins og hér er reynt að gera má lengi um það deila, hvort rétt sé gert.
Hætt er við að flokkunin beri nokkurn keim af viðhorfum þess, sem framkvæmir hana. Eins er efni
sumra greina af ýmsum toga og gætu þær því átt heima í fleirum en einum flokki. Stundum getur
skilningur flokkarans verið annar en skilningur þess, sem ætlar að nota sér flokkunina og verður
naumast við gert. En þrátt fyrir alla galla ætla ég að leyfa mér að vona að flokkunin auðveldi leit að
ákveðnum greinum.
Veiðimaðurinn
3