Norðurslóð - 21.07.2022, Blaðsíða 2

2 – norðurslóð
Á efri hæð kaffihúss
Bakkabræðra, þeirra Gísla,
Eirík og Helga, hefur opnast nýr
heimur, nánar tiltekið inn í heim
bíó-sýningastjórans í Leikhúsi
Dalvíkurbyggðar, Ungó. Hjónin
Heiða Símonardóttir og Bjarni
Gunnarsson sem hafa rekið
kaffihúsið í að verða níu ár, hafa
lengi vel gengið með þá hugmynd
í maganum að gera glugga sem
sýnir inn í gamla sýningarklefann
sem staðsettur er á efri hæð Ungó.
Blaðamaður Norðurslóðar kíkti í
kaffi til Heiðu.
“Við leigum þennan part af
húsinu, sem er Ungó, í 8-10
mánuði á ári og höfum alltaf vitað
af þessum sýningarvélum hérna á
bakvið veggin. Okkur fannst svo
gríðarleg synd að þær væru þarna
innilokaðar og að engin fengi að sjá
þetta upprunalega rými. Við fórum
þá að velta fyrir okkur hvað við
gætum gert til þess að leyfa fólki að
berja þetta augum og þá datt okkur
í hug þessi gluggi. Ég ræddi þessa
hugmynd við marga og endaði svo á
að sækja um styrk í Menningarsjóð
Dalvíkurbyggðar fyrir nokkrum
árum en fengum ekki þann styrk.”
Þau hjónin voru þó ekki tilbúin
að gefast upp og ákváðu þá að gera
þetta sjálf, en framkvæmdin er dýr.
Eini upprunalegi
sýningaklefinn
“Það er nýlega búið að gera
við þakið á Ungó, þannig að
sýningarvélarnar verða ekki teknar
þar upp í gegn og ekki komast þær
niður stigan. Þær munu því verða
þarna á meðan húsið stendur. Það
er í raun stórmerkilegt að þarna
var rekið bíó í öll þessi ár og það
má enn sjá öskuna úr vélunum
síðan fyrir tugum árum, en það
var kveikt í þessum vélum með
kolum og kolapinnarnir eru þarna
enn. Þetta er í raun og veru eins og
safn og algjör synd að almenningur
hafi ekki getað séð þetta. Við erum
líka búin að fá þær upplýsingar
frá Kvikmyndasafni Íslands, að
þetta eru eini sýningaklefinn og
sýningavélarnar sem eru í sínu
upprunalegu umhverfi á Íslandi.
Það er búið að færa allar vélar á
söfn eða í anddyri húsa, frá sínum
upprunalega stað. Þannig að við
ákváðum að taka það á okkur að
fara í þessa rándýru framkvæmdir,
sem mun svo sem ekki skila
miklum hagnaði, annað en gleði og
hamingju að fá að sjá hvað er þarna
á bakvið”
Vandað til verka
Þau Heiða og Bjarni fengu
leyfi frá bænum að fara í þessar
framkvæmdir á þeirra kostnað og
fengu Steypustöð Dalvíkur til að
gera gluggaopið í veggin og var sér
hannaður gluggi frá Gluggagerðinni
Berki settur í opið.
“Það er náttúrulega ekkert
stokkið í svona verk einn, tveir
og tíu, við þurfum leyfi frá
brunayfirvöldum og glerið verður
að vera brunahelt, þar sem þetta er
á á milli brunahólfa. Þetta er allt
gert með ákveðnar reglur í huga.
Við eigum svo eftir að láta hanna
herbergið og það á eftir að klæða
vegginn í takti við kaffihúsið”
L e i k m y n d a h ö n n u ð u r i n n
Þórarinn Blöndal mun sjá um að
hanna sýningarýmið, en hann hefur
unnið mikið með Heiðu og Bjarna í
tengslum við kaffihúsið.
“Við vorum svo ægilega spennt
fyrir þessu að við bara ákváðum
að í stað þess að hylja gluggann
áður en búið er að hanna rýmið,
þá leyfum við öllum að sjá hvernig
þetta er núna og svo hvernig þetta
verður, þannig þetta heitir núna
“verk í vinnslu”.
Aðspurð hvort þau hjónin séu
með fleiri verk í vinnslu segir Heiða
að það sé alltaf nóg að gera og nóg
af hugmyndum á teikniborðinu.
“Þrátt fyrir mörg verkefni hér og
mikla annir þá hef ég alltaf tíma
til að vera með svona í huga, þó
það gerist kannski minna þegar
maður er á kafi í súpupottinum.
Hugmyndir taka oft langan tíma
að verða að veruleika en eftir því
sem maður heldur þeim á lofti þá
er alltaf eitthvað sem gerist. Þó að
maður hugsi stórt og byrji smærra
þá bara kemur þetta í skrefum.”
Landsmót hestamanna
fór loksins fram og þar
átti Dalvíkurbyggð glæsta
fulltrúa tvífættlinga og
ferfættlinga í brautum og
ötulir stuðningsmenn sátu
í brekkunum í misgóðu
veðri og enn aðrir mættu í
félagsaðstöðuna í Hringsholti
og hvöttu þar sitt fólk og
hesta í beinni útsendingu. Að
þessu sinni fór mótið fram á
Gaddstaðaflötum við Hellu
dagana 3-9.júlí.
Þar skiptust svo sannarlega
á skin og skúrir eða reyndar
hellidembur og rok og sól og blíða
eins og oft vill verða á þessum
stað.Allir komu heilir heim og
menn og hross geta aldeilis verið
sáttir við sitt þó örugglega renni
í gegnum huga einhverra: Ég
hefði átt að lyfta aðeins betur, ég
hefði átt að hvetja aðeins fyrr, ég
veit að þessi hestur betur getur,
ég hefði átt að standa alveg kyrr!
Við óskum okkar fólki og hestum
og eigendum þeirra til hamingju
með árangurinn. Framtíðin er björt.
Barnaflokkur:
Björk frá Árhóli - Arnór
Darri Kristinsson 18.sæti
Unglingaflokkur:
Dögun frá Viðarholti -
Bil Guðröðardóttir 50.sæti
A flokkur:
Korka frá Litlu Brekku - Anna
Kristín Friðriksdóttir 17.sæti+
Vængur frá Grund - Anna
Kristín Friðriksdóttir 39.sæti
100m Skeið:
Hnopp frá Árbakka- Svavar
Örn Hreiðarsson Lá ekki
6 vetra hryssur:
Tara frá Jarðbrú 7.sæti
B-flokkur ungmenna:
Hryggur frá Hryggstekk -
Egill Þórsson 11.sæti Eigandi
hests Bil Guðröðardóttir
B-flokkur gæðinga
Tumi frá Jarðbrú 2.sæti
Tölt:
Tumi frá Jarðbrú var efstur í
B-úrslitum
Ákveðið var að hann tæki
ekki þátt í úrslitum þar sem
hann var líka að keppa í
úrslitum í B-flokki gæðinga
Slaktaumatölt
Týr frá Jarðbrú 9-10. sæti
Hryggur frá Hryggstekk 11.sæti
5 vetra hryssur:
Hringsjá frá Enni 5.sæti
Eigendur: Þorri og Nökkvi
Þórissynir og Teitur Árnason
Björk frá Árhóli með einbeittan knapa, Arnór Darra Kristinsson.
Ljósmynd:Pétur Skarphéðinsson
Svarfdælsk hross og
knapar á landsmóti
Stuttur stans í Syðra-Holti
Skjólbeltagerð
„Verk í vinnslu“
Gluggað inn í gamla tímann á Kaffihúsi Bakkabræðra
Það fer að verða árviss viðburður
á síðum Norðurslóðar að kíkja
á hina framkvæmdaglöðu
stórfjölskyldu á Syðra- Holti um
þetta leyti. Þegar ekið er framhjá
Holti er ekki óalgeng sjón að sjá
að minnsta kosti eina manneskju
bogra yfir beðum ellegar hafast
eitthvað annað við utanhúss.
Eitt þeirra skipta er blaðamaður
Norðurslóðar ók framhjá og sá þau
Eirík og Inger í vinnugallanum
eins og svo oft áður nýtti hann
tækifærið og tók þau tali vopnaður
myndavélinni.
Hvað er núna verið að bardúsa?
„Við erum nú bara að gera
skjólbelti hérna upp og suður með
merkjunum og líka raunar neðan
við veg þar sem við erum með
grænmetið.“
Fyrir ofan veg er ætlunin að hafa
bæði berjarunna og beitiland handa
fénu þegar að því kemur. En líkt
og glöggir lesendur Norðurslóðar
vita þá er stefnan að framleiða
sauðamjólk á Syðra- Holti. Við
erum líka búin að gera samning við
Skógræktina um að rækta einhverja
þrjátíu hektara neðst í hlíðinni
hérna fyrir ofan bæinn. „Við
ætluðum líka að vera með tvo reiti
hérna neðar en umhverfisráð hefur
synjað þeirri ósk okkar í tvígang,
nú síðast vegna þess að á svæðinu
sé svokallað snarrótarvistkerfi með
háu verndargildi“. Einhverntíman
hefði mátt hlægja að því á þorrablóti
að snarrótin væri friðuð.
Eiríkur heldur áfram : „Svo vona
ég að Hjörleifur (í Laugarsteini)
fái ekki hland fyrir hjartað því við
ætlum að nýta þennan áburð sem er
í skjólbeltinu og á milli og ætlum
að setja fóðurlúpínu, hún er ekkert
eins og bláa frekjan! hún kemur á
milli til þess að þar verði ekki bara
arfi og gras.

Inger og Eiríkur með skjólbeltið og vaska fjölskyldumeðlimi í baksýn.
Milli plastdúkanna kemur hin hægláta fóðurlúpína
Heiða með sýninga gluggann í baksýn
Sýningarvélarnar hafa dagað uppi án þess að hróflað hafi verið við þeim.
Norðurslóð
Útgefandi: Spássía ehf, Bjarkarbraut 25 620 Dalvík. S. 8461448.
Netfang: nordurslod22@gmail.com
Ritstjóri og ábyrgðarmaður: Jón Bjarki Hjálmarsson
Umbrot: Björk Eldjárn Kristjánsdóttir & Jón Bjarki Hjálmarsson
Prentvinnsla: Prentsmiðjan Litróf Hagprent ehf., Reykjavík