Fjarðarfréttir - 01.02.2024, Blaðsíða 4

4 www.fjardarfrettir.is FJARÐARFRÉTTIR | FIMMTUDAGUR 1. FEBRÚAR 2024
Jóhannes Reykdal fæddist 18. janúar
1874 að Vallakoti Reykjadal í Þing­
eyjarsýslu. Hann var yngstur 15
systkina og lærði trésmíði hjá Snorra
Jónssyni á Akureyri. Eftir það fór hann
til frekara náms til Kaup mannahafnar.
Árið 1902 flytur JÓhannes til Hafnar­
fjarðar og er fenginn til þess að reisa
Barnaskóla Hafnarfjarðar við Suður­
götu. 1903 reisir hann trésmíða verk­
smiðju með vélakosti, sem knúinn var
með vatnsafli Lækjarins. Fyrsta verk­
smiðja sinnar tegundar á Íslandi. Ári
síðar í desember 1904 stofnaði Jóhann­
es fyrstu almenningsrafveitu á Íslandi,
fyrir aðeins 120 árum síðan. Hann
virkjaði Hamarskotslæk í Hafnarfirði
og var fyrstur Íslendinga til að nota
vatnsafl til raforkuframleiðslu á Íslandi.
Jóhannes sá til þess að í Hafnarfirði var
kveikt rafljós í fyrstu kirkju, samkomu­
húsi, barnaskóla, verksmiðju, landsins
og heimahúsum, ásamt því sem fjórir
ljósastaurar fengu raflýsingu. Erlendis
er slík um stofn unum vel við haldið og
við stofnanirnar reist listaverk til að
minnast slíkrar sérstöðu.
HÁTÍÐ
HAMARSKOTSLÆKJAR
Hátíð Hamarskotslækjar minnir á
mikilvægi lækjarins og ljóssins.
Það var árið 2010 sem Steinunn
Guðnadóttir ákvað ásamt Halldóri
Árna Sveinssyni og öðrum góðum
stuðningsaðilum að halda á lofti þessari
merkilegu menningarsögu okkar Hafn­
firðinga. Hátíðin var haldin samfellt í
samstarfi við jólaþorpið fram að covid
tíma. Staðið var að 10 km Kaldárhlaupi,
þar sem hlaupið er eftir vatnaleið
Hamarskotslækjar. Aðrar uppákomur
voru, ljósaganga, fyrirlestrar, kvi k­
mynda sýningar, gerð minjagripa,
sögusýning í samstarfi við Byggða­
safnið, kórsöngur, ratleikur og aug­
lýsingar í samstarfi við Fjarðarfréttir, og
samstarf var við Hafnarfjarðarbæ og
Iðnskólann/Tækniskólann. Í listnáms­
braut skólans hönnuðu nemar eina önn
drykkjarvatnspóst og vinn ings hafar
fengu peningaverðlaun og nemar í
rafdeild hönnuðu skrautlýsingu í
Hellisgerði.
Samstarfs­ og styrktaraðilar hafa ver ið
margir þ.á.m. Hafnarfjarðarbær, Fjarðar­
fréttir, Hópbílar, Hlaup.is, Ann ríki,
Matarbúðin, Gullsmiðjan, Strend ingur
og VSB. Þá hafa fyrirtæki meðfram
Hamarskotslæk gefið verð laun í Kaldár­
hlaup ásamt öðrum fyrirtækjum og
veitingastöðum í bæn um.
Í ár verður haldið uppá 150 ár frá því
að Jóhannes J. Reykdal fæddist, 120 ár
frá fyrstu almenningsrafveitu landsins í
Hafnarfirði og 10 ára afmæli Hátíðar
Hamarskotslækjar.
Hátíðin fer fram í desember 2024,
Kaldárhlaup verður haldið og hlaup
fyrir fleiri aldurshópa. Þá stefna
að stand endur Hátíðar Hamar skots­
lækjar að útgáfu bókar, kvikmyndar,
o.fl.
Á afmælisdegi Jóhannesar J. Reykdal
þann 18. janúar sl. fagnaði fjölskylda
Jóhannesar þessum merku tímamótum
með því að hlusta á erindi séra Einars
og söng og undirspil í Fríkirkju
Hafnarfjarðar, en Jóhannes reisti
kirkjuna 1913.
Í safnaðarheimilinu var síðan kaffi­
boð þar sem rifjaðar voru upp sögur af
frumkvöðlinum Jóhannesi J. Reykdal.
150 ár eru liðin frá fæðingu
Jóhannesar J. Reykdals
Frumkvöðlinum sem lýsti upp Hafnarfjörð
Hluti afkomenda Jóhannesar Reykdal, í Fríkirkjunni 18. janúar 2024.
Hulda
sýnir í
Garðabæ
Hafnfirska listakonan Hulda Hreindal
Sigurðardóttir opnar sýningu á
Safnanótt, föstudag, 2. febrúar kl. 19 í
Bókasafni Garðabæjar.
Ber sýningin nafnið Umvafinn en
sýningin er í samstarfi við Grósku,
félag myndlistarmanna í Garðabæ, þar
sem Hulda er með vinnustofu.
Verkin sem hún sýnir eru akrýl verk
frá 2011­2013 auk landslagsmynda en
flest verkanna hafa ekki verið sýnd
áður.
Sýningin stendur út febrúar og verður
opin á opnunartíma safnsins.
Hulda Hreindal Sigurðardóttir
Vetrarhátíð hefst í dag og stendur til
laugardags. Fer hátíðin fram í öllum sex
sveitarfélögum höfuðborgarsvæðisins.
Þessi hátíð ljóss og myrkurs saman­
stend ur af þremur meginstoðum:
Safna nótt, Sundlauganótt og ljóslista­
verkum. Boðið er upp á yfir 150 við­
burði þar sem fjöldi listamanna tekur
þátt í að skapa einstaka stemningu í
borginni. Frítt er inn á alla viðburði á
Vetrarhátíð. Í Hafnarfirði verður Sund­
lauganótt í kvöld, fimmtudag og Safna­
nótt annað kvöld, föstudagskvöld.
SUNDLAUGANÓTT
1. FEBRÚAR KL. 18-22
Sundlauganótt er haldin í Ásvallalaug
með ljósi, myrkri og gleði, opinni sund­
æfingu, bombukeppni og sund lauga­
bingói með Evu Ruzu.
Kl. 19.30 og 21. Bombukeppni – hver
nær stærstu gusunni?
Kl. 20. Opin æfing hjá Görpunum í
Sundfélagi Hafnarfjarðar
Kl. 20. BINGÓ með Evu Ruzu
SAFNANÓTT
2. FEBRÚAR KL. 18-22
Bókasafnið, Byggðasafnið og Hafn­
ar borg opna dyr sínar fram á kvöld og
bjóða upp á skemmtilega dagskrá á
Safnanótt föstudagskvöld kl. 18­22.
Bókasafn Hafnarfjarðar
Kl. 18. Barnatónleikar með Mæju litlu
Jarðarberi.
Kl. 19.30 Galdratáknasmiðja með
Otiliu Martin.
Kynningar á starfi safnsins, hljóðsaga,
opið í djammhorninu, kynning á
tækjakosti.
Byggðasafn Hafnarfjarðar
Kl. 18­22 Pakkhúsið, Sívertsenhús og
Beggubúð opin.
Kl. 18­22 Ratleikur fyrir börn.
Kl. 18­22 Annríki sýnir baðstofuverk í
Sívertsens­húsi.
Kl. 19.30 Dagrún Ósk Jónsdóttir,
þjóðfræðingur, flytur fyrirlesturinn
„Máninn og myrkrið í íslenskum
þjóðsögum“.
Kl. 20:45 Listahópurinn Klassík flytur
íslenska og erlenda tónlist.
Hafnarborg
Kl. 18­22 Yfirstandandi sýningar:
Jónína Guðnadóttir – Flæðarmál og
Þór Sigurþórsson – Vísar.
Kl. 18. Síðdegistónar á Safnanótt: Tríó
Halla Guðmunds – Tangó fyrir einn.
Kl. 19.30 Nidra­hugleiðsla: í tengslum
við sýningu Þórs Sigurþórssonar,
Vísa, verður boðið upp á leidda
hugleiðslu af jógakennara þar sem
hugað verður að jarðtengingu, tima
og innri ró. Viðburðurinn hentar
gestum á öllum aldri.
Kl. 20.30 Leiðsögn um sýningar
safnsins með Aldísi Arnardóttur,
forstöðumanni Hafnarborgar.
Sjá nánar á reykjavik.is/vetraratid
Vetrarhátíð hefst í dag
Sæktu fyrir
Apple síma!
Á leiðinni fyrir Android
www.fjardarfrettir.is
FRÍTT
APP
vefblad.fjardarfrettir.is