Morgunblaðið - 03.10.2018, Blaðsíða 10

10 FRÉTTIR
Innlent
MORGUNBLAÐIÐ MIÐVIKUDAGUR 3. OKTÓBER 2018
HEYRNARSTÖ‹INKringlunni • Sími 568 7777 • heyra.is
exton™ heyrnartækin opna nýjar leiðir í samskiptum
g auka lífsgæðin. Komdu í ókeypis heyrnarmælingu
g fáðu heyrnartæki lánuð til reynslu.
Við hjálpum þér
að bæta lífsgæðin
R
o
o
Andri Steinn Hilmarsson
ash@mbl.is
Íbúðum í byggingu á höfuðborgar-
svæðinu hefur fjölgað um átján pró-
sent frá því í mars. Þetta kemur
fram í nýrri talningu Samtaka iðn-
aðarins.
Samkvæmt talningu SI eru núna
4.854 íbúðir í byggingu á höfuðborg-
arsvæðinu, eða 752 fleiri en þegar
samtökin gerðu síðast talningu á
íbúðum í mars. Íbúðir í byggingu
eru nú 5,6 prósent af heildarfjölda
íbúða á höfuðborgarsvæðinu í árs-
byrjun þessa árs en hlutfallið var
4,7 prósent í mars.
Reykjavík undir meðaltalinu
Hlutfall nýbygginga af heildar-
fjölda íbúðarhúsnæðis er hæst í
Mosfellsbæ. Þar er 541 íbúð í bygg-
ingu og hlutfallið 15,1 prósent af
heildarfjölda íbúða í sveitarfélaginu
í ársbyrjun. Næsthæst er hlutfallið í
Garðabæ þar sem 651 íbúð er í
byggingu, eða 11,7 prósent, og í
Kópavogi eru íbúðirnar 1.161 og
hlutfallið 8,8 prósent. Reykjavík,
Hafnarfjörður og Seltjarnarnes eru
undir meðaltali höfuðborgarsvæð-
isins. Í Reykjavík er hlutfallið 4,5
prósent af heildarfjölda íbúða en
þar eru 2.355 íbúðir í byggingu, ríf-
lega 49 prósent allra íbúða sem eru
í byggingu á höfuðborgarsvæðinu. Í
Hafnarfirði eru í byggingu 1,2 pró-
sent af heildarfjölda íbúða í sveitar-
félaginu, 122 íbúðir, og á Seltjarnar-
nesi eru 15 íbúðir í byggingu sem er
0,9 prósent af heildarfjölda íbúða.
Langflestar íbúðanna í fjölbýli
Af íbúðum í byggingu á höfuð-
borgarsvæðinu samkvæmt talningu
SI eru flestar í fjölbýli eða um 4.466
og hefur þeim fjölgað frá því í mars
um 771 eða um 21 prósent. Á sama
tíma hefur sérbýli í byggingu fækk-
að um fimm prósent og eru þau nú
379.
Þá er mesta fjölgun í íbúðum sem
eru á fyrstu byggingarstigum, þ.e.
að fokheldu. Slíkar íbúðir eru nú
2.668 sem er aukning um 628 íbúð,
eða um 31 prósent frá talningunni í
mars. Byggingar sem eru á því
byggingarstigi að vera fokheldar
eða lengra komnar eru 2.177 talsins
og hefur þeim aðeins fjölgað um
sex prósent frá því í mars. Segir í
greiningu Samtaka iðnaðarins að
það geri að verkum að lengra er í
að fjölgun íbúða í byggingu birtist í
auknum fjölda fullbúinna íbúða.
2,4% fjölgun íbúða árið 2018
Samtök iðnaðarins áætla að í ár
verði fullgerðar 2.084 nýjar íbúðir á
höfuðborgarsvæðinu sem er í takt
við spá samtakanna frá því í mars.
Um er að ræða 2,4 prósenta fjölgun
íbúða á höfuðborgarsvæðinu í ár,
en til samanburðar þá mældist
vöxtur í fjölda íbúða í fyrra 1,5 pró-
sent.
„SI spá því að 2.226 íbúðir muni
verða fullgerðar á árinu 2019 sem
er fjölgun um 2,3 prósent á íbúðum
á svæðinu. Þetta eru 202 fleiri íbúð-
ir en SI spáðu að yrðu fullgerðar á
árinu 2019 í mars-spá sinni.
Nokkru fleiri íbúðir munu sam-
kvæmt spánni verða fullgerðar á
árinu 2020 eða 2.695 alls sem er 2,9
prósenta fjölgun íbúða á svæðinu.
Þetta er 87 íbúðum meira en reikn-
að var með að yrði fullgert á því ári
í mars-spá Samtaka iðnaðarins,“
segir í greiningunni.
Hægir á vextinum
„Þetta er aukning frá síðustu
talningu og það er ánægjulegt að
sjá,“ segir Ingólfur Bender, aðal-
hagfræðingur Samtaka iðnaðarins,
í samtali við Morgunblaðið. „Þetta
endurspeglast í öðrum tölum;
fjölda launþega í greininni og þætti
hennar í landsframleiðslu og svo
framvegis,“ segir Ingólfur en
12.600 launþegar störfuðu innan
greinarinnar á síðasta ári saman-
borið við 7.200 árið 2012. „Miðað
við þessa talningu og spá Samtaka
iðnaðarins sem grundvallast á taln-
ingunni þá er aukið framboð á full-
búnum íbúðum framundan. Við er-
um að sjá einhvern vöxt næstu tvö
árin en það er að hægja á vextinum
frá því sem við höfum verið að sjá,“
segir Ingólfur.
Morgunblaðið/Hari
Kranar Af íbúðum í byggingu á höfuðborgarsvæðinu eru flestar í fjölbýli eða um 4.466 og hefur þeim fjölgað frá því
í mars um 771 eða um 21 prósent. Á sama tíma hefur sérbýli í byggingu fækkað um fimm prósent og eru þau nú 379.
Íbúðum í byggingu fjölgað um 18%
 Tæplega fimm þúsund íbúðir í byggingu á höfuðborgarsvæðinu  Íbúðir í byggingu eru 5,6 pró-
sent af heildarfjölda íbúða á höfuðborgarsvæðinu  SI áætlar tæplega 2.100 fullgerðar íbúðir á árinu
Fjöldi íbúða í byggingu á höfuðborgarsvæðinu
Maí 2010 til september 2018
2.500
2.000
1.500
1.000
500
0
Að fokheldu Fokhelt og lengra komið
2010 2011 2012 2013 2014 2015 2016 2017 2018
Heimild: Samtök iðnaðarins
2.668
2.177
375
1.641
Íbúðir í byggingu sem % af heildarfjölda íbúða
Sveitarfélögin á höfuðborgarsvæðinu í lok árs 2017
16%
14%
12%
10%
8%
6%
4%
2%
0%
Seltjarnarnes Hafnarfjörður Reykjavík Kópavogur Garðabær Mosfellsbær
8,8%
11,7%
15,1%
0,9% 1,2%
4,5%
Höfuðborgar-
svæðið alls: 5,6%
Heimild: Samtök iðnaðarins
Haraldur Sigurðsson,
fyrrverandi banka-
gjaldkeri og félags-
málafrömuður, lést á
sjúkrahúsinu á Akur-
eyri föstudaginn 28.
september s.l., 93 ára
að aldri.
Haraldur var fæddur
21. janúar 1925 að
Stuðlafossi í Jökulsár-
hlíð. Foreldrar hans
voru hjónin Hróðný
Stefánsdóttir húsfreyja
og Sigurður Haralds-
son bóndi og síðar for-
stjóri Nýja bíós á Akur-
eyri. Haraldur lauk prófi frá
Menntaskólanum á Akureyri árið
1945. Árin 1947-48 starfaði hann á
Skattstofunni á Akureyri og í af-
greiðslu Loftleiða árið 1949. Hann
var sýsluskrifari og gjaldkeri bæjar-
fógetans á Akureyri árin 1950-60.
Haraldur var gjaldkeri í Útvegs-
bankanum á Akureyri 1960-72 og
deildarstjóri víxla og skuldabréfa til
starfsloka þar 1994.
Haraldur gegndi fjölda félags- og
trúnaðarstarfa um ævina. Má þar
helst nefna að hann sat í stjórn frjáls-
íþróttadeildar Knattspyrnufélags
Akureyrar(KA)um árabil og starfaði
við flest frjálsíþróttamót á Akureyri
frá 1941 til 1983. Í stjórn Skíðaráðs
Akureyrar 1950-51, í stjórn Skíða-
sambands Íslands
1953-58, þar af varafor-
maður 1953-58. Ritari
stjórnar KA 1958-62 og
formaður 1976-79. Í
stjórn Tónlistarfélags-
ins á Akureyri 1965-70
og einn af stofendum
Lionsklúbbsins Hugins
1959, þar sem hann
gegndi fjölda trúnaðar-
starfa. Ritari stjórnar
Leikfélags Akureyrar
1962-64 og fram-
kvæmdastjóri 1967.
Haraldur hlaut fjöl-
margar viðurkenn-
ingar fyrir störf sín. Hann var heið-
ursfélagi í sex félögum og sam-
böndum, m.a. í KA, LA, ÍBA og
Frjálsíþróttasambandi Íslands.
Hann var sæmdur hinni íslensku
fálkaorðu árið 1998.
Eftir hann liggja nokkrar bækur,
m.a. Saga Leikfélags Akureyrar og
Skíðakappar fyrr og nú.
Eftirlifandi eiginkona Haraldar er
Elíasbet Kemp Guðmundsdóttr, hús-
freyja og bankafulltrúi,. Þau giftust
1954. Börn þeirra eru fjögur, Eva
Þórey, Ásdís Hrefna, Ragna og Sig-
urður Stefán, Barnabörnin eru 9 og
barnabarnabörn 13.
Útför Haraldar fer fram frá Akur-
eyrarkirkju mánudaginn 8. október
kl. 13:30.
Andlát
Haraldur Sigurðsson