Føroya kunngerðasavn A og B - 13.12.1997, Síða 1
433
Kunngerðablaðið A
1997 Hefti 23
ISSN 0907-905X
Nr. 155 12. desember
Kunngerð
um
reglur fyri endurgjaldsgrunn til alivinnuna.
Við heimild í § 7 í løgtingslóg nr. 87 frá 28. mai
1996 um endurgjaldsgrunn til alivinnuna verður
ásett:
NEVND GRUNSINS
§ 1. Nevndin fyri endurgjaldsgrunn til alivinnuna
kann veita endurgjald úr grunninum.
Stk. 2. Nevndin hevur um hendi málsviðgerð við-
víkjandi gjaldi í grunnin. Til hesa málsviðgerð letur
nevndin gera serligt oyðiblað, sum vísur uppgerð og
gjaldsupphædd, sum verður at senda til Føroya
Gjaldstovu at nýta til útskriving av kravinum.
Stk. 3. Nevndin hevur eisini um hendi málsviðgerð
viðvíkjandi umsókn um endurgjald úr grunninum.
Stk. 4. Nevndin ger starvsskipan, ið skal góðkennast
av landsstýrismanninum í vinnumálum.
GJALD í GRUNNIN
§ 2. Gjaldið í grunninum fellur til gjaldingar so-
leiðis:
1) Gjald fyri 1996 fellur til gjaldingar 1. januar
1998.
2) Gjald fyri 1997 fellur til gjaldingar 1. juli 1998.
3) Gjald fyri 1998 fellur til gjaldingar 1. juli 1999.
UPPGERÐ OG GJALDSHÁTTUR
§ 3. Gjaldið er grundað á uppgerð yvir sjósett smolt
frá smoltstøð og alara.
Stk. 2. Uppgerðin skal gerast á tað í § 2 nevnda
oyðiblað.
Stk. 3. Á oyðiblaðnum skal smoltstøð og alari vátta
talið av sjósettum smolti. Sjósett smolt er at skilja
sum tal av smolti, ið váttan liggur fyri at vera í ali-
brúkinum 3 mðr. eftir útseting. Rættleikin av váttan-
ini skal váttast av grannskoðara alarans.
Stk. 4. Tá neyðugu upplýsingar, váttanir og gjalds-
upphædd fyriliggja, verður oyðiblaðið sent Føroya
Gjaldsstovu til útskrivingar av kravinum.
ENDURGJALD
§ 4. Endurgjald úr grunninum verður latið fyri fisk,
ið verður avlívaður eftir boðum landsdjóralæknans
undir fylgjandi treytum:
1) at trygging ikki tekur við, og
2) at skaðin ikki er orsakaður av grovum
ósketni.
§ 5. Endurgjald verður veitt eftir umsókn til nevnd
grunsins.
Stk. 2. Saman við umsóknini skal latast:
1) avrit av boðum landsdjóralæknans um avlív-
ing,
2) góðkenning landstýrins av boðum um avlív-
ing,
3) skjalprógv fyri nøgd av avlívaða fiskinum, og
4) frágreiðing um tryggingarviðurskiftini.
Stk. 3. Nevnd grunsins hevur eftirlit við, at skjal-
prógv er fyri umsóknini um endurgjald.
§ 6. Nevnd grunsins veitir endurgjald sambært hesi
kunngerð og í samsvari við mettu fíggjarorku gruns-
ins.