Ægir - 01.09.2001, Blaðsíða 30

30
V E S T M A N N A E Y J A R
Hagnaður Vinnslustöðvarinnar fyrir afskriftir
reikningsárið 1. september 2000-31. ágúst 2001 var
yfir einn milljarður króna (nánar tiltekið 1.026.
milljónir. kr. samkvæmt uppgjöri sem birt var á
Verðbréfaþingi Íslands í október sl.). Hagnaður fyrir-
tækisins fyrir vexti og afskriftir hefur þannig rúmlega
tífaldast á aðeins tveimur árum. Rekstarárið 1999-
2000 skilaði fyrirtækið ríflega 500 milljónum króna
hagnaði fyrir afskriftir en þar áður, 1998-1999, var
samsvarandi tala 105 milljónir króna.
Umskiptin hjá Vinnslustöðinni (VSV) eru ótrúlega
mikil á fáeinum misserum. Fyrirtækið var nánast á
hliðinni snemma árs 1999, stórskuldugt með alvar-
legar meinsemir í rekstrinum. Núna, síðla árs 2001,
staðfesta tölur hins vegar að rekstur fyrirtækisins er
traustur, framlegð mikil en skuldir eru svipaðar og
fyrir tveimur árum. Fjármagnsgjöldin setja hins veg-
ar skarð í afkomugleðina eins og hjá svo mörgum öðr-
um fyrirtækjum, sem skýrist fyrst og fremst af rúm-
lega 700 milljóna króna gengistapi á rekstrarárinu
öllu.
Út úr töflunni hér til hliðar má lesa að
Vinnslustöðin er ekki lengur eitt af skuldugustu sjáv-
arútvegsfyrirtækjum landsins á mælikvarða nettó-
skulda á þorskígildi. Athygli vekur til dæmis að
bæði Grandi og Þorbjörn-Fiskanes eru skuldugri fé-
lög en VSV. Rétt er samt að benda á að þennan
mælikvarða verður að skoða í samhengi við aðra
þætti. Þannig á Grandi t.d. mikið af hlutabréfum
sem standa á móti skuldum félagsins.
Til að gefa hugmynd um breytingar til batnaðar
hjá Vinnslustöðinni má rifja upp ástandið fyrri hluta
árs 1999 og ráðstafanir til að draga út kostnaði og
styrkja þá þætti sem skiluðu mestum árangri:
• Landfrystingu bolfisks var hætt, sem leiddi til
þess að rekstur VSV í Þorlákshöfn var lagður af.
Heimamenn og sveitarstjórnin mótmæltu og
vændu ráðamenn VSV um svik.
• Starfsmönnum var fækkað í Vestmannaeyjum og
Þorlákshöfn, úr 320 í 150.
Viðfangsefnin voru erfið og ýmsar ráðstafanir sárs-
aukafullar en úrslitum réði að þarna skapaðist sam-
staða stjórnar, stjórnenda og starfsfólks um að bjarga
fyrirtækinu frá hruni. Og það tókst. Ákveðið var að
endurskipuleggja allan reksturinn og m.a. leggja
meiri áherslu en áður á saltfiskvinnslu VSV í Eyjum.
Hún hafði gengið vel en stjórnendur fyrirtækisins
höfðu ríka ástæðu til að ætla að þar væri eftir meiru
að slægjast, sem reyndist rétt. Í stórum dráttum er
staðan orðin þessi síðla árs 2001:
• Vinnslustöðin er öflugra fyrirtæki en um árabil
og rekstrarárangur þess er með því besta sem
gerist í sjávarútveginum.
• VSV er traustur vinnustaður, starfsfólk nýtur
meira öryggis en löngum áður.
Umskipti í rekstri Vinnslustöðvarinnar hf.:
Hagnaður fyrir vexti og afskriftir
tífaldast á tveimur árum
Nettóskuldir Þorskígildis-
(kr. á kg. þorskígildis) tonn alls
2000 - 2001
Tangi 820,5 2.400
Síldarvinnslan 599,5 7.414
Hraðfrystihús Eskifjarðar 510,3 6.760
Grandi 356,8 17.543
Þorbjörn - Fiskanes 325,2 18.709
Vinnslustöðin 324,9 10.873
Þormóður rammi - Sæberg 300,7 21.133
Haraldur Böðvarsson 284,6 17.709
Guðm. Runólfsson 268,6 6.000
Hraðfrystihúsið Gunnvör 245,8 13.840
Skagstrendingur 240,7 7.220
Útgerðarfélag Akureyringa 199,3 22.700
Samherji 176,6 34.921
Nettóskuldir = Skuldir án skuldbindinga - veltufjármunir
Þorskígildistonn skv. Fiskifréttum í sept 2000
Skuldir skv. 6. mánaða uppgjörum en í lok ágúst hjá
Vinnslustöðinni